انجح هات مجموع عالي .. ازاي

[محمود صفى الدين]

موقع حلوووووووووو http://www.skoool.com.eg/Default.aspx?tabid=87

[ahmedelfangary]

الدرس التالت : مرحلة المذاكرة الفعلية

قبل المذاكرة ::
1- لازم تشبع حاجاتك النفسية :: يعني انك تكون نايم كويس ..
وتكون لا شبعان على الاخر أو جعان ..
يعني خليك وسط ..
2- لو المدرس بيشرح في مدرستك .. لازم تروح ..
لانك لو مروحتش تبقى غلطان ..
لأن لو رحت المدرسة مش هتستفيد ..
غلط .. ياعم استفيد لو حتى خمسين في المية .. على الأقل تكون دي مذاكرة مبدئية ليك ..
3- الدروس الخصوصية ::
هي حاجة مهمة جدا ..
بس لازم علشان تاخد درس لازم ::
تختار مدرس كويس وخبير .. مش اي حاجة وخلاص ..
ازاي تعرف انو كويس ؟؟!!
بعد ماسألت عنو .. تروح اول حصتين تلاتة ..
اذا كان بيراجع علطول .. وأول بأول .. وامتحانات علطول .. وبيدي واجبات كتير ..
يبقى ده ممتاز .. وكمل معاه ..
أما لو كان .. كده وخلاص .. من غير مراجعة .. وشرح أي حاجة ..
يبقى .. اخلع ..
بعد ما اختارنا المدرس القوي .. واظب على الدرس كل يوم ..
مش تاخد الفلوس وتروح اللي بالي بالك ..
4- الدروس التعليمية ::
يعني لو مثلا انتا بتتفرج على التليفزيون ساعتين .. يا عم اعتبر نفسك بتتسلى ..
واتفرج .. واستفيد أي حاجة ..
ده انتا بتدفع للمدرس فلوس .. وبتمشي وتركب مواصلات علشان تروح ..
طب دي عندك .. وببلاااااااااش ..
ومش هيسألك في نص الحصة ..
يعني حلوة من كل ناحية ..
5- هيء نفسك ::
يعني جهز اقلامك وكتبك .. واعرف انتا هتزاكر ايه ..
وقبل كل ده حدد طموحاتك .. زي ماقلنا ..
ولما تزاكر زاكر بجد .. يعني ساعتين يبقى ساعتين ..
لعبت خمس دقيقة زود خمسة .. وهكذا ..
خلي راحة عشر دقايق بين كل ساعة .. مش ساعة لكل عشر دقايق .. زي ما انتا فاهم ..
اختار المكان المناسب ::
يعني لازم مكتب وأباجورة .. واوضه هادية .. ولونها أزرق .. وتكييف ب4 الاف جنيه ..
واغلى انواع الاقلام .. ولازم البلكونة تبص على جنينة فيها حمام سباحة ..
لا طبعا مش كدا .. احنا هنجيب ده كلو منين ..
ده ( الجود في الموجود ) ..
يعني من افضل الأماكن فوق السطح .. بس مش تقعد تعاكس في بنات الناس ..
غض بصرك ..........
اختار الوقت المناسب ::
واحسن وقت هو قلب الفجر وبعده .. وانتا براحتك .. حسب ماترتاح ..
قبل ما تبدأ المذاكرة توكل على الله .. واحسن النية ..
مثلا قول ( انا هذاكر عشان اخدم ديني ووطني )
يعني تزاكر وتاخد حسنات ..
وابدأ بدعاء ::

( اللهم إني أسألك فهم النبيين وحفظ الملائكة المقربين .. اللهم اجعل لساني عامرا بذكرك .. وقلبي بخشيتك إنك على كل شيء قدير .. وحسبنا الله ونعم الوكيل )..

