وقفة جادة تجاه قرار شومان الظالم بمنع سفر المعلمين إلى الخارج لتحسين أحوالهم المعيشية

[teacher120]

يا اخ بدى المتعاقد بيقبض من بره مصر لكن حاجز مكان وبلاش تضليل الراجل بيقول لك اربع سنوات انت عمال تضحك على الناس وكانك مظلوم وكيل الازهر بيقول بالنص الى تخصصه فيع عجز له اربع سنوات يسافر فيهم انما مش يجدد له مادام هناك عجز فى تخصصه- اما الى مش فيه عجز يسافر زى ما هو عاوز- سيادتك ايه وجه الظلم انت مسافر ومش عاوز تعطى فرصه لغير ليه؟ عاوز تسافر بره وفى نفس الوقت وظيفتك منتظراك فى ظل دوله اقتصادها بينهار بسبب الانانيه والجشع وحب النفس - الراجل دا مسؤول ولازم يخاف على العمل الموكل به لازم يتق الله فيه ويسعى لصالحه زى ما حضرتك بتسعى لمصلحتك بالظبط--- الاخوه الى موافقينك فى الراى القرار لا يظلم احد واقسم بالله العظيم صديقى معلم حاسب الى فى المعهد ولا يوجد بديل له والشيخ كتب له كده مع وجود البديل والموجه كتب له كده ومع ذلك حصل على الاجازه لان من حقه--- ارجوا ان اكون اوضحت الامر---------------

[teacher120]

Abbas Shouman قلت مرارا لن يفصل أي معلم يعمل بالخارج هذا العام،وليس مطلوبا عودتهم خلال العام وبإمكانهم اتمام عامهم هذا من عير نظر إلى عدد السنوات،وعلى من يعلمون أن تخصصاتهم تعاني غجزا كالرياضيات والانجليزي الاستغداد للعودة إذا كانوا قد أمضوا مدة أربع سنوات وهي المدة القانونية أو أكثر،وهذا كلام نهائي،ولا مشكلة بخصوص الخطابات التي أرسلت إليهم،ولن يجاب في هذه الصفحة غن أي تساؤل بخصوص هذا الشأن--- ومشاركه اخرى Abbas Shouman العاملون بالخارج لن يتم فصل أي شخص فلا تقلقوا فجميعهم سيحدد له هذا العام------ على فكره انا مدرس انجليزى

[كلام مهزوم]

قرار ظالم ولابد من الوقوف امامه فهذا ظلم بين اذاى يعنى مفيش سفر وانا استلمت الاقامه ودافع دم قلبى فى السفر وبعد كده يقولك مفيش ربنا ينتقم وحسبى الله ونعم الوكيل لابد من وقفه تجاه هذا القرار

[ابواروى555]

ياجماعه دا قرارادارى وعلى المتضرر اللجوء للقضا ء لوقف تنفيذ القرار

[ام اميره]

انا شايف لاول مره يكون قرار حد من الازهر صائب واحس ان لسه في عدل

[ام اميره]

ايه الظلم فيه بس شباب زي الفل مش لاقي شغل وانت تحجز مكان وتتركه وهوا في الشارع اتقو الله فيكم

[ايهاب احمد على]

لابد من اللجوء الى القضاء فورا نحن لسنا فى عزبة وليس من حق احد ان يحدد اقامتنا او يقيد حريتنا

[sasa555m]

بصراحة من غير زعل كلنا بنطالب بالشغل فنتعاقد وبعدين نطالب بالتثبيت وده مش عشان حاجه انما عشان وظيفه ثابته وبعدين ناخد أجازه ونسافر عشان نحسن وضعنا وحالنا كل واحد بيعمل كده لكن كم واحد فكر ولو بنظره موضوعيه الوظيفه الواحده الخاليه اللى حضرتك تعاقدت واتثبيت عشان تسدها وميكونش فيها عجز بقى عليها كم واحد معين وكم واحد موجود بأى عقل يكون بلد زى بلدنا عليها كل هذا الكم من المعينين وفى النهايه يوجد عجز فى المدرسين لا والكوميديا الساخره لما يحصل خلاف مع دوله ما وتسرح الموظفين بتوعنا نلاقى العجز بين ليلة وضحاها تحول لكارثه - أكثر من موظف على نفس المكتب هههه
عزيزى المحترم اللى بيقول شوف بتوع البترول والكهربا وغيرهم بياخدوا كم أنا بقوله عدد الموظفين فى التعليم كام وفى وزارتهم كام
مرتب 1000 لوظيفه فى البترول مثلا هياخده موظف واحد أو يتقسم على 4 موظفين مثلا اللى شغلين الوظيفه ده فى التعليم يبقى ده ياخد 1000 وحضرتك 250 لو اخدتهم

وبرضه من السخريه أنا موظف حكومى ومتثبت ومسافر بره أحسن دخلى وزميلى مش لاقى بره ولا جوه وعاطل
الاستاذ المحترم انا بقوله كلمة حق
الحق يا شغل بره وربنا يبارك او شغل جوه ومتشتكيش

[أ/ سعيد موسى]

