هام للمدرسين مارايك بأمانة في امتحانات الكادر

[اميرة احمد ياقوت]

ااانا مدرسة من 20 سنة وذهبت بعثة لانجلترا واشتغلت فى السعودية سنة يعنى بلد اجنبى وبلد عربى وفى البلدين كانو مبهورين بامكانيات المعلم المصرى واد اية المعلم لة قيمتة الاجتماعية والمادية فى هذة الدول ولكن فى مصر الدمار الشامل للمعلم انا عن نفسى لااقبل بالاهانة ولو عاوزين امتحان انا موافقة وشرطى الوحيد جلوس وزير التعليم وجميع الوزراء والقيادات المسئولة فى مصر عن شعب مصر وعنا كاولياء امور لطلبة من طلاب مصر اقبل من كون المعلمين الذين قاموا بتخريج هؤلاء الوزراء والقيادات التى اعطت لنفسها الحق الان فى تقييم المعلم الذى لة فضل عليهم وعلى ابنائهم وابائهم واجدادهم فى الجلوس الى جانبنا وتادية الامتحانات معنا كتفا الى كتف وعلشان اية دة كلة علشان زيادة 200 300 جنية نعمل بيهم اية خليهم فى جيوبهم يتالوها اكثر وهاخذ حقى منهم امام المولى عز وجل ونعيش الباقى من عمرنا بكرامة احسن

[المهد]

طبعا مبدا الامتحانات دة مرفوض مش عشان هى صعبة لاواللة انا شايف ان الامتحانات كلها سهلةوالمفروض انها من المنهج اللى هو بيدرسة فالمفروض ان كل الاسئلة اللى بتيجى فى الامتحان دية هو بيقوم بتدريسها وممكن فى اى وقت يقوم طالب ويسالة فيها وبالتالى الامتحان مش صعب خالص ولكن الفكرة نفسها هى اللى مرفوضة فكرة امتحان معلم اللى مفروض هو قدوة الطالبالاولى والى الطالب بينظر ليه على انة مفيش حد يعرف زية ،اية الحال لما يعرف انة قدوة الاساسية بتروح تتمتحن وممكن تنجح او يرسب
، لازم السؤلين تعرف مدى اهمية المدرس للطلب ومدى اهمية نظرة الطالب لية ولازم يحافظوا على مكانتة اما الطلبة امضاء

[لمسة وفاء]

طبعا مهزله بكل الاحوال ازاي مدرس مهما كان عمره يمتحن تاني
وهو الدكتور او المهندس امتحن علشان الكادر طبعا لا بس احنا
يا مدرسين دايما بنسكت وبنخاف وعمرنا ماعملنا موقف في اي
مشكله وبنهرب من بعض وكان حد هياخد رزق التاني والارزاق علي
الله لازم الاول نقف قدام نفسنا في لحظه صدق
مدرسه اكيد

[محمد السيد بلال]

نحن نرفض مبدأ الأمتحان شكلا وموضوعا00 وهل يوجد ذل للمعلم اكثر من هذا
نحن محتاجين وقفة ونبدأ بها من هنا وياريت كل مدرس يدخل ويقول رأيه بصراحة في هذه المهزلة

[محمود طه القالع]

خلاصة القول
قيل لي مرة من احد مديري المدارس التي عملت بها
بلدهم وهم حرين فيها
علي فكرة
انا حاصل علي بعثة لانجلترا وعلي الرخصة الدولية للكمبيوتر ومدرب لانتل ( التعليم من اجل المستقبل ) واجتياز اليوفيل بالجامعة الامريكية ودورة استخدام التكنولوجيا في التعليم ولكن
امتحن تاني
عادي جدا لو الموضوع لم ياخذ هذا الشكل وهو عدم الثقة في المدرس المصري
واخيرا
لكي الله يا مصر

[سيد عثمان]