أثناء المذاكرة ::
لأزم يكون معك ورق أبيض ..
لأن فيه مثل بيقول ( لليد ذاكرة ) ..
وشويت أقلام حلوين .. وخطهم حلو .. واجمع كل ادواتك ..
ابعد الملهيات : لأن المعلومة لو تدخل مشتتة مش هتسترجعها لما تحتاجها ..
1- اقفل المبايل : يعني مش لزم تبص فيه .. مفيش رسايل جديده .. لسه الرصيد زي ماهو متخفش .. ومحبكتش تكلم صاحبك دلوقت .. واوعى تشغل على المبايل أغاني ..
2- خلي قدامك مادة وحده بس .. لإن لوقدامك كتاب تاني أكيد .. هتتفرج فيه .. فهتتشتت المعلومة .. يعني خلي قدامك المادة اللي بتذاكرها بسسسسسسس ..
3- متذاكر على الكمبيوتر :: لأن أول حاجة تعرضك للضوء ده هيتعب عينيك .. ثانيا لما تكون المذكرة في ايديك وتعلم فيها .. وتخطط .. انشاء الله هتفتكر أحسن ..
ذاكر من مذكرة واحدة بس :: عشان متتلخبطش .. ومش تطبع من النت وخلاص لازم تتأكد من صحتها .. يعني تكون بتاعت المدرس بتاعك .. أو ملخص مشهور ..
ابدأ بالأصعب :: لأنك هتكون في كامل نشاطك .. وبالتالي نفسيتك هترتاح أكتر .. لما تخلص الصعب وتدخل في السهل ..
لما تذاكرجزء خد نظرة عنو .. بمعنى ان تقراه قراءة مبدئية قبل المذاكرة ..
وذاكر الجزء على بعضه .. يعني درس يبقى درس كامل عشان يكون في ترابط ..
وحاول تشرح لنفسك وحط أسئلة .. يعني اعتبر نفسك طالب ومدرس وجاوب واسال ..
واكتب الدرس أكتر من مرة .. بس مش كل المواد طبعا .. في مواد تختلف ..
وماتعتبرش اي حاجة في الكتاب تافهة .. اللي حاطط الكتاب عارف انها مهمة .. مفيش اي تفاهات في الكتاب ..

تمااااااااااااام عملنا كل ده خلصنا مذاكرة ..

انهي المذاكرة بدعاء ..

( اللهم إني أستودعك ما قرأت وما حفظت وما تعلمت .. فرده إلي عند حاجتي إليه إنك على كل شيء قدير وحسبنا الله ونعم الوكيل ) ..

خلي المذاكرة دي روتين يومي .. زي النوم ..
مش لو منمتش هتموت .. خلي المذاكرة كده ..

وبكدا نكون انتهاينا من جزء المذاكرة ..
ان شاء الله الأجزاء الجاية عن المراجعة .. وكيفية مذاكرة المواد ..

[Keira]

بجد شكراً
احنا كنا محتاجين الكلام دا اوي
ربنا يجازيك كل خير ويوفقك


أنا كنت عايزة بس أسأل حضرتك
أنا عندي مشكلة في الألماني وخايفة منه جداً جداً

انا كنت في أولى ثانوي في السعودية ولسة جاية مصر السنة اللي فاتت ..
فمنهج الألماني بتاع سنة أولى أخدته مضغوط في شهر قبل الدراسة .. فيعني معايا القواعد بس ..
لكن كلمات مفيش خالص غير حاجات بسيطة .. والمشكلة مش في الكلمات بس ..
الأدوات بتاعة الكلمات هي المشكلة معايا وهي اللي مخوفاني
وطبعاً في سنة تانية .. أهملت الألماني تماماً ..
انا عارفة اني المفروض عشان وضعي غير باقي الطلبة كنت اهتميت بيه اكتر .. لكن اللي حصل بقى ..
وبرضه ما حفظتش كلمات خالص .. وحتى القواعد في حاجات كتير واقعة مني ..
منهج ثالثة دلوقتي أنا ماشية فيه كويس الحمد لله مع الأستاذ
بس المشكلة ان الألماني تراكمي وهنحتاج حاجات من اللي
فات سواء كلمات او قواعد ومش عارفة المه ازاي .. وبالذات في الديالوج مبعرفش أحله خالص ..

