هدفـــــي صيــــدلة

[chalijaly]

المشاركة الأصلية كتبت بواسطة DR:KHALED

احب اقولك متخافيش باذن الله هتدخليها بس اكتر حاجه احب انصحك بيها هى المذاكره حطى فى علمك ان مذاكرتك ديه هى مصيرك هى اللى بيها يا اما هتعيشى راضيه و مرتاحه العمر كله او هتعيشى حزينه و ندمانه العمر كله احب اقولك انا شوفت عذاب فى سنتين الثانوى بتوعى عمرى ماشوفت ذيهم فى حياتى انا قبل الثانوى كان اخرى ادور على الماده اللى احبها و اذاكرها و الدرس اللى مش يعجبنى كنت اديلو استماره 6 و كانه لم يكن ليه وجود من اساسه بس بعد ما دخلت سباق الثانوية العامه و انا بقيت اهتم بكل كلمة و حرف بكل معلومه مهما كانت صغيره او كبيره و الصغيره قبل الكبيره اوعى تستنى من حد سواء كان مدرسك او ولى امرك انه يقولك ذاكرى او حلى تدريبات و امتحانات لازم انتى تكونى عارفه مصلحتك من نفسك عايزك تعتمدى على الفهم اكتر من الحفظ ما تشتتيش نفسك ما بين الملازم الكتير خليكى مركزه فى ملزمه واحده و بس اللى هي بتاعت مدرس الماده بتاعك حاولى تفتكرى الجزيئات بمكانها فى الصفحات تعلميها بعلامه مميزه و بالنسبه للمقايس اللى تحكمى بيه على المدرسين فهى حاجه واحده هو انك بتفهمى كويس من الاستاذ ده مش لازم حوار الاسم و الشهره ياما اساتذه كتير مشاهير و عجزت انها تفهم طلاب اهم حاجه فى الموضوع هو الفهم و لازم تسمعى لكل كلمة يقولها ليكى استاذك قالك ان الجزئيه ديه مهمه تبقه مهمه بالنسبه لتقسيم الوقت انا عن نفسى كنت مخلى لكل ماده يوم خاص بيها و بيكون هو نفس اليوم اللى باخد فيه الدرس بتاعها مكنتش بحب تكويم الدروس فى يوم واحد على الرغم من ان فى ناس دخلو معايا صيدله كانو بيتبعو اسلوب التكويم ده بس هى قدرات و بتختلف و بالنسبه للنسيان فده شئ طبيعى كلنا بننسى المهم ان المعلومه اللى فهمتيها و حفظتيها مايعديش عليها وقت طويل و هى مركونه من غير ما تتراجع يعنى بالكتير 3 اسابيع او 4 و ديه بتختلف من ذاكرة شخص لاخر و خدى بالك ان اصعب مره فى كل درس هى المره الاولى لكن باقى المرات هتبقه اسهل و اسرع من اللى قبلها بس انتى ماتركنيش المعلومه فتره طويله يعنى بالنسبه لمعادلات الكيمياء العضوية اللى هى هتبقه اساس شغلك فيما بعد يا دكتوره يفضل انك تراجعى عليها بسرعه كل اسبوع انا عن نفسى كنت براجع كل المعادلات اللى عليا كل اسبوع مش بس معادلات العضوية لانى كنت نظام قديم و مفيش قسمه للمواد و مكنش بتاخد منى وقت كبير يعنى بالكتير ساعتين او 3 بالنسبه للاحياء كل درس هتاخديه هتحسى نفسك انك مش فاهمه حاجه و ان الموضوع بداء يتقل عليكى و الحمل يزيد ده احساس عادى حسيته قبلك بس اقسم لك بالله يعد ما خلصناها وبداءنا مراجعه لقيت انها ماده تافه جدا جدا جدا بس انتى ما تستسلميش لليأس و الشيطان و هقولك كده على كتاب فى الاحياء نصيحه منى تبعدى عنه نهائيا اسمه النفيس الكتاب ده معقد اووووووووى و بيحط اساله مطلوبه علينا فى صيدلة و طب بشرى و مش مطلوبة منك فى االمنهج هيجبلك احباط رسمى و ياما جابلى احباط و ان لم يكن بد يبقه تذاكرى فيه تحت مساعدة استاذك الاحياء مافيهاش فصل صعب لا الوراثة ولا البيولوجية الجزيئية و لا الهندسه الوراثيه كل دول فى الاول بيبقو طلاسم ذيهم ذى اى حاجه بتسمعى عنها لاول مره بس كله لو فهمتيه و ذاكرتيه مره و اتنين وتلاته هيثبت و يبقه تمام التمام بس هو الجزء الاخير بتاع الهندسه الوراثية هو اللى محتاج حفظ شويه اكتر من الفهم لكن برده مش حفظ اما نظام الامتحان فكان على ايامنا طووووووويل اووووووووووى جدااااااااااااااا و ده لانهم كانو بيقسمو كل سؤاال ل4 و 5 جزئيات و كل جزئيه ممكن تنقسم ل 2 او 3 انتى هتحلى امتحانات و هتفهمى قصدى انتى المطلوب منك انك تدخلى تحلى الاسئله الاجبارى الاول و تتاكدى منها و بعد كده تحلى فى الاختيارى و خدى بالك كويس من الرسومات من اصغر رسمه لاكبر رسمه سواء اللى عليكى ترسميها و تكتبى عليها التفاصيل او اللى عليكى تعرفى تفاصيلها و بس اما الفيزياء فاوعى تتخضى او تخافى منها ذى ما العيال التانيه كان بيعملو انتى بس افهمى كل كلمه بتتقال الاول و بعد كده ابداءى.