وقفة جادة تجاه قرار شومان الظالم بمنع سفر المعلمين إلى الخارج لتحسين أحوالهم المعيشية

[BUDDY]

في سلسلة قرارت وكيل الأزهر عباس شومان الظالمة وبعد إلغاء إجازة السبت أتحفنا بقراره الظالم بمنع معلمي بعض التخصصات كالرياضيات واللغة الإنجليزية والحاسب الآلي وأي تخصصات أخرى بها عجز من التعاقد الخارجي مع عدم قانونيته أو تطبيقه في أي جهة أخرى داخل مصر.

فما الحل تجاه هذا القرار الظالم والعنصري
وكيف نعمل على إلغاءه؟؟

[BUDDY]

بصراحة بستعجب لما بشوف هذه التعليقات
نفسي اعرف وافهم الاسباب والمبررات
واحتراما لهم انا ظللت على اسماءهم وصورهم وكل واحد حر في رايه
لكن عايز افهم هستفيد ايه انا لما أؤيد قرار ظالم
وايه مصلحتي لما اشوف زميلي تعبان ومش قادر يسافر
فين حب الخير والرحمة والتراحم وتمنى الافضل للمسلمين
وفين العدل والمساواة بباقي موظفين الدولة؟!
حسبنا الله ونعم الوكيل !!

[deda_lolo]

حسبنا الله ونعم الوكيل فيه اللي بيطلعوا القرارات دن بيخلي النواحد يكره اليوم الي اشتغل في الازهر

[أبو صهيب السوهاجي]

ارفع قضيه عليه وعلى شيخ الأزهر ، ولن يستطيع هو أو غيره حتى بفصلك من عمل وسافر حتى لو ما رضيش والنتيجه سوف تلبي رغبتك ولن يعضوا إلا على أيديهم ، انتقم الله ممن يريد أذانا وممن يقف في وجوهنا لمصلحته . حسبي الله ونعم الوكيل .

[prof77]

الحل هو رفع قضيه جماعيه لان هذا القانون ليس دستوري فالمواطنون امام القانون سواء وكسب القضيه مضمون مائه في المائه

[prof77]

المشكله في النفاق اللي في الردود اللي كانت علي موضوعه فانا لا اعلم لاي شئ يمتدحونه علي هذا القرار الكارثي يعني لا يرحموا ولا يخلوا حتي الرحمه تنزل

[masternasser]

يعنى كدة مفيش سفر بعد طلعت الاقامه طيب ازاى

[ndeem55]

الإشكال إن مفيش دولة عشان تأخذ حقك ، فكل الخيارات التي طرحتها لن تثمر ، فجميع القرارات الآن تتخذ بطريقة فرمانات غير قابلة للنقاش ، فلو عملتم وقفات سيأتي الأمن يسحلكم سحلا ولا بواكي لكم ، وحتطلعوا إرهابيين في الآخر ، ولو أرسلتم فاكسات سيلقى بها في الزبالة ، ولو رفعتم قضايا انتظروها عدة سنوات حتى تحكم

[elswedy]

لله الأمر من قبل ومن بعد
حسبى الله ونعم الوكيل
وعن جابر -رضي الله عنه- أن رسول الله - صلى الله عليه وسلم – قال: ( :اتقوا الظلم فإن الظلم ظلمات يوم القيامة، واتقوا الشح فإن الشح أهلك من كان قبلكم، حملهم على أن سفكوا دماءهم واستحلوا محارمهم) [ رواء مسلم] .

[teacher120]

والله كلام الشيخ مظبوط لو تخصصك بيعانى عجز القانون بيعطيك اربع سنوات بعدهم لازمن لو فى عجز يبقى مفيش سفر- سيادتك حاجز مكان بره وحاجز مكان جوه لا عارفيين نعين مكانك شباب ولا حضرتك عاوز تيجى تمارس عملك؟ سيادتك انانى مش بتحب غير نفسك وبتمكوت فى الفلوس ومهما جمعت مش هتزهق يبقى العيب فيك مش فى عباس شومان- والله اقسم بالله ما اقوله الان حدث معلم كان يدرس لى وسافر لسنوات وجاء يجدد فاخبروه ان هناك عجز والا سيفصل فرضخ للامر واستقر فى عمله لمده عام واحد والعام التالى سافر بدون اى مشاكل - اما الانانيه الى البعض بيتلكم بيها بقوله اتق الله

[السيد أبو مروان]

المشاركة الأصلية كتبت بواسطة prof77

الحل هو رفع قضيه جماعيه لان هذا القانون ليس دستوري فالمواطنون امام القانون سواء وكسب القضيه مضمون مائه في المائه

لو سمحت يا أستاذنا عدل توقيعك ليكون صحيحا واكتبه هكذا
( اللهم صل ) بدون ياء في آخر كلمة صل لأنها فعل أمر مبني على حذف حرف العلة
تقبل تحياتي

[أ.حسين احمد]

لله الأمر من قبل ومن بعد

[الاستاذ احمد ابراهيم]

انا مش فاهم السفر ممنوع ؟ ولا ممنوع اكتر من 4 سنوات؟

[اليرموك555]

وبكرة تشوفو مصر

[الاستاذ عوض على]

المشاركة الأصلية كتبت بواسطة teacher120

والله كلام الشيخ مظبوط لو تخصصك بيعانى عجز القانون بيعطيك اربع سنوات بعدهم لازمن لو فى عجز يبقى مفيش سفر- سيادتك حاجز مكان بره وحاجز مكان جوه لا عارفيين نعين مكانك شباب ولا حضرتك عاوز تيجى تمارس عملك؟ سيادتك انانى مش بتحب غير نفسك وبتمكوت فى الفلوس ومهما جمعت مش هتزهق يبقى العيب فيك مش فى عباس شومان- والله اقسم بالله ما اقوله الان حدث معلم كان يدرس لى وسافر لسنوات وجاء يجدد فاخبروه ان هناك عجز والا سيفصل فرضخ للامر واستقر فى عمله لمده عام واحد والعام التالى سافر بدون اى مشاكل - اما الانانيه الى البعض بيتلكم بيها بقوله اتق الله

جزاك الله خيرا