انقل جبال و لا تغير طباع

[لافانيا]

المشاركة الأصلية كتبت بواسطة هتـــلر

السلام عليكم


كل واحد ليه طبع مختلف عن التاني
فيه طباع متميزه جداً وفيه طباع وحشه جداً

مفيش انسان اتخلق وجواه طباع سواء سيئة او جميلة
الانسان بيكتسب كل ده من بيئته وطريقة تربيته
او اختلاطه بمن حوله لكن هو اللى بيختار بنفسه
طريقه وتصرفاته ويتعود عليها ومن هنا بتبقى طباع


هل انت مع مقولة "انقل جبال و لا تغير طباع ؟

لا اتفق مع المقولة

وذكرتنى المقولة بقول الشاعر


إذا كان الطّباع طِباعَ سوء *** فلا أدبٌ يفيد ولا أديبُ

لاا تفق مع المقولة او قول الشاعر
لان كل شئ يمكن تغييره بس بيحتاج الامر انه اولا ينبع من داخل الانسان
واحساسه انه نفسه يغيير نفسه الى جانب مساعدة اللى حواليه
وبينج لو عنده ارادة انه يغير فعلا نفسه وطباعه للاحسن
انما احيانا ناس بتفشل فى التغيير وتتظاهر قدام الجميع
انها اتغيرت و فى اقرب وقت بتتكشف بسهولة من تصرفاتها
يعنى التغيير ممكن لكن يتوقف ع شخصية الفرد
ومدى حاجته للتغيير


هل ممكن تغيير الطبع ؟

بسهولة لو كان نابع بصدق من داخل الانسان
واحساسه ان لازم يغير نفسه وحياته
انما لو غير مقتنع هيتظاهر فقط

هل غيرت طبعك قبل كده ؟و ايه الطريقه ؟

لا محولتش لان مفيش حد اشتكى من اى
طباع غير محتملة عندى ههههههههه
ولو اشتكوا اكيد احاول وبسرعة لان لحظات مريرة اللى تحس
فيها ان غيرك بينتقدك لشئ فيك
هل تعرف حد طبعه اتغير؟ و كان ايه وبقى ايه ؟

شكراًً

ايون فيه ناس كتير بيجى عليها وقت بتشوف انها مبقتش متحملة نفسها
وان اللى حواليهم بينقدوهم كتير فلازم يتغيروا باى شكل
وبيحصل الامر تدريجى

عندى صديقة كان اسلوبها مستفز وبتغضب بسرعة من اى حاجة وبتطلع عصبيتها على اللى حواليها لدرجة ان بعضهم مبقوش بيحبوها ولا بيحبوا تقعد معاهم
وهى حست بالموضوع ده وبدأت تسأل تعمل ايه عشان تخفف عصبيتها و كلامها فى
الغضب بيبقى وحش فشوية بشوية حسنت نفسها واتغلبت ع الموضوع ده بطريقتها هى
لكن خدت وقت كتيريمكن سنة وشوية وبالتدريج اتحكمت بغضبها
الطبع ممكن تغييره لانه مكتسب
( انك امرء قد احسن الله خَلقك فاحسن خُلقك)
موضوع جميل
تحياتى لحضرتك