للرد على اى سؤال او استفسار هنا فقط

[في الجنة أحلامي]

السلام عليكم ورحمة الله وبركاته

بعد اذن حضراتكم عندي كام سؤال في الكيمياء العضوية
============
1. هل فيه فرق بين السيانات والسيانيدات ؟

2. مش فاهمة جزء ان البروبان اكثر تطايراً من البيوتان لذا يستخدم في المناطق الباردة ممكن
بعض التوضيح .

3. مجموعة الميثيلن (ch2-) كنت قرأت ان الشرطة اللي بجوارها تدل على انها مجموعة لا توجد منفردة في الطبيعة ودي انا عرفتها بس قريت برضه انها معناها ان المجموعة دي تكافؤها احادي
انا فهمت موضوع التكافؤ الأحادي في مجموعة الالكيل لكن هنا المفروض لو هنقول تكافؤها هنقول تكافؤ ثنائي
يعني شرطتين لانها كده معاها ذرتين هيدروجين ومحتاجة رابطتين تانيين " ياريت توضيح للنقطة دي " .

4. هو احنا لما بنلاقي الكان بنقول عليه مركب هيدروكربوني اليفاتي لانه بيكون كربون وهيدروجين فقط
طيب لما نلاقي الكان بس فيه تفرعات مثل الميثيل والهالوجينات او اي تفرع يبقى اسمه ايه بما ان فيه عناصر غير الكربون والهيدروجين ؟

5 . في بعض الكتب والمذكرات مكتوب oH في التفرعات وبنقول عليها هيدروكسي
طيب ازاي مش المفروض لو لقينا oH ده بيعتبر كحول وبالتالي مش بنكتب هيدروكسي في التفرعات ؟

6. هل اسود الكربون يختلف عن الكربون الناتج من تفاعل الميثان مع الكلور في ضوء الشمس المباشر ؟
وفي المركب cf4 لماذا نقول رابع فلوريد الميثان ؟ يعني لو قلناها بنظام الايوباك هنقول رباعي فلورو ميثان
أو ممكن نقول رابع فلوريد الكربون زي رابع كلوريد الكربون Ccl4

7. عايزة الاسم بنظام الايوباك هنا انا حليتهم بس عايزة اتأكد
cH3cH.(cH3).cH.cH3 انا حليتها " 2- ميثيل بيوتان "
cH3.cH2.cH.(cH3)c =_ c-H فيها رابطة ثلاثية ، انا حليتها " 3- ميثيل بنتاين "


عذراً على الاطالة ولكني احتاج الاجابة
ربنا يبارك فيكم ويكرمكم

[محمد عبد السلام عواد]

هل فيه فرق بين السيانات والسيانيدات ؟

السيانات cno- أما السيانيد cn- أي كلاهما مجموعة ذرية أحادية التكافؤ ولكن الإختلاف في التركيب فقط

[محمد عبد السلام عواد]

2. مش فاهمة جزء ان البروبان اكثر تطايراً من البيوتان لذا يستخدم في المناطق الباردة ممكن
بعض التوضيح .

البروبان أكثر تطايرا أي أقل في درجة الغليان
أي يسهل تحوله من سائل إلى غاز ودي فكرة خروج البوتاجاز الموجود داخل الإسطوانة في صورة سائلة في صورة غازية
القاعدة الكيميائية (كلما زادت الكتلة الجزيئية زادت درجة الغليان ) أي يصعب تحول المركب من سائل إلى غاز

[محمد عبد السلام عواد]

3. مجموعة الميثيلن (ch2-) كنت قرأت ان الشرطة اللي بجوارها تدل على انها مجموعة لا توجد منفردة في الطبيعة ودي انا عرفتها بس قريت برضه انها معناها ان المجموعة دي تكافؤها احادي
انا فهمت موضوع التكافؤ الأحادي في مجموعة الالكيل لكن هنا المفروض لو هنقول تكافؤها هنقول تكافؤ ثنائي
يعني شرطتين لانها كده معاها ذرتين هيدروجين ومحتاجة رابطتين تانيين " ياريت توضيح للنقطة دي " .

الميثيلين تحتاج تكوين رابطتين

[محمد عبد السلام عواد]

4. هو احنا لما بنلاقي الكان بنقول عليه مركب هيدروكربوني اليفاتي لانه بيكون كربون وهيدروجين فقط
طيب لما نلاقي الكان بس فيه تفرعات مثل الميثيل والهالوجينات او اي تفرع يبقى اسمه ايه بما ان فيه عناصر غير الكربون والهيدروجين ؟

إذا كان التفرع هالوجين تسمى المشتقات الهالوجينية للألكانات أما إذا كان التفرع ألكيل تسمى ألكانات

[هاجر الشرباصى]

كيف يمكن تحويل حم/مل الى جم/لتر

[مستر// فيكتور بخيت]

المشاركة الأصلية كتبت بواسطة هاجر الشرباصى

كيف يمكن تحويل حم/مل الى جم/لتر

بالقسمة على 1000

[محمد عبد السلام عواد]

5 . في بعض الكتب والمذكرات مكتوب oh في التفرعات وبنقول عليها هيدروكسي
طيب ازاي مش المفروض لو لقينا oh ده بيعتبر كحول وبالتالي مش بنكتب هيدروكسي في التفرعات ؟

6.

كلاهما صحيح ولكن الأفضل في حالة التفرعات كلها oh يفضل الكتابة هيدروكسي
أما إذا كانت التفرعات oh ومجموعات أخرى ينسب المركب عند تسميته إلى الكحولات

[محمد عبد السلام عواد]

6. هل اسود الكربون يختلف عن الكربون الناتج من تفاعل الميثان مع الكلور في ضوء الشمس المباشر ؟
وفي المركب cf4 لماذا نقول رابع فلوريد الميثان ؟ يعني لو قلناها بنظام الايوباك هنقول رباعي فلورو ميثان
أو ممكن نقول رابع فلوريد الكربون زي رابع كلوريد الكربون ccl4

كلاهما يسمى كربون ولكن تحضير أسود الكربون صناعيا يتم بتسخين الميثان (الغاز الطبيعي) بمعزل عن الهواء
أما المركب cf4يسمى بالإيوباك رباعي فلورو ميثان
أما التسمية الشائعة رابع فلوريد الكربون
أما تسمية كتاب المدرسة(رابع فلروريد الميثان) تسمية خاطئة

[محمد عبد السلام عواد]

7. عايزة الاسم بنظام الايوباك هنا انا حليتهم بس عايزة اتأكد
cH3cH.(cH3).cH.cH3 انا حليتها " 2- ميثيل بيوتان "
cH3.cH2.cH.(cH3)c =_ c-H فيها رابطة ثلاثية ، انا حليتها " 3- ميثيل بنتاين "

تسميتك صحيحة تماما