اقتباس:
المشاركة الأصلية كتبت بواسطة shahnda khaled
انا يقي اتخنقت جدا اه والله يعني انا كنت ناوية اني اذاكر واجيب مجموع مش عارف ايه تيجي ماما تحبط فيا ومجموع ايه اللي هتجيبيه وانتي بتذاكري من شهر 2 فيه حد بيذاكر من شهر اتنين وعاوز يدخل طب .طب والنبي اعمل ايه انا احبطوني يا جماعة .
|
بصي والله المنهج بيتلم بسرعة يعني انا فاكر ان احنا في اولي ثانوي الترم التاني مثلا كان عندنا ٧ مواد (تاريخ وكيميا واحياء ورياضة ١) اعتبري المواد دي هي المواد العلمية اللي عندك في ٣ ثانوي(احياء وجيولوجيا وكيميا وفيزيا) باقي العربي والانجليزي والفرنساوي اعتبريهم اللي عندك في ٣ .اينعم العربي والانجليزي ضعف اللي في اولي بس برده عندك التاريخ في اولي كان طويل علي ما اعتقد والاحياء في اولي اطول من الاحياء في ٣ .اللي عاوز اقوله ان اللي بيذاكر في اولي ثانوي الترم الثاني وقفل المواد كلها وطلع من الاوائل في الترم ده مش احسن منك وهوا بدأ برده من شهر ٢ .والله الترم ده لو خدتيه جد هتخلصي المنهج ان شاء الله وتراجعي عليه بدل المرة عشرة بس حاولي تسيبي الدروس اللي ملهاش لزمة وكذلك النت عشان توفري وقت للمذاكرة وسيبك من كلام الناس وخدي كلامهم تحدي واوعي تتخلي عن حلمك اللي بتحلمي بيه من زمان مهما كانت الظرف زي الوقت فات وكده لان انت معاكي ربنا . انا اضطريت اكتب المشاركة تاني عشان موصلتش مش مشكلة .وبالتوفيق وادعيلنا .
02-02-2014, 09:24 PM
العرض المتطور
