توزيع درجات القطعتين علي اسئلة المواقف بعد تصحييح العينة الأولية "للانجليزي"

[Hosam Loma]

انا غلطان في جملة في الـ Find The Mistake
يعني اتمني انهم يوزعه درجته , لكن بصراحة ده إمتحان ثانوية عامة لازم يكون فيه تفكير
الناس كلها عايزة الحاجة السهلة و ده مستحيل , نظام التعليم لو فضل يطبطب علي الناس و يشيل درجات و يحط علي هواهم يبقي خلاص نلغي الثانوية ,
الناس اللي بتفكر في حلولها الغلط , تفكر برده إن في ناس حلت صح , و مسألتش نفسها ليه إن في طالب زيك حل الجملة اللي انت غلطت فيها يبقي العيب فيك مش في الامتحان ..
و الامتحان بصراحه من افضل الامتحانات اللي حلتها عشان لاول مرة حسيت إني بشغل دماغي و انا بحل الحكاية مش مجرد قواعد بحفظها

[Mr.Nashaat Elhamaki]

المشاركة الأصلية كتبت بواسطة hosam loma

انا غلطان في جملة في الـ find the mistake
يعني اتمني انهم يوزعه درجته , لكن بصراحة ده إمتحان ثانوية عامة لازم يكون فيه تفكير
الناس كلها عايزة الحاجة السهلة و ده مستحيل , نظام التعليم لو فضل يطبطب علي الناس و يشيل درجات و يحط علي هواهم يبقي خلاص نلغي الثانوية ,
الناس اللي بتفكر في حلولها الغلط , تفكر برده إن في ناس حلت صح , و مسألتش نفسها ليه إن في طالب زيك حل الجملة اللي انت غلطت فيها يبقي العيب فيك مش في الامتحان ..
و الامتحان بصراحه من افضل الامتحانات اللي حلتها عشان لاول مرة حسيت إني بشغل دماغي و انا بحل الحكاية مش مجرد قواعد بحفظها

كلامك جميل جدا وعجبنى
بس دا فى حالة ان يكون فى توفير للطالب المتفوق الهدوء اللازم للتفكير
مش غش جماعى او بالاكراه او يتهدد داخل اللجنه من شوية فشله امام اعين المراقبين

حسبنا الله ونعم الوكيل

[محمود ابو عطا]

المفروض والله فعلا find the mistake هو اللي تتوزع درجته فعلا

[MEDOASO2008]

انااااااااااااااااااااااااااااااااااااااااشد وزير التربية و التعليم النظر الى mistake عشااااااااااااااااااااااااااااان كده حرااااااااااااااااااااااام جداااا انااا حله القطعتين صح و عند 2 فى mistake
حسبى الله و نعم الوكيييييييييييييييييييييل

[emanbakr1811]

حراااااااااااااام القطعتين كلهم عندى صح الغلط فى المستيك ارحمووووووووووووووونا ذنبى ايه المستيك هو الى يتوزع المفروض مش القطعتيننننننننننن

[Hosam Loma]

المشاركة الأصلية كتبت بواسطة mr.nashaat elhamaki

كلامك جميل جدا وعجبنى
بس دا فى حالة ان يكون فى توفير للطالب المتفوق الهدوء اللازم للتفكير
مش غش جماعى او بالاكراه او يتهدد داخل اللجنه من شوية فشله امام اعين المراقبين

حسبنا الله ونعم الوكيل

شكرا حضرتك الحمد لله عندنا هدوء تام في اللجان
و محاضر الغش اتعملت اكتر من مرة ف عشان كده مش بتسمع صوت في اللجنه كلها
الموبايلات كلها بتتسلم قبل اللجنة بالاتفاق معانا ,, يارب يوفقنا جميعا

[lion_mans]

يعنى انا طالب دلوقتى غلط فى امتحان العربى 4 غلطات وفضلت اعيط عليهم لغاية امتحان الانجليزى
وبعدين ربنا وفقنى فى الانجليزى و مطلعش عندى فيه غير غلطة فى mistake و لما خرجت من اللجنة و عرفت
ان الامتحان كان صعب بالنسبة لبعض الناس مخبيش عليكوا قلت الحمد لله عشان انا تعبت و ربنا كده بيعوضنى
عن الى نقصته فى العربى عشان مضعش فى التنسيق و مدخلش طب تيجوا تلغوا الاسئلة فى الامتحان يبقى
كده حرام طيب بدال كده كل واحد عنده غلطه فى ماده يطلع يعيط على التلفزيون و الوزير يلغيلوا السؤال
يا جماعة ده امتحان يعنى لازم ناس تغلط عشان يفرق بين الطلبة

[wael gerges]

من وجهة نظري كمعلم للغة الإنجليزية ، الامتحان من أفضل الامتحانات اللي تم وضعها للثانوية العامة حيث انه يشمل جزئيات كثيرة من المنهج وهناك نقاط رائعة تفرق ما بين طالب بيذاكر من اول يوم وطالب ضحك عليه مدرس بان الامتحان لن يخرج من الـ workbook وبالتالي اطصدم من الامتحان وهذا رأيي ( سامحوني يا جماعة )

[show_stoper]

انا راي الشخصي بلاش توزيع العيب في الطلبة المفروض يزاكروا شوية مع ان الامتحان فيه درجة صعوبة بس دة المطلوب عشان الطالب بيطل دلع و اعتماد علي المدرس شوية و طبيعي ان امتحانات اللغات يبقي فيها مستوي صعوبة عشان تفرق الي حافظ من الي فاهم و مزاكر