الفرعــــــون القــــــادم

[Mr. Ali 1]

تغازل العصافير قطبانها
زنزانة لأجلك كارهة سجانها
دوق زينا حلاوة الزنازين

على برشها بتمد أطرافك
سجانك المحتار في أوصافك
مهما إجتهد ما هيعرف انت مين

طوبى لكل المسجونين باطل

في زمـــــــــــن بيخدعـنــــــــــا وبيماطــل
يا شــمـــــــــوس بتبرق في غرف عتمين

أما اللي خــــــان ناســــــك وأوطـــــاني
م الهيبة حاطينه في قفص تاني
يصحى وينعس والجميع واقفين

ومصر عارفة وشايفة وبتصبر .. لكنها في خطفة زمن تعبر
وتسترد الإسم والعناوين

يا دي الميــــــــــزان اللي طلعت لفوق
بينـــــــــــزلوك بالعــــــافـيــة أو بالذوق
دول مــــــــش بتــــــــــوع الصــــدق في المـــــــوازين

الثـــــــــورة نـــــــــــــور واللي طفــاهـــا خبيث
يرقص ما بين شهدا وبين محابيس
والدم لسه مغرق الميادين

الحزن طايح في قلوبنا بجد
مافضلش غير الشوك في شجر الورد
غـلــــط الــربيـــــــــع ودخـــــل في أغبى كميــــــن

وفي إنتظار تيأس مع الأيام
غيرك في قفصه بيضربوله سلام
وأنت الجــــــــــزم قبــــل الكفـــــوف جاهـزيـــــن

ومصر عارفة وشايفة وبتصبر .. لكنها في خطفة زمن تعبر
وتسترد الإسم والعناوين

ياعم أقعد بس وإشرب شاي
الدنيا ماشية وشعبنا نساي
والبــركــــــــة في الشاشــــة وفي الجـرانيــــــن

وإذا هوهوه قـــــــوم إعـلن الأحـكــــــام
وكل بــــق تلـجـمـــــــه بلـجــــــــــــــــام
ومــــش هـتـغـلـــب تطــبـــــــخ القــوانيــــــــــــــن

يا مصر هدي وإنت بتفوتي
الصوت في صمته أعلى من صوتي
أدي السجين اللي مبتش حزين

واللي يـــقــــف في وش ثـــــــــــــــــوارها
مــــا هــيـــــورث إلا ذلـهــــــــــا وعــارهــــا
واللي هيفضل ضحكة المساجين

ومصر عارفة وشايفة وبتصبر .. لكنها في خطفة زمن تعبر
وتسترد الإسم والعناوين

الموضوع لم ينتهي بعد ( مجرد استراحة )