|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
09-07-2008, 03:17 PM
|
||||
|
||||
خير جنود الارض
طبعا مفيش حد فيكوا خد خبر ان امبارح كان يوم حفله تخرج دفعه من الاف الدفع اللى بتتخرج من كليه الضباط الاحتياط بفايد
والسبب واضح جدا ان مفيش حد مهتم بايه اللى بيحصل فى الجيش ده حتى فيه ناس ما بتحبش سيره موضوع الجيش ده اصلا وبتخاف تسمع عنه اى حاجه ويقولولك (اعوذ بالله هو انا ناقص يا رب اعفينا يا رب) وبينى وبينكوا انا كمان الموضوع برمته لا يعنينى وعمرى ماكنت هروح الحفله بتاعه التخرج دى الا لما عرفت ان بابا فى الاخر هيودينا عزومه جمبرى وكابوريا عند واحد صاحبه فى فايد المهم استحملت وصحيت الساعه 5 الصبح مع انى كنت نايم الساعه 3 صباحا لكن كله يهون علشان خاطر عيون الكابوريا ركبنا العربيه وفضلنا فى طريق ممل معظمه تقريبا صحراء ومناطق عسكريه ولما وصلنا هناك الساعه 8 ودخلنا جوه بصراحه يا جماعه الكليه شكلها نضيف او مش معفنه اوى يعنى ولقيت اخويا احمد(اللى احنا رايحنله الحفله) جاى بيستقبلنا وهو لابس هدوم تموت من الضحك قالنا ان دى بتاعه العرض العسكرى.........ما علينا ودانا مكان نقعد فيه علشان نشوفه كويس وشفت هناك كافه طوائف الشعب المصرى من صعيديين ونوبيين واسماعيلاويه واسكندرانيه وفلاحين كل واحد جاى لقرايبه وفضلنا قاعدين فى الشمس بتاعه الصحراء حوالى 3 ساعات مستنين سياده الفريقwho ever علشان نبدأ الحفله بصراحه العرض العسكرى والاشتباكات وعروض الصاعقه كانت تحفه لكن عرفت واحنا مروحين من اخويا احمد ان ده كان عرض زباله وسيئ جدا وانهم بقالهم 3 شهور بيتدربوا على اللى هيعملوه ده وعملوا عليه بروفات احسن من كده مليون مره ولما الحفله خلصت ابتدت بقى الحفله الحقيقيه(حفله الضباط اللى هيروحوا من الكليه ومعادوش هيدخلوها تانى) الضباط كلهم خارجين بره العنابر وبيقولوا هتافات عسل عرفت من اخويا بعدين انهم كانوا بيحفظوها من اسابيع علشان يقولوها وهما مروحين ودايما يبقى فيهم زعيم هو اللى بقول الهتاف الرئيسى زى رحلات الثانوى بالظبط زى مثلا: ولاااااااااااااااا ايه ولااااااااااااا ايه شعار سلاح المدفعيه ايه انا دانه انا دن دن فتح عينك تاكل ملبن ولاااااااااااااا ايه ولاااااااااااا ايه شعار الحرب الكيماويه ايه الكيمى كيمى كا والكيمى كيمى كو الكيمى كيمى كا والكيمى كيمى كو ولاااااااااااا ايه ولاااااااااااا ايه شعار الحرب الاكترونيه ايه 07775000 ولااااااااااااااا ايه ولااااااااااا ايه شعار فرقه القنابل ايه والنبى يا فوزى وحياتى يا فوزى تدينى بومبه ما تكونش يا كوزى قديمه يا فوزى وتفرقع يا فوزى من دقه واحده ولااااااااااااااا ايه ولاااااااااااااا ايه شعار فرقه اتصالات الاسلكى الايه الووو الووو بابا فين بابا هنا هنا اهوه اقولوا مين بيكلمه طبعا كان فيه حاجات كتيره جدا بس انا مش فاكر بصراحه لكن لما شفت المنظر اللى كانوا عاملينه ده حسيت بمدى الكبت اللى جوه الناس اللى فى الجيش خصوصا ان دى اكتر اغانى كانت محترمه لان فيه ناس كانت بتقول اغانى ماينفعش اكتبها اصلا لان فيها الفاظ مش كويسه بيشتموا بيها الناس اللى كانوا معقدينهم فى الجيش والحمد لله فى النهايه روحنا وخلصت من يوم حر ومقرف وفى نفس الوقت كان يوم زى العسل(عشان الجمبى) انا اسف يا جماعه انى طولت قوى مع ان انا اصلا ما بحبش الموضوعات الطويله وبتخلينى اتمل لكن معلش بقى ربنا يعينكوا وفى النهايه احب اسأل سؤال طالما كل اللى فى مصر ما بيحبوش الجيش كده هو احنا لو دخلنا حرب هنكسبها ولا لا؟ انتظروا الموضوع القادم (طالب ثانويه عامه على صفره الجمبرى) |
|
#2
09-07-2008, 03:24 PM
|
||||
|
||||
على فكرة اصلا معظم اللي بيخشوا الكليات دي مبيبصوش إلا للمميزات اللي هياخدوها بعد كده
زي البرستيج والشغل المضمون والمرتب المحترم والكلمة المسموعة الخ بس بصراحة عباقرة وشكرا على الموضوع
__________________
{والذين جاهدوا فينا لنهدينهم سبلنا وان الله لمع المحسنين}
باستطاعة الرجل ان يبنى امة لو صحت رجولته |
|
#3
09-07-2008, 06:03 PM
|
||||
|
||||
|
اقتباس:
|
|
#4
09-07-2008, 06:19 PM
|
||||
|
||||
|
عزومة جنبرى وكابوريا
طاب كنت قول كنا جينا كلنا ثانية بالنسبة للسؤال امبارح مرتضى منصور كان على دريم 2 وقال ان د/نظيف قال ان جيش مصر مينفعش يدخل يحارب (كان ساعة حرب لبنان) ازاى مينفعش يدخل يحارب انا مش عارفة رغم ان الرئيس : حسنى مبارك بضربة واحدة بس خلص الحكاية مش عارفة والله ايه اللى بيحصل وبعيدا عن السؤال موضوعك حلو وكويس مش هيفرق كتير عن مواضيعك الجميلة اللى انت عودتنى عليها
__________________
 عجبتني كلمة من كلام الورق .. النور شرق من بين حروفها و برق حبيت أشيلها ف قلبي .. قالت حرام ده أنا كل قلب دخلت فيه اتحرق
|
|
#5
09-07-2008, 06:37 PM
|
||||
|
||||
|
اقتباس:
ما احنا لينا فى السياسه كمان اهوه لا دا انا ابتدى اخاف منك انتى عندك كام سنه بالظبط عموما ياستى شكرا على المجامله وبالنسبه للجنبرى(يا فضيحتى كنت كاتبه بيتكتب جمبرى انت ادرى) احنا جبنا معانا 6 كيلو احنا جايين ابقى هاتى العيله وتعالوا انتوا معزومين عندنا لو وافقوا هقولك العنوان |
|
#6
09-07-2008, 06:44 PM
|
||||
|
||||
|
اقتباس:
لا مش سياسة ولا حاجة (بلاش فضايح) انا فى تالتة ثانوى (ادعيلى ) بلاش فضايح تانى مرة(اسمه جمبرى )غلطة مطبعية 6 كيلو ميكفوش فكر وقولى لو المحل كله انا معنديش اى مشكلة خالص اصل ده (جنبرى)
__________________
عجبتني كلمة من كلام الورق .. النور شرق من بين حروفها و برق حبيت أشيلها ف قلبي .. قالت حرام ده أنا كل قلب دخلت فيه اتحرق
|
|
#7
09-07-2008, 09:00 PM
|
||||
|
||||
|
حرام عليكى يا شيخه شككتينى فى نفسى
انا حسيت انى جاهل عموما ربنا ينجحك ويدخلك الكليه اللى انتى عاوزاها اما بالنسبه للجمبرى مش الجنبرى فبابا لسه حارق كيلو من شويه(مش عارف هو جايبه علشان يجرب فيه ولا ايه) فاعملى حسابك اذا كنتى هتيجى ما تجيش جعانه قوى وبرده يا ريت ما تقوميش من على الاكل شبعانه اوى برده ههههههه |
|
#8
09-07-2008, 11:32 PM
|
||||
|
||||
|
اقتباس:
