|
||||||
| القسم الأدبى قسم يختص بنشر ما يكتبه كبار الشعراء والأدباءء والفلاسفة |
 |
|
|
أدوات الموضوع | انواع عرض الموضوع |
|
#1
10-12-2013, 10:47 PM
|
|||
|
|||
قصيدة للالقاء فى مسابقة
السلام عليكم ورحمة الله وبركاته اريد قصيدة طويلة فى حب الوطن او اى قصيدة طويلة صلح للاشتراك فى مسابقة شعر وشكرا لحضراتكم مع العلم ان القصيدة يتم الائها من طالبة بالثانوى العام 
|
|
#3
12-12-2013, 11:06 PM
|
|||
|
|||
|
وسُئلتُ عن مصرَ الهرمْ
مصرَ المهابةِ والقيادةِ والهِممْ مصرَ الصبوحةِ مثلَ طفلٍ يبتسمْ مصرَ الطليقةِ مثلَ سَيلٍ يَحتدِمْ مصرَ الأنيقةِ والرقيقةِ والمليئةِ بالنِّعَمْ كيفَ ارتضينا حالَها ؟ صارتْ عدَمْ ، شعبًا كقُطعانِ الغنمْ والذئبُ يجلسُ في نَهَمْ مُتحفِّزًا للقنصِ من حُمْرِ النَّعَمْ مصرَ التي صارتْ ألمْ ، صارتْ ندمْ سرقوا أساورَها ؟ نعمْ قطعوا جدائلَها ؟ نعمْ نهبوا مكاحلَها ؟ نعمْ نزعوا الأظافرَ ، والخواتمَ ، والقلادةَ ، والقلمْ سرقوا اللباسَ الخارجيْ ، والداخليْ تركوها عاريةً وفرَّ "المعتصِمْ" عَرضُوها في سوقِ النِّخاسةِ ثم بِيعَتْ للكلابِ ، وللرِّمَمْ مصرَ التي كانتْ كأروعِ ملحمةْ هو رُبعُ قرنٍ ثمَّ أصبحْنا خدَمْ في الصبحِ ضربٌ بالسياطِ وفي المساءِ هناكَ ضربٌ بالجِزَمْ والكلُّ فينا مُتَّهَمْ ويُدانُ إن يَنْفِ التُّهَمْ ويُصنِّفوننا عندَهمْ شعبًا عبيطًا مُحترمْ والسيدُ السلطانُ يجلسُ يبتسمْ فلتسألوهُ : هل التَزمْ ؟ حلفَ القسمْ ؟ كانَ القسمْ .. عنَّا يَزودُ ، وأن يَقودَ ، وأن يَجودْ ، بالقسطِ يحكمُ إن حَكَمْ ليظلَّ خفَّاقًا لنا هذا العَلمْ يا سادتي واللهُ أعلمُ ربَّما .. كانَ القسمْ : ( واللهِ منكم يا كلابُ سأنتقم ) وقد انتقَمْ ***** وسُئلتُ عن مصرَ السلامْ فأجبتُهمْ : أينَ السلامْ ؟ مصرُ التي قد كانَ يومًا نصفُها أيتامْ مَن قالَ عن هذا سلامْ ؟ هل كلُّ غُصــنٍ تحتَهُ باضَ الحمامْ ، واثنينِ يومًا وقَّعا .. مُسودَّةً بالحبرِ والدمِّ الحرامْ .. فنعيشُ ننعمُ بالوئامْ ؟ مَن قالَ إني قد نسيتُ للحظةٍ شهداءَنا ؟ من قالَ إني قد نسيتُ دماءَهمْ ، أو دَفنَهم أحياءْ ؟ أنا ما خرجتُ يا سيدي عن مِلَّةِ الإسلامْ شُهداؤُنا .. أرواحُهم تأتي إلينا في المنامْ .. وتقُضُّ مَضجَعَنا فقُلْ لي سيدي من ذا ينامْ .. مازلتُ أسمعُ صوتَهم صوتَ الأنينِ من العظامْ صوتًا يُنادينا ويَصرُخُ دائمًا فوقَ المقابرِ ، والشواهدِ ، والحُطامْ : فإلى متى ستُنَكَّسُ الأعلامْ ؟ فأجبتُهم : واللهِ مثلي لن ينامْ لكن... يا حسرتي كلُّنا .. صِرنا حمامْ لما اسمة السلام؟ منقووووووووووووووووووول
__________________
معلمي هــل لي من هــذا المقام أٌحـــدي بنظــرةِ اشتياقٍ ممزوجـةٍ بالثنـاءِ الجميــل هي امنياتٌ تكْمُــــنُ فـي داخلي وبكثــــرةٍ وفي خاطـري أطيــافٌ لا تَمَـلُّ ولا تستميــل وددت لــو أني سطَّـــرت فيك كلمــــــــاتٍ أجزيك بهــــا على فتــرةِ عنـائك الطويــــل
|
|
#4