لو حضرتك تقولي أذاكره إزاي وأنظمه الجديد مع القديم يعني
عشان حرام بجد انقص درجات في مادة زي الألماني

وبجد شكراً شكراً لحضرتك

[ahmedelfangary]

المشاركة الأصلية كتبت بواسطة keira

بجد شكراً
احنا كنا محتاجين الكلام دا اوي
ربنا يجازيك كل خير ويوفقك


أنا كنت عايزة بس أسأل حضرتك
أنا عندي مشكلة في الألماني وخايفة منه جداً جداً

انا كنت في أولى ثانوي في السعودية ولسة جاية مصر السنة اللي فاتت ..
فمنهج الألماني بتاع سنة أولى أخدته مضغوط في شهر قبل الدراسة .. فيعني معايا القواعد بس ..
لكن كلمات مفيش خالص غير حاجات بسيطة .. والمشكلة مش في الكلمات بس ..
الأدوات بتاعة الكلمات هي المشكلة معايا وهي اللي مخوفاني
وطبعاً في سنة تانية .. أهملت الألماني تماماً ..
انا عارفة اني المفروض عشان وضعي غير باقي الطلبة كنت اهتميت بيه اكتر .. لكن اللي حصل بقى ..
وبرضه ما حفظتش كلمات خالص .. وحتى القواعد في حاجات كتير واقعة مني ..
منهج ثالثة دلوقتي أنا ماشية فيه كويس الحمد لله مع الأستاذ
بس المشكلة ان الألماني تراكمي وهنحتاج حاجات من اللي
فات سواء كلمات او قواعد ومش عارفة المه ازاي .. وبالذات في الديالوج مبعرفش أحله خالص ..

لو حضرتك تقولي أذاكره إزاي وأنظمه الجديد مع القديم يعني
عشان حرام بجد انقص درجات في مادة زي الألماني

وبجد شكراً شكراً لحضرتك

أنا معنديش خلفية عن الألماني ..
بس اللي أعرفه ان اللي ما بياخدش لغة تانية في أولى مش هياخدها باقي السنين ..
بالنسبة للادوات لازم تحفظي الكلمة بالأداة ..
الديالوج حلي عليه كتييييييييييير ..
يعني حلي اكبر عدد من المذكرات والملخصات .. حتى لو حليتي الديالوج بس ..
دي نصيحتي ليكي في المواد كلها .. مش الالماني تحديدا لازم الحل ةالكتيير .. على الجزئية اللي انتي مش فهماها .. وكله بالتمرين ..
وزاكري بالورقة والقلم ..
يعني مثلا لو حفظتي كل يوم 15 كلمة بادواتهم .. اعتبريها روتين يومي ..

[Keira]

شكراً لحضرتك
أنا هعمل كدا ان شاء الله
وهاخد من النهاردة كل يوم 15 كلمة من كتاب اولى وثانية
والديالوج هبقى أدور على مذكرات وأبدأ حل برضه

جزاك الله كل خير
وشكراً مرة تانية =)

[ahmedelfangary]

المشاركة الأصلية كتبت بواسطة keira

شكراً لحضرتك
أنا هعمل كدا ان شاء الله
وهاخد من النهاردة كل يوم 15 كلمة من كتاب اولى وثانية
والديالوج هبقى أدور على مذكرات وأبدأ حل برضه

جزاك الله كل خير
وشكراً مرة تانية =)

لا شكر على واجب .. بس دعواتك ليا .. بين العصر والمغرب مستجاب ويم الجمعة .. وكمان سورة الكهف ..
واي اسالة انا تحت أمركم