يعنى شفتها مكتوبة غلط مش لازم على الملأ كده اهوا الاقى كل اللى هيشوف حكاية الكلمة دى هيقول عليا جهلة:D على العموم اظاهر انك بتعزم عزومة مراكبية بس انا هجى برضه هو مش العنوان اللى يسال ميتهش برضه ولا انا غلطانة؟ اهم حاجة العوة بتاعة الكلية دى افضل ادعيها على طول لغاية ما النتسيق ينزل مش النتيجة وربنا يكرمنا كلنا
__________________
عجبتني كلمة من كلام الورق .. النور شرق من بين حروفها و برق حبيت أشيلها ف قلبي .. قالت حرام ده أنا كل قلب دخلت فيه اتحرق
|
|
#9
11-07-2008, 12:38 AM
|
||||
|
||||
|
اقتباس:
ايوه هى بصراحه بقى عزومه مراكبيه ومن الاخر بقى الجمبرى خلص احنا طابخين النهارده كشرى وبطاطس وبيض ايه رايك بقى 
|
|
#10
11-07-2008, 12:51 AM
|
||||
|
||||
|
اولا شكرا على الموضوع
ثانيا بالنسبة للسؤال طبعل لو دخلنا حرب مش هنكسبها لان معظم الشباب اللى فى الجيش البانجو والافلام دى خلاص سيطرت على عقولهم يعنى لو دخلنا حرب هنخسرها بالثلث اما بالنسبة احفلة التخرج كل دا كلام فى الهوا علشان يقولو احنا عندنا جيش اهو والدليل قالولو يعنى تقدر تقول مجرد منظرة وهتافى الوحيد عظيمة يا مصر يا ارض البلح اما بالنسبة للجمبرى مش الجنبرى فطعمه زى العسل ودا يدل على ان حالتكم المادية ميه ميه:D ودا مش حسد دا ارر  وربنا يديك ويدينا طولة العمر ودمتم
__________________
 ......استودعكم الله الذى لاتضيع ودائعه.... ....closed 4 ever
|
|
#11
11-07-2008, 01:03 AM
|
|||
|
|||
|
على فكره ياجماعه اللى بيدخلوا كليه الضباط الاحتياط دول مجندين 3 سنين
وبيطلعوا يعنى مش على طول على فكره انا خريج اكاديمه الضباط المتخصصين وانا دلوفتى نقيب طبيب ده الفرق بين الاكاديميه وكليه ضباط الاحتياط
__________________
[اه لو اطول القمر بايدى كنت اكتب عليه اسمك ولما يجى الليل اكتب على كل نجمه بحبك |
|
#12
11-07-2008, 01:08 AM
|
||||
|
||||
|
والله انا مش عارف اقولك ايه انا بصراحه شايف ان احسن حاجه عملها مبارك انه مابيدخلناش حروب
اما بالنسبه للجمبرى مش الجنبرى فا ارك جاب نتيجه لان بابا حرق اول كيلو فيه اول امبارح اقتباس:
|
|
#13
11-07-2008, 01:10 AM
|
||||
|
||||
|
الله يكون فى عونك يا دكتور
اكيد وراك مشاغل كتير شكرا على مرورك علينا اقتباس:
|
|
#14
11-07-2008, 01:31 AM
|
||||
|
||||
|
اقتباس:
ماشى يا بيوب بقيت تريقتك خلاص ماله الجنبرى غلطة مطبعية فى حرف النون؟ هتخلى كل اللى يقراها يقول عليا ابو جهل!!!!
__________________
عجبتني كلمة من كلام الورق .. النور شرق من بين حروفها و برق حبيت أشيلها ف قلبي .. قالت حرام ده أنا كل قلب دخلت فيه اتحرق
|
|
#15
11-07-2008, 01:36 AM
|
||||
|
||||
|
اقتباس:
ماشى ياريت بقى (طلب) تدخل تورينا اجابتك فى (محطة الصراحة) علشان انا عاوزة اعرف هيكون ايه ردك يا بتاع عزومة المراكبيه بس خلى بالك من انفلونزا الطيور
__________________
عجبتني كلمة من كلام الورق .. النور شرق من بين حروفها و برق حبيت أشيلها ف قلبي .. قالت حرام ده أنا كل قلب دخلت فيه اتحرق
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 06:54 PM.
