ملتقى طلاب الصف الثالث الثانوى (علمى علوم) 2014

[NeVeR CoMe BacK]

المشاركة الأصلية كتبت بواسطة Mahmoud Elgohary

يادكتورة ميادة انا عندى طلب
فى الاحياء انتى كنت بتذاكر النظرى منين
لان فى جزئيتين مش فاهم شرحهم من كتاب الامتحان ولا حتى مذكرة المستر او كتاب المدرسة
وهم الية انقباض العضلة الى نهاية الباب السابع
وكمان فى ال dna جزئية تخليق البروتين
عندك حل ؟؟؟؟؟؟؟

_______________________________________

بعد كده فى الفيزيا انا زهقت من المسائل الصعبة فى الوسام
من الاخر كده الامتحان مستواه يطابق كتب ايه

شوف كده م الفيديو ده لو مفهمتش هحاول اشرحهالك هى عندنا ف منهج الفسيولوجى بس طبعا بتوسع اكتر من كده وانجلش متقلقش لما تجيلنا اكلية السنة الجاية ان شاء الله هتعرفها بالتفصيل الممل وتخليق البروتين سهل والله بس عاوز فهم هو المدرس مش فهماهلكو ولا ايه شوف طيب الفيديو ده وقولى كده فهمت ولا لسة حاول ترسم رسمة تخليق البروتين دى كلها انا عارفة ان هو كان مختصر خطوتين تلاتة باين وجاب الخطوة النهائية علا طول انت ارسمها كلها بنفس خطوات الشرح عشان تلزق ف دماغك واحفظظظ الرسسسمة انا عارفة انها هتبقا صعبة ف الأول بس احفظها كده بنفس الشفرات اللى علا mrna والحاجات التانية احفظها بالرموز كلها وعلا شريط MRNA اكتب الشفرات الثلاثية دى كلها وكمل اللى مختصره ف الكتاب من خلال فهمك للشرح ده هيسهل عليك انا كنت حافظة الرسمة دى وكنت بعملها كلها لوحدى وبعمل الخطوات اللى مكانتش فالكتاب كمان عشان تثبت ف دماغى بس هو حفظه صعب ف الأول هيجي بكتر التكرار
الأحياء انا كنت بزاكرها م الاتنين المدرسة والامتحان وفيه اجزاء مكنتش بتعجبنى طريقتها فكنت بنقلها من الكتابين واظبطها واحط عليها اسئلتها وحاجاتها وبابا غنوجاتها ف كشكول الأحياء بتاعى كان عندى كشكول كبير كده بتاع حوالي 200 صفحة كنت بكتب فيه جميع اللأسئلة الغريبة والملاحظات والشرح وكل حاجة يعنى مش عارفة الكشكول ده راح فين هحاول ادور عليه واحطلكو اسئلة منو هنا

المشاركة الأصلية كتبت بواسطة shahnda khaled

الله ايه ده اسمك ميادة
اممممم بعد اذنك تقوليلي اعمل ايه انا كنت جايبه كتب كتييير جدا تقريبا كل الكتب في كل المواد ومخلصتش ولا كتاب واحد وانا لسه ببدأ اذاكر اعمل ايه بقي ؟

ايوة اسمي ميادة في اعتراض ع الاسم ولا اييييه
بصي انتى حاولى تشوفي احسن كتابين لكل مادة وخديهم والباقي ارميه فوق النيش حلي بقا ف الكتابين دول بطريقة انك مثلا خلصتى يونت حلي عليها من كتاب واحد ولما تيجي تخلي اليونت التانية تحلي عليها من نفس الكتاب وتحلي عاليونت اللى فاتت م الكتاب التانى وهكذا يعنى تراجعي القديم مع حل الجديد لحد ما تخلصي الكتابين دول خلصتيهم يبقا اطلعي فوق النيش وهاتيلك كتاب كمان وان شاء الله النيش ياخدك وينزل وتبقي شهيدة الثانوية العامة يعنى حاولي متلخبطيش نفسك وخلاص ان الله لا يكلف نفسا الا وسعها