ارجوا منكم الرد على استشارتى لمن لديه خبرة للاهمية

[همسات المصريه]

اشكر سيادتك لتوضيح ذلك طيب انا عايزه اسال بخصوص ان البعض يقول لو قدمت طلب نقل فيه المدرسة التى ارغب فى النقل اليها
فهل فى تلك الحالة ايضا يستطيع الموجة نقلى لاى مدرسة اخرى

[حسين صهوان]

طلب النقل يعنى الرغبة فى ترك المدرسة وهذا يعطى الموجه الفرصة لنقلك حسب رغبتك ولكن وهذا المهم حسب العجز فى مدارس الإدارة وهو ما يراه الموجه بحسب عمله وليس بالضرورة حسب رغبتك وهذا حق صريح للموجه لا يتدخل فيه أحد ولا يراجعه فيه أحد

[عمر المنياوى]

المشاركة الأصلية كتبت بواسطة همسات المصريه

اشكر سيادتك لتوضيح ذلك طيب انا عايزه اسال بخصوص ان البعض يقول لو قدمت طلب نقل فيه المدرسة التى ارغب فى النقل اليها
فهل فى تلك الحالة ايضا يستطيع الموجة نقلى لاى مدرسة اخرى

المفروض حضرتك قبل ما تقدمى طلب النقل يكون هناك اتفاق بينك وبين الموجه على المكان
والافضل ان يكون فى واسطة كبيرة اوهدايا اوحسب سكه كل واحد والموضوع يبقى على قد ايدك والمدرسة اللى انتى عاوزاها هتروحيها ومحدش هيتكلم عن القوانين او الزيادة والعجز
اما لو قدمتى الطلب من غير واسطه اكيد هيوزعك على مزاجه وهيتكلم عن القوانين والافضل عدم التقديم

[همسات المصريه]

شكرا لكم لتوضيح الامر لى حتى لا اقع فى فخ التوجيه لان فعلا مفيش مراقب عليه ولو قدمت طلب نقل كما بينتولى حضراتكم سيتم توزيعى فى منفى لانى ماليش واسطة غير ربنا
ولكم خالص شكرى