عايزة نصايح لحد ضايع ف الفرنساوى والانجليزى

[queen hemat]

المشكلة دى مش مشكلتى المشكة هى مشكلة اخويا هو علمى رياضة ف ثالثة ثانوى السنة دى

لو قلت انو ميعرفش كلمة ف الفرنساوى ولا الانجليزى لحد دلوقتى هكون كدابة لانه عدى مرحلة عدم المعرفة بمراحل انا بجد تعبت منه

بقعد معاه ليل نهار والحمد لله قعدنا اخر شهرين قفل الكميا والفزيا والعربى والرياضة فاضله فرنساوى وانجليزى
مش بيرضى يحفظ كلمات ولا بيعرف يحفظها مش عارفة اعمل معاه ايه
اخليه ياجلهم ولا فى امل ولا نستغل الشهرين دول عشان يراجع ع باقى المواد احسن ويخلى المادتين دول للسنة الجاية انا مش عارفة اعمل ايه بالله عليكوا ادعولوا ربنا يهديه

عوزاكوا تقوللولى حلول جذرية وهخلهي يقرا كل الردود

[شهد اليوسف]

يعني ايه اصلا مش ئادر يحفظ كلماات (دا هو لازم يحفظ لانو امواد اللغات دي معتمدة علي حفظ الكلمات بالاكتر ) وبعدين دا لو هو فعلااا عايز يذاكر مادة زي الانجلش هما 15 Unit و 8 Ch يعني لو كل يوم يونت واحدة ونص شابتر هيخلص الانجلش في 15 يوم وهيكون معاه ايام تاني كتير للحل والمراجعة وحفظ كلمات تراجم كماان لو كل يوم 10 كلمات تراجم هيحفظ كمية كافية ان شاء الله ودا اللي جانب مراجعته للمواد العلمية وكدا

والفرانش حقيقة انا ضايعة فيه كمان بس هو مش مستاهل انو يتأجل ابدا مادة سهلة وصغيرة وتتلم بسرعة هو بس حفظ كلمات وفهم قواعد وحتي لو حل كتير هيلائي نفسو الكلمات تلقائي بتكون في دماغو من غير حفظ بس من كتر تكرارها ئدامو اثناء الحل وهخليه يحل امتحانات السنين اللي فاتت

وان شاء الله ربنا يوفقه ويوفقنا كلنآآآ يآآرب
ادعيلي انا كمان

[sayed badr]

ممكن يركز كل يوم على يونت حتى لو من كتاب مراجعة نهائية بيكون جايب كلمات قليلة جدا واهم كلمات على كل يونت ويحفظها وبالنسبة للقصة يقراها بس ويحاول على أد ما يقدر يحل الاسئلة اللى فى المراجعة النهائية بردو مركزة بردو واهم الاسئلة وهيكون فى وقت للحل والمراجعة كمان ان شاء الله

[hokihoki]

راىى ياخد درس خاص و يركز فى المذاكره اكتر

الحل التانى انه ياجلهم و ربنا معاه و معانا

[دى برولى]

حلى اممتحانات وخليكي مع مدرسك هيعرف ضعفك فين