◄استفسار هام فى شئون طلبة الثانوية العامة والاستمارات►

[محمدشومان]

المشاركة الأصلية كتبت بواسطة mohamed.sa

السلام عليكم ورحمة الله وبركاته

منذ فترة طُلب منا طلاب الصف الثالث الثانوى تقديم بيانات النجاح وعمل "الاستمارات" كشىء أساسى ضرورى ..


السؤال هنا
أولاً: ايه اللى هيحصل لو الاستمارات دى متعملتش وبيان النجاح متقدمش، يعنى الطالب هيعيد السنة مثلاً؟!

ثانياً: كيف يتم اعتماد استمارات الطلاب؟وهل ينفع الاستمارات يتم عملها فمكان تانى غير مدرسة الطالب زى الادارة التعليمية مثلاً ولا الموضوع بيمشى ازاى؟

ثالثاً: ايه هيا المهلة المحددة لعمل هذه الاستمارات، ولا عادى فأى وقت ولا ايه؟



أرجو بسرعة توضيح هذه النقاط ممن لديه علم ودراية صحيحة بالأمر،
وجزاكم الله خيراً ووفقكم لما يحب ويرضى.

بالنسبة لاستمارات الثانوية العامة

هى اللى تدل على تقدمك للحصول على الثانوية العامة
ولو انت طالب منتظم يتم تسلمك كود الطالب وكلمة السر الخاصة بك من المدرسة

بعد ذلك تدخل على النت على موقع الوزارة بالكود وكلمة السر الخاصة بك وتراجع بياناتك بالاستمارة على النت وتتاكد من المواد هل هى صحيحة ام خاطئة ولو البيانات صحيحة اطبع الاستمارة

بعد ما طبعت الاستمارة خدها وتوجه الى المرشد التعليمى بالمدرسة بتاعتك اللى انت مقيد بيها واللى انت اخدت منها الكود وكلمة السر عشان تكتب الاستمارة الورقية اللى فيها رقم الجلوس اللى هيجيلك بعد كده

وفيه 3 صور شخصية حديثة 4*6

والمصروفات 32 جنيه + طوابع حسب المدرسة ما تطلب

الكلام ده لو انت طالب منتظم بالصف الثالث الثانوى نظام حديث

بالنسبة لاخر موعد للاستمارات كان 15/3/2014 لن نظرا لمد اجازة نصف العام فتم مد الموعد الى 28/3/2014 م

واذا لم يحضر الطالب الى المدرسة لكتابة الاستمارة والتوقيع عليها تقرر ادارة المدرسة فصله فورا وترسل قرار الفصل الى لجنة النظام والمراقبة مع باقى الاستمارات

ولا يطلب منك اى بيانات نجاح لكنها تطلب من طلاب المنازل فقط

يا رب اكون وصلت لك اللى انت عايزه

مدير مدرسة ثانوية