فى الحفظ انتى ممكن هتحسى بعجز شويه فى الفهم فى الكهربية لانها بتعتمد على التخيل فى اغلب اجزائها بس انتى اللى عليكى انك تفهمى كلام استاذك على قد ما تقدرى و تحلى كتير اوووووووووووووووووووووووووووووووووووووووى عليها ال 3 فصول و السؤال اللى يوقف معاكى تعلمى عليه و تديه لاستاذك يفهمهولك و كل فين و فين تراجعى السؤال ده لغاية ما يثبت و الكلام ده فى كل المواد مش بس الفيزياء اى سؤال او اى مسأله تعجبك او تقف معاكى حطى لنفسك عليها علامه لان العلامه ديه هتفيدك بعدين وقت المراجعه لما هتبقى مش فاضيه تحلى كل الاسئله من تانى اما بقه الفيزيا الحديثة فديه حلوه اووووووووووى اووووووووى و خصوصا الليزر و البوبات الرقميه. Not or and اما بالنسبه للانجلش و الفرنسى فانتى فى كل وحده هتاخدى كم كبير من الكلمات معظمه قديمه و انتى عرفاه من الابتدائى فيفضل انك تيجى تعلمى على كلمات الجديده لتاعت كل وحده عشان بردو هتفيدك فى المرجعات عشان تنجزى و متاخديش وقت كتير اما القواعد ديه تفشى فيها ذى ما يقولك مدرسك اما القصه فقصة سجين ذيندا ديه قسمه جميله جداااااااا انتى و بتذاكرى قولى لنففسك انك بتقرى قصه عاديه مش قصه مدرسيه تبع المنهج حاولى تفهمى الاحداث و ترتبيها فى مخك و عبرى بقه باسلوبك المهم يكون صح مش لازم تلتزمى حرفيا بكل اللى مكتوب فى الكتاب و بالنسبه لسؤال الكوتاشن بتاع القصة فعايزك بردو تعلمى على الكوتيشن اللى بتنسيه كتير او بتتلخبطى فيه اما بالنسبه للعربى و ما ادراكى ما العربى اكتر ماده جابتلى احباط فى حياتى فانا بنصحك انك ترجعى عليها باستمرار على طول و خصوصا الادب و البلاغه و اياكى و شغل التنشين فى الامتحانات و الاستاذ يقولك ده متوقع و ده مش متوقع فتسبيه و تتفاجئى بيه فى الامتحان الماده ديه ملهاش كبير و محدش يعلم الغيب لان انا شخصيا اعرف ناس كتير ضاعت بسبب حوار التنشين ده اما القصه و النحو و النصوص فدول سهلين بس انتى حلى قطع نحو كتير و اساله كتييييييييييييير اما بقه الجيلوجيا و الاقتصاد و الاحصاء فدول للاسف مش عارف ايه نظامهم لانى مكنتش باخدهم على ايامى بس اللى اعرفه من اللى كانو بياخدو الاقتصاد و الاحصاء انها ماده سهلة و اللى عايز يقفل فيها بيقفل و انتى مش مطلوب منك اكتر من النجاح فيها اما الجيلوجيا فاللى كنت اسمعه عنها انها مادة حفظ اكتر من انها مادة فهم بس سمعت كمان انهم عدلولكم فى المنهج و حذفولكم ابواب فيهر فخففو من عليكم شويه و فى اخر كلامى احب اقولك ان مفيش حاجه مستحيله بس فى حاجه صعبه و الصعب ممكن يتحقق بس احنا ننوى و نكافح و نكد و ربك عمره ما هيضيع مجهود حد انا تعبت كتير و شوفت عذاب بالهبل بس فى الاخر ربك جذانى خير و وصلنى لهدفى و انتى كمان هتوصلى و انا متاكد من كده لانى كنت ذيك بالظبط و نفس السؤال اللى انتى سألتيه انا كنت بساله قولى يا رب انتى بس و اعبديه و اطيعيه و هو هيقف جنبك و عندى ليكى طلب ياريت بعد ما تشوفى تعليقى تقفلى النت ده خالص و تقطعى علاقتك بيه و خصوصا بعدوك اللدود الفيس بوك لغاية ما تخلصى و و الله كل حاجه قاعده مش هتختفى بتأسفلك على الاطاله و رغى الكتير ده بس انا حبيت انفع بكل اللى عندى ولو احتجتى اى حاجه اسالينى و انا هرد عليكى مع السلام يا دكتوره 😊😊😊😊😊😊😊😊

هااااااااااااااااااااااار اسود .!!!!!!
اطول تعليق شوفته فى حيااااااااااتى
بس بجد شكرااااا نصايح حلوة جداا ربنا يكرمك ويجازيك خيييييييييير....

[DR:KHALED]

هههههههه معلش بقه بس اصل انا حبيت افيدك و الله بكل اللى عندى ده انا حتى كده اختصرت و.الله. 😄😄😄. و بعدين لا شكر على واجب احنا كلنا هنا عشان نساعد بعض زمان انا كنت ذيك كده و بدور على اللى يساعدنى و ده بقه دورى دلوقتى انى اساعد اللى ذيك و بعدين ما انا قاعد فاضى اهو ولا شغله ولا مشغله مفيش غير اجازه طويله ممله 😜😜😜😜 انا بس بغيظك اااااه ربنا يوفقك ياااااااااااااا رب و تدخلى صيدله قادر يا كريم يا دكتووووووووووره و انا واثق فى ربنا و فيكى انك هتدخليها و هتيجى و هتقوليهالى بنفسك و معادنا فى نص شهر سبعه مستنيكى تفرحينى يا دكتووووووووره 😊😊😊😊