نفسي مسئول كبير من الوزارة يدخل هنا ويشوف اراء السادة المدرسين
ياجماعة دا ممكن مدرس مننا كان مدرس لأحد كبار المسئولين في الدولة
مثلا يعني المدرس اللي عمره في التعليم 25 سنه تخرج من تحت ايده كام دكتور وكام مهندس وكام وكيل نيابة وهكذا متعدش
تخيل ممكن يراقب عليك في امتحان الكادر واحد انت كنت مدرس عليه في يوم من الأيام
وعلى رأي المثل بعد ماشاب عايزين يودوه الكتاب

[mkensary]

الكلام بتاع اختبار الكادر دة كلام جميل وممتاز والمفروض كان من زمان وهوة دة الاصح
بس كان المفروض اتعمل فى اول تعينى واتدررج فية حتى اصل الى المراحل المطلوبة
او بعنى اخر من تعينة التربية والتعليم من جديديجب ان يتقدم اولا لدورة تدريبة ثم لاختبار
زى ماكان النظام القديم ماشى (يعملوا دورة مدرس اول مثلا وفى اخر الدورة امتحان )

بس ال انا شايفة فى امتحان الكادر الجديد دة ان الوزارة معتبرة ان جميع مدرسوا الجمهورية
وانا منهم شوية كواحيل (مع الاعتزار للسادة الزملاء) لانى سوف اوادى امتحان الكادر ويقوم
بقويمى وتصحيحة واعطائى درجتى طالب كان يجلس امامى فى الفصل وكنت ادرس لة
واصبح الان معيا او دكتور فى كلية التربية لنى عندى اكثر من 25 سنة خدمة
شوف الزمن







































بتصحيحة وتقيمى احد طلابى الذى كانوا يوما امامى فى الفصل واصبح معبد او دكتور فى كلية التربية
شايفين الزمن بيعمل اية وسمت المدرسين شوية كوحيل وانا منهم

[hany11]

يا ترى الوزير بتاعنا و الحاشية اللى حواليه يرضوا ان حد يطلب منهم اننا نمتحنهم علشان ياخدوا مكافاءة من البلاوى اللى بياخدوها
بلاش دى يا ترى السيد الوريث يرضى نعمله امتحان قبل ما نديله العزبة اللى هيخدها مجانا ببركة الحزب الفاسد
هو ليه بيعاملونا معاملة الطلبة هو احنا المعلمين ايه اللى وصلنا للدرجة دى من الهوان يا ناس لو فقدنا احترامنا اليومين اللى جايين دول اعرفوا ان التعليم هينهار و من وراه البلد
و ربنا يهدى

[nabilm]

النقابة اللي بتنادوا عليها و تحمينا من الوزارة و لتنقذنا من المسخرة اللي مدبراها الوزارة
النقابة كل مهمتها حماية الحكومة من المعلمين و ليس العكس
نفسي اسمع خبر بيقول ان فيه اعتصام في الحتة الفلانية و انا انضم اليهم في الحال . يارب يبتلي اللي في بالي بمرض يخليه
يمشي في الشارع و يحدف الناس بالطوب
و بعدين بفرض ان احنا تقبلنا الامتحان مش المفروض نمتحن في التخصص بتاعنا انا مالي بالمواد التربوية المتخلفة اللي مش نفتكرها
او نذاكرها بعد العمر ده
- انا عمري ما فكرت في السفر اكتر من دي الوقت
لاني تاكدت ان البلد دي مش بلدي
و تحية خاصة للاستاذ / سيد عثمان محترم الكيمياء
نبيل محمد مدرس كيمياء

[mr emoo]

انا اختلف في الراي مع الاخوة المعلمين الافاضل في شق واتفق معهم في شق اخر
اما بالنسبة للشق الاول و هو الخاص بالامتحان انا اراي انه فرصة ذهبية لكل منا ليعود للقراءة و المذاكرة من جديد لتنمية قداراته و مهاراته فمهما بلغنا من الاتقان لمادة التخصص فمازال امامنا الكثير و الكثير لنعرفه فنحن لم نسطع معرفة كل شئ مهما بلغنا من الخبرة و لا ننسى المثل القائل" يعيش المعلم و لا يتعلم"
و عن تجارب شخصية انا اعرف اخوة معلمين اذا سألت الواحد منهم سؤال خارج المنهج الذي يقوم بتدريسه لا يستطيع الاجابة عليه لعدم مواصلة القراءة فأصبح مبرمج على منهج بذاته " بأة دة اسمه كلام"