12-12-2013, 11:10 PM
|
|||
|
|||
|
حلوة وعفية
مش مجرد شعر بكتب أو بألف مسرحية ومش عشان الناس تقولى.. كلام يبيّن حب فيا مش مجرد لمحة حلوة كتبتهالِك.. ع السجية لأ تاريخك اللى كاتب فوق صخور صلبة وعتية بوعدك من كل قلبى.. ومش بمثل تمثيلية مش هتبقى فى يوم ضحية ومش هتبقى فى يوم ضحية هضحى ليكى بكل غالى ولو هضحى بنور عنيا هضحى ليكى بكل غالى ولو خدوا روحى سبية وتفضلى عالية وأبية ومش هتبقى فى يوم ضحية ثار ولادك ثورة رافضة للفروق العنصرية ثار ولادك ثورة رِجعت.. بالحقوق المدّارية ثار ولادك ياما ثاروا ثورة رايحة وثورة جاية قالوا لأة لكل ظالم دوقوه طعم المظالم حطموا جنازير شديدة كانت مكتفة الحرية ياما زيفت وطنية هدّموا أبواب شديدة كان وراها الحر مرمى ع البلاط ومالوهش دية قال حموكى وهما سرقوا كل خيرك نشفوا بالقسوة نيلك طولوا بالظلم ليلك قلعوكى الجلّابية لبّـسوكى العمة يامه وياما كنتى مدّارية جم ولادك حرروكى من وحوش المعبودية استشهدوا وبدمهم مية ترعة جارية يسقوا أرضك اللى نشفت من معانى الإنسانية علّـــموا إن الظلم رايح ومصر لسة هى.. هى أنتم الأبطال بجد وغيركو كان عامل ولية وعمر ماولادك يا أمى عملوا حاجة فوضوية هى كلمة لكل ظالم مصر عالية رغم أنفك مصر مش ممكن تطاطى لحد زيك ومش هتبقى فى يوم ضحية مش هتبقى فى يوم ضحية منقووووووووووووووول
__________________
معلمي هــل لي من هــذا المقام أٌحـــدي بنظــرةِ اشتياقٍ ممزوجـةٍ بالثنـاءِ الجميــل هي امنياتٌ تكْمُــــنُ فـي داخلي وبكثــــرةٍ وفي خاطـري أطيــافٌ لا تَمَـلُّ ولا تستميــل وددت لــو أني سطَّـــرت فيك كلمــــــــاتٍ أجزيك بهــــا على فتــرةِ عنـائك الطويــــل
|
|
#5
12-12-2013, 11:51 PM
|
|||
|
|||
|
هشام الجخ
جحا شعور سخيف إنك تحس بإن وطنك شيء ضعيف صوتك ضعيف رأيك ضعيف إنك تبيع قلبك وجسمك وإنك تبيع قلمك وإسمك ما يجيبوش حق الرغيف سألوا جحا عن سر ضحكه قالك أصل اتنين وشبكو اللى كان من تحت ميت واللى كان من فوق كفيف دا شعور سخيف وشعور سخيف إنك تكون رمز الشحاتة تبنى مبنى للشحاتة تعمل وزراة للشحاتة يا ساقية دورى ... عدى فوقى ودوسى نصبوا عليا وشحتونى فلوسى ربطونى فيكى .. حتى ما اتغميت هما اللى فرحوا ووحدى أنا اتغميت أنا اللى صاحب البيت عايش بدون لازمة ولما مرة شكيت إدونى بالجزمة أنا اللى زارعك دهب بتأكلينى سباخ إن كان دة تقل ودلع بزيادة دلعك باخ لا شفت فيكى هنا ولا شفت فيكى ترف كل اللى فيكى قرف كرامتنا متهانة واللقمة بإهانة بتخلفينا ليه لما انتى كارهانا يعنى ايه تبقى إنتى هبة النيل يا مزة وكل يوم المية تقطع يعنى ايه لما اشتكى غلو الفاتورة يقولو تشكى بس تدفع لما قش الرز ثروة بتتحرق وأما نفط الأمة ثروة بتتسرق وأما جلادك على ولادك بيبطش وأما علمك ما يلاقيش يآكل فيطفش يعنى ايه نرفع ايدينا بالسلام لجل الغزاة ويعنى ايه لما ابقى ماشى فى حالى اتشد اشتباه يعنى ايه لما اتحبس أربع سنين حبس احتياطى يعنى ايه مش