اساسى تعيين 1/3 فى أول يوليو2014

[أبورضوى]

يعنى تعيين 2004 اساسيه 334 وتعيين 2014 اساسيه 258 بفارق 76 جنيه يالذمه دى وزاره ودى عداله 10 سنين فرق خبرة وشغل ويبقى فرق الاساسى بين الاتنين بس 76 جنيه والله منتهى العدل والتمييز

[نانا هوبة]

المشاركة الأصلية كتبت بواسطة أبورضوى

يعنى تعيين 2004 اساسيه 334 وتعيين 2014 اساسيه 258 بفارق 76 جنيه يالذمه دى وزاره ودى عداله 10 سنين فرق خبرة وشغل ويبقى فرق الاساسى بين الاتنين بس 76 جنيه والله منتهى العدل والتمييز

مش بتتحسب بفرق السنين لان الاساسى من البدايه ضعيف و تجريد العلاوات عند التعيين جاب الاساسى الارض انت ليك علاوات بتنضاف زيك زيه و كمان تعيين 2014 ده مش اول يوم شغل ليه ده تعاقد من 2005 و 2006و هكذا يعنى وقت ما انت كنت بكرامتك متعين بتخصصك وواخد مدتك كامله و نزلت لك علاوة 2008 كامله كان هو متمرمط بالعقد المؤقت و الشامل و الحصة وحاليا لسه هيرفع قضيه لضم المده و لف ودوران عشان يضم الخدمه العسكريه و لو كنت من المحافظات النائية كنت شوفت زميلك المتعاقد و هو محروم من البدلات اللى بياخدها المعينين و انتم تخصص واحد و كليه واحدة الفرق ان انت معين ومطمن و هو تعاقد و مش عارف له حال
الف مبروك على التعيين لكل الل اتعينوا و عقبال الباقى و فين على بال ما نضم خدمتنا و نثبت حقوقنا و نحاول نرجع علاواتنا و يوافقوا يضموا لنا الخدمة العامة يا مسهل الحال يارب
مشكلة حضرتك مع الماليه وكلنا فى الهوا سوا
انا خريجة 1997 و مع ذلك معرفتش اخد فرصة غير فى 2009 بعد 12 سنه وكان عمرى اياميها 35 سنه الا شهر يعنى كانت اخر فرصة بالنسبة ليا الولاد اللى اتخرجوا بعدى بسنين اقدم منى و كانوا معينين و انا تعاقد و الحمد لله على كل شئ

[اسامة ببا]

المشاركة الأصلية كتبت بواسطة أبورضوى

يعنى تعيين 2004 اساسيه 334 وتعيين 2014 اساسيه 258 بفارق 76 جنيه يالذمه دى وزاره ودى عداله 10 سنين فرق خبرة وشغل ويبقى فرق الاساسى بين الاتنين بس 76 جنيه والله منتهى العدل والتمييز

انت بتفكرنى بالمثل اللى بيقول حسدوا الغجر على ظل الشجر وحكاية المثل ان فيه ناس اغنياء كانوا راكبين جمال وخيول وماشيين فى الصحراء ورأوا مجموعة مسكينة من الغجر يجلسون تحت الشجر فقالوا يابختهم قاعدين فى الظل ونسوا ان الغجر ليس لهم بيوت مثلهم وانت يااخى تعيين 2004 وزميلك اللى اتعين من ثلاثة سنوات ده خريج سنة 2000واشتغل بالحصة 5سنين وبالعقد6سنين وخلال كل المدة دى كان بلا حقوق ولم تحسب له العلاوات وبعد التعيين تدرج اساسيه الى ان وصل اخيرا بعد العلاوة الجديدة الى 258 فقط ومرتبة الشهر القادم سيكون الف و236جنية تقدر تقول لى مرتبك بعد الزيادة سيكون كام ولا هاتخاف نحسدك على فكرة زميلك اللى كنت بحكي لك عن قصة معاناته هو العبد لله وممكن اكون اكبر منك انا سنى 37 سنة واعمل بالتدريس بالمادرس الحكومية من يوم تخرجى بلا انقطاع من سنة 2000 اظن انك مكسوف من نفسك