و بصراحة موضوع الكادر دة اذهلني من ردود افعال معظم المعليمين اللي رافضين يتعلموا لأنهم ببساطة خلاص عرفوا كل شئ في الدنيا ( لا تنسوا ان الاستاذ الدكتور في الجامعة لا يصل الي هذه الدرجة إلا بعد ان يمر بمراحل كثيرة من الامتحانات و الابحاث)

ولأثبات صحة كلامي يمكن مراجة ردود الاخوة المعلمين على الاخوة الي حطو امتحانات الصلاحية السعودية
كثيرا منهم كان يطلب اجابة الامتحانات من الاخوة الي نزلو هذه الامتحانات طب و انت فين لما في مادة تخصصك و عايز حد يجاوبلك و يا ريت بالمرة يمتحنلك و يبعتلك المرتب ع البيت!!!!!

أما بالنسبة للشق الثاني و هو ربط النجاح في هذه الامتحانات بالزيادة في المرتب فده تهريج و قله أدب لأنه ببساطة احنا لا ناخذ مرتب و حتى ميحصلش في بعض الدول بدل بطالة!!! فالمفروض لما نكون بناخد مرتب بجد
تبقى تتم المفاضله بيننا كل واحد على حسب اجتهاده و شطارته في تنمية قداراته و مهاراته.

[سيد عثمان]

نفسي اعرف بالظبط هل في دولة اخرى تطبق نظام الكادر عندهم أم لا

[nabilm]

الي العضو emoo احنا مش رافضين كامتحان و لكن رفضنا في الطريقة اللي بتتعامل بيها الوزارة مع احقية المعلم الترقي و اخذ حقوقه المادية و الاجتماعية لدرجة ان بقينا اكيد نكتة بين الطلبة
حاجة تانية انت كلامك بيقول مستوي المدرس العلمي مافيش مشكلة نمتحن في التخصص بتاعنا مافيش داعي يقرفونا بالمواد التربوية المتخلفة . اذا كنا امتحنا فيها بالجامعة و انتهينا و بعدين ناس بقالها 20 سنة بتربي في طلبة موضوع التربوي انتهي بالنسبة للمعلمين هنعد نحفظ في كلام احتمال ما يكونش بيطبق عمليا انا شايف ان المتابعينو الموجهين يراقبوا طريقة المعلم في التربية مش يمتحنوه ده اسمه "هجس "
وفيه حاجة تالتة انت اسمك emoo مشتق من موقع الوزارة انت معانا و لا معاهم
نبيل محمد مدرس كيمياء

[الجعدور]

الاخوة الزملاء ياريت تعملوا زى مدرسين الازهر

[سيد عثمان]

كلام الأستاذ نبيل محمد كلام مظبوط فعلا هل بعد 25 سنة بنربي ونعلم تيجي تمتحني تربوي تاني بقى ده كلام وتمتحني لغة عربية ناقص يمتحنونا في الرسم والموسيقى كمان وتبقى حاجة حلوة كل مدرس معاه علبة ألوان داخل اللجنه مش كده ولا أيه

[magedhsawa]

انها لقمة الاهانة للمعلم المصرى الذى علم كل الدنيا ان يخضع لاختبارات المعلم . وهل كل مصلحة أو وزارة اخرى اجرت اختبارات لموظفيها لتعرف مدى صلاحيتهم فى العمل وهل لو تم وضع كادر للاطباء سيكون لهم لختبارات . انا لا اعرف لما هذه الاهانة لهذه الفئة العظيمة فى المجتمع المعلم الذى خرج الاف الاطباء والمهندسين والقضاة يخضع بعد كل هذا العمر لاختبارات . انا ضد اختبارات المعلم ولكن مع تدريبه من وقت لا خر لتدريبه وتحديثه