اكبر مشكله ممكن تجدها امامك عندما تجد وجهتى النظر سليمه وصحيحه
الراى الاول الذى يقول عندما تسافر فانك تحجز مكان زميلك فى اشد الحاجه اليه وانك بذلك
تنظر من منظور الانانيه فلاتحب الا نفسك فقط يكفى عليك ماتستفيده ماديا من السفر
وتترك مساحه لزميلك للعمل
الراى الثانى وهو صحيح ايضا كلنا نعرف ان راتب المدرس لايكفيه وهو عندما يسافر
فهو سفر رغم انفه فلايوجد منا من يريد ان يترك بيته وعائلته وعمله الا للضرورة القصوى
وحتى عندما يسافر فهو يدفع تامينات وصندوق تكافل ..... الخ وهى مبالغ كبيره فهو لايقبض
راتبه من الازهر وفى نفس الوقت يدفع للازهر
اذن ماهو الحل للخروج من هذا المازق والوصول الى حل وسط بين الاثنين ؟؟؟
اعتقد تحديد مده زمنيه لاتقل عن 5 سنوات فمن يسافر يستطيع ادخار مبلغ
يساعده على اعباء المعيشه وفى نفس الوقت يترك الفرصه لغيره للسفر ايضا
ومن يجد ان السفر افضل من العودة للعمل يترك مكانا لغيره للعمل ايضا
بعيدا عن موضوع عجز التخصص وخلافه
جزاكم الله جميعا كل الخير

[taraweesh]

يا استاذ سعيد الموضوع بسيط جدا اذا سافر المعلم فانه يترك مكان يمكن شغله عن طريق تعيين الشباب او التعاقد بنظام الحصة و بالتاكيد الشاب الجديد راتبه اقل من المعلم المغترب كذلك تستفيد الدولة من تحويلات المصريين بالخارج فالفائدة هنا للجميع و ده نظام الدولة في كل الوزارات الصحة و التعليم و غيرة فلماذا يشذ الازهر عن القاعدة

[مظلومين من الازهر]

اشمعنه دلوقتى وقفة جادة كل واحد همه مصلحته انا بقالى شهور بتحايل على الازهرية يقفوا وقفة جادة ضد قرار يوم السبت الظالم اللى عمله المفترى شومان ماحدش عبرنى
دلوقتى بتقولوا نقف وقفة واحدة انا عن نفسى بايده فى هذا القرار عندا فيكم بس زى ماانتم خذلتونى فى موضوع يوم السبت والعلاوات المجدرة وبااعلنها انا ماعدتش خاعبر اى واحد ازهرى بيطلب اى حاجة
لان كل واحد عايز مصلحته بس
اقفوا معانا فى موضوع يوم السبت والعلاوات المجردة نقف معاكم فى قضيتكم غير كده يبقى البسوا فى الحيط مش حاتلاقوا عون مننا

[almoallem]

المشاركة الأصلية كتبت بواسطة مظلومين من الازهر

اشمعنه دلوقتى وقفة جادة كل واحد همه مصلحته انا بقالى شهور بتحايل على الازهرية يقفوا وقفة جادة ضد قرار يوم السبت الظالم اللى عمله المفترى شومان ماحدش عبرنى
دلوقتى بتقولوا نقف وقفة واحدة انا عن نفسى بايده فى هذا القرار عندا فيكم بس زى ماانتم خذلتونى فى موضوع يوم السبت والعلاوات المجدرة وبااعلنها انا ماعدتش خاعبر اى واحد ازهرى بيطلب اى حاجة
لان كل واحد عايز مصلحته بس
اقفوا معانا فى موضوع يوم السبت والعلاوات المجردة نقف معاكم فى قضيتكم غير كده يبقى البسوا فى الحيط مش حاتلاقوا عون مننا

جضرتك كلامك تمام أنا ياما كتبت و محدش عبر طيب انا متكلم على الغاء الحد الأدنى و ده من حقنا ماشفتش واحد قال كلمة حق انا معاك يا إما نقف مع بعض بجد زي الأطباء و نقابتهم ماعملت ياإما مالوش لازمة الهري ده

[الأستاذ أحمد راشد]

السلام عليكم

كلام بعيد عن الموضو

ولكن ردا على الزملاء اللى بينادوا بوقفات

ومافى احد بيتفاعل معهم

وذلك لاسباب


اهمها

الهوية المجهولة فكيف يتفاعل معكم الاعضاء وهم لا يعرفونك او انكم تستترون خلف مسميات ليست اسمائكم الحقيقية

[teacher120]

يا جماعه الشيخ لم يحدد اقامه احد هذا كلام مغلوط ارجعوا الى ما كتبه على صفحته- من حق اى شخص السفر لمده 4 سنوات حتى ولو كان هناك عجزا فى تخصصه بعد هذا ليس من حقك------- ان لم يكن فى تخصصك عجز فمن حقك السفر لاربع سنوات واربع اخرى بقرار وكيل الازهر بالتجديد لك اى 8 سنوات ثم تعود-- ما المشكله فى ذلك يعنى الى فى تخصصه عجز 4 سنين مش مكفيين؟ والى مش فى تخصصه عجز 8 سنوات لا تكفى؟

[academyeg]

السلام عليكم ورحمه الله وبركاته
أنا مدرس حاسب ألي
ومتضرر من قرار شومان ولكن اذا القرار يسمح لك بالسفر اربع سنوات حتي اذا كان هناك عجز وتجدد باربعه اخري من وكيل الازهر
فهذا عدل وليس قرار سيئ
ولكن السؤال هل هذا ما فهمت بالظبط