من فضلك .. إخلعي الحجاب !!

[vampire1188]

ههههههههههههههه .. والله فعلا كل اما بتيجي سيرة الحجاب دي بفتكر الجامعة عندنا !!

بس يمكن عندنا عادي شوية .. لإن الجامعةعندنا ماشية على النظام العلماني اللي مابيتقيدش لابدين ولا جنسيه

كل اللي فيها انها بتحترم الارض اللي مبنيه عليها وبس ..

بس والله من كتر اللي بشوفه سواء في الجامعة او الشوارع .. مابقتش تفرق معايا .. بقي كل زي بعضه

اما بشوف واحده لابسه حاجة معينة مابقتش ادقق او اعلق تعليق معين

بس طبعا عشان ماحدش ييجي يغلطني ان انا ضد الحجاب .. بالعكس دا حاكة مهمة جدا ودا امر رباني في نفس الوقت

لكن كنت عايز اناقش نقطة كدا .. انتوا مثلا اما بتيجوا تصوموا .. افترضوا انكوا كنتوا بتصوموا وانتوا متضررين او عشان المنظر العام بس قدام الناس مايقولوش علينا اننا فاطرين .. هل الصيام دا هايتقبل ؟؟؟

بالطبع لأ .. نفس الحكاية في فرض الحجاب .. البنت من دول بتلبسه متضرره .. عشان بس اخواتها لابسينه والشارع والعيلة والعمارة والجيران والناس يقولوا ايه ؟ .. قليلة الادب؟ .. لأ طبعا دي بنت متربية وبتلبس حجاب

كطب بالله عليكوا هل الحجاب دا بيبقي مقبول ؟؟

ماهو زيه زي الصوم اكيد مش هايتقبل والله اعلم طبعا

من النقطة دي بنستنتج ان الحجاب فعلا انتقل من عبادة اسلامية الى عادة اجتماعية

البنت بتطلع تتلاقي بنات عيلتها كلهم متحجبين فابتقوم بتحجبه زيهم .. تسأليها تقوليليها ليه يابنتي تقولك البنات الي اعرفهم كدا

وهكذا .. في نظر المجتمع دلوقتي ان اللي مش محجبة تبقي خارجة عن الدين وقليلة الادب ومش محترمة

معا ان انا شبه صحابي البنات كلهم مش محجبات الا القليل يعني .. بس محترمين جداااااا وثقافة عالية وولاد ناس وكلاس يعني

فيه بنات كتير بتلبس الحجاب لمجرد المنظر العام فقط .. انا مش بجمع بس من اللي بشوفه يخليني اقول كدا فعلا

انا في مرة روحت جامعة القاهرة عند مبني العيوطي .. شوفت حاجات مابتحصلش في كازينوهات والله العظيم !!

اني واي .. الحجاب فريضة وليست عادة .. وعشان البنت تلبسه لازم على الاقل تكون مقتنعه بيه لإنه لو مش مقتنعه بيه يبقي منظر وبس !!

وربنا يهدي الجميع