طلب من معلمى اللغه الانجليزية للمرحله الابتدائيه

[بنت الأزهـر]

المشاركة الأصلية كتبت بواسطة أ/ سعيد موسى

معذرة على كثره اسئلتى بنت الازهر
كم صفحه تقريبا للثلاث مراحل التى قمتى بطبعها وهل اطبعها جميعا
ام هناك نصائح ممكن تقدميها عند الطبع

حضرتك عندك طابعة أم ستطبع بالخارج؟

أنا عندي طابعة بالبيت لذلك لم اتكلف شيئا سوى ورق الطباعة وكان عندي فلو حضرتك عندك طابعة خير وبركة لن تتكلف كثيرا ( الرزمة بـ 23 جنيها تقريبا)

لكن لو حضرتك هتطبع بالخارج لا داعي لطباعة الكتاب كاملا إلا لو كان السعر رخيصا وإن كنت أرى برضه هيكون تكلفة

أثناء الطباعة حضرتك هتحدد مثلا من صفحة 1 إلى 115 وتختار الصفحات الفردية Odd pages only
ولما تنتهي طباعتهم هتعكس ترتيبهم بمعنى أول ورقة تصبح آخر ورقة وتضعهم مرة تانية بس بتركيز أي جهة هتطلع رأس الصفحة
وبرضه حضرتك تختار من صفحة 1 إلى 115 بس المرة دي هنطبع Even pages only الصفحات الزوجية

هتطلع كدا الورقة وش وظهر ودا اوفر طبعا وأقل في الورق

كل كتاب من الكتب حوالي 280 صفحة يقل او يزيد شوية

بس متقسم ازاي؟
بدايته نصايح عن عموم تحضير كل درس من الوحدات
ثم جزء بالتفصيل للوحدات كلها مع صورة الصفحة طبعا
ثم جزء امتحانات على كل وحدة وكل درس
ثم جزء حل أسئلة كتاب النشاط
ثم جزء حل اسئلة الامتحانات
ثم جزء للألعاب المصاحبة للمنهج
ثم جزء للنشاط الورقي خاصة للصفوف الاولى
ثم جزء للكروت أو الجوائز والشهادات التي يمكن طباعتها والاستفادة منها

في اجزاء مش مستاهلة طباعة وهو الجزء الخاص بالحلول
وانا ذكرت لحضرتك الاجزاء بس اول 2 بترتيبهم الصحيح الباقي لا قلتهم اجمالا يعني

أنا طبعت وأخذت كل صف منفصل و" كعّبت الورق" والتكعيب بـ 2 جنيه ونصف للمذكرة الواحدة
ممكن حضررتك تطبع للمدرسين مثلا الوحدات الأولى والثانية في الترم الاول فقط وتخبرهم مثلا لو حد عاوز الكتب يجيب فلاشة وحضرتك تنقلها له وهو يروح يكمل طباعة
او انهم يكملوا تحضير كما بالوحدتين نفس الطريقة مكررة مع اختلاف الدرس يعني

وأي سؤال تحت أمر حضرتك