عاجل المرحلة الاولى لتنسيق القبول بالجامعات: 91.46% الحد الأدنى للعلمى و81.46% للادبى

[Attar]

ممكن حد يفهمنى ايه هى المرحلة الاولى وايه هي المرحلة التانية ؟؟؟؟؟؟

هما بيقسموا الطلاب على 3 مراحل حسب مجاميعهم عشان الزحام على الكليات فى التنسيق.

فى الاول المرحله الاولى بتاخد حد ادنى مجموع معين اللى هوا السنه دى 375 للعلمى معنى كده ان كل اللى جايبين اقل من المجموع ده يستنوا لحد ما الطلاب اللى جايبين اعلى من المجموع ده يخلصوا تنسيقهم ومعنى كده انه هيخلى شريحه معينه من الطلاب هما بس الى يقدموا فى التنسيق ويستنى باقى الطلاب لحد ما تظهر نتيجة المرحله الاولى.

فانت هتلاقى فى النتيجه بتاعت المرحله الاولى ان فى كليات قفلت على المرحله الاولى (يعنى انتهت الاماكن المخصصه بها للطلاب فى المرحله الاولى)


وكده بيجبروا طلاب المرحله التانيه( اللى مجاميعهم اقل من الحد الأدنى للمرحله الاولى) انهم يلغوا الكليات دى من رغباتهم لانها خلاص مش هتاخد حد.

وهكذا بالنسبه للمرحله الثالثه.

وبكده يبقى قلل الزحام على الكليات فى التنسيق.
وبقى الموضوع منظم اكتر(والموضوع ده مطبقينه من زمان)

معلش بقى لو شرحى مش قد كده.