حاسة بالعمر وغلاوته بتصبى مر العمر ليه دة انا كنت ح اوهب لك حلاوته أنا عمرى ما أتأمرت ولا حطيت شروطى ومكان ما ترسى مركبك بابنى شطوطى أنا كنت جيشك لما مماليلك باعوكى وكنت يوسف لما عشتى سنين عجاف وضلوعى دى اللى فى معركة قادش حموكى وشفايفى دى اللى ما بطلتش فى يوم هتاف دة انا كل شبر فى أرضك اتمرمغت فيه وكل يوم عشتيه أنا اتغذبت بيه بتكرهينى عيونك السودة وأيامى اللى فاتت مانتيش حبيبيتى من النهاردة حبيبنتى ماتت علا صوت أدانك جرس فى الشدة صاحينلك من امتى كانوا الحرس هما اللى باقينلك بعتينى علشانهم وعنيكى معصوبة ياهلترى خاينة ولا زيى مغصوبة كل الكلام اتقال والشعر بقى ماسخ والصبر علو جبال والظلم شىء راسخ وطن وغرقان فى النطاعة كل شىء ريحته نطاعة علمونا بالعصاية ورضعونا الخوف رضاعة علمونا فى المدارس يعنى ايه كلمة قيام علمونا نخاف من الناظر فيتمنع الكلام علمونا ازاى نخاف وازاى نكش بس نسيوا يعلمونا الاحترام فمتزعلوش لما ابقى مش باسمع كلامكم وماتزعلوش لما ابقى خارج عن النظام مستنى ايه من طفل ربوه بالزعاق غير المشاكل والخناق كل اللى بيقولك بحبك دول نفاق أنا لما قلت لك بحبك كان نفاق الحب يعنى اتين بيدوا مش ايد بتبنى وستميت تيت تيت يهدو الحب حالة الحب مش شعر وقوالة الحب يعنى براح فى قلب العاشقين للمعشوقين يعنى الغلابة يناموا فى الليل دفيانين الحب يعنى جواب لكل المسجونين هما ليه بقوا مسجونين يعنى أعيش علشان هدف علشان رسالة يعنى احس بقيمتى فيكى إنى مش عايش عوالة يعنى لما اعرق تكافئيى بعدالة الحب حالة الحب مش شعر وقوالة الحب حاجة ما تتوجدش فى وسط ناس بتجيب غداها من صناديق الزبالة بارت مراعينا والبئر قد جفَ والجوع يكوينا والصبر ما كّفى والقلب لا يهدا والجرح لا يشفى ولأننا طوع زنا لهم خفا جاءوا بموكبهم واشتغلت الزفة الدفة مظبوطة وأصلا مافيش دفة والكفة مش مايلة علشان مافيش كفة و جحا اللى جاى بالليل لساه بيتخفى شايف ديدان الغيط سارحة ومارحماشى من جبنه شاف الدود سابه وراح ماشى ولا اتكسف للناس ولا حس على طوله الناس عشمها كبير جريوا بيشكوله ضحك جحا ضحكة مواشى مادام بعيد عن طينى ... ماشى الدود قاعد لك يا جحا ولابد فى طينك بعد ما يمص فى دمانا مش حيحلاله الا طينك احنا اهلك احنا رجالتك أمانك إحنا وقت الشدة سندك إحنا زادك يا جحا احمى ولادك لو كنت عايز تحمى طينك سوف أرحل ربما يلقانى من ارجو لقاه هامشى ويا الشحاتين وابكى على حلمى اللى تاه بس مش هاشحت رغيف هاشحت وطن لله
__________________
معلمي هــل لي من هــذا المقام أٌحـــدي بنظــرةِ اشتياقٍ ممزوجـةٍ بالثنـاءِ الجميــل هي امنياتٌ تكْمُــــنُ فـي داخلي وبكثــــرةٍ وفي خاطـري أطيــافٌ لا تَمَـلُّ ولا تستميــل وددت لــو أني سطَّـــرت فيك كلمــــــــاتٍ أجزيك بهــــا على فتــرةِ عنـائك الطويــــل
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 04:43 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
