دفعه ثانويه عامه 2015

[linuxer9]

ياجماعة بلاش الأفكار السلبية دي أنتم حتى لسه مادخلتوش في السنة
وباختم بمقطع حلو على اليوتيوب

www[dot]youtube[dot]com/watch?v=LS03SDk7M30
استبدل [dot] بـ .

[أمــلــي فــ ربنـــا كبيــــر]

المشاركة الأصلية كتبت بواسطة linuxer9

دي نصائح عشان الواحد ما يبقاش قلقان في الامتحان (أنا طبقت أغلبها وفي نصائح تعلمتها بنفسي)

1- أوعا تقرأ الأسئلة كلها، اقرأ السؤال اللي أنت هتجاوبه دلوقتي لأن لو نقطة كانت صعبة شوية هتشغلك عن باقي الإمتحان ومش هتحل كويس
يعني في العربي ابدأ بسؤال التعبير الوظيفي ثم الابداعي أو ممكن تسيبه للأخر لو انت عايز ، لما تدخل على سؤال القصة خد نظرة سريعة على القطعتين واختار الأسهل بعد كده تدخل على سؤال القراءة تعمل نفس الكلام ، وبعدين الصفحة التانية تدخل على سؤال الأدب بتحله وبعدين البلاغة والنصوص والنحو
وكذلك الحال في باقي المواد ، يعني ما تبصش على اسئلة السؤال الجاي أبدًا
وحكاية الوقت اتكلمت عليها

2- في يوم ليلة الامتحان صلي الفروض اللي عليك لأن ده هيعطيك طاقة ايجابية زي ما سمعت عن الدكتور مصطفى محمود

3- أوعا تذاكر المنهج كله ليلة الامتحان لكن ذاكره قبلها عادي ويوم ليلة الامتحان بتذاكر الحاجات اللي انت شايفها صعبة أو بتغلط فيها كتير وأوعا تحل امتحانات تجريبية في ليلة الامتحان لأن ده هيأثر على نفسيتك وياريت ما نعتمدش على التوقعات والكلام ده

4- لما تقابل صحابك أوعا تتكلم معاهم عن المذاكرة أو ما تذاكرش معاهم لأن لكل واحد فينا محصلته وكل واحد معاهم مقدار من الأفكار الصعبة

5- مهم جدا جدا جدا ..أنك تنام بدري وأوعا تعمل زي حد بيصحا للفجر وبيراجع الصبح بدري
واصحا الصبح براحتك لأن الامتحان هيكون الساعة 9 يعني لازم تاخد حقك من النوم (8 ساعات)

6- بعد الامتحان روح على بيتكم على طول وإياك إياك تراجع الامتحان مع حد إذا كان استاذ أو طالب زيك، لأن طبعًا كلنا بنغلط حتى لوغلطة بسيطة ممكن تأثر على نفسيتك للامتحانات الجاية
امال تعمل ايه عشان تتأكد انك حليت صح ؟
أقولك أنا
لما تروح البيت بتجيب ورقة وبتحل الامتحان زي ماحليته في ورقة الاجابة بس باختصار يعني وتخلي الورقة دي معاك لحد ما الامتحانات كلها تخلص ، وبعدين دور على الانترنت على نموذج الاجابة الرسمي بتاع الوزارة أو اسأل مدرس المادة عليه أو ادي الورقة دي للأستاذ وهو هيصححها بنفسه
انا عن نفسي توقعت هجيب 98% قبل ماتظهر النتيجة والحمد لله

المشاركة الأصلية كتبت بواسطة linuxer9

ياجماعة بلاش الأفكار السلبية دي أنتم حتى لسه مادخلتوش في السنة
وباختم بمقطع حلو على اليوتيوب

www[dot]youtube[dot]com/watch?v=ls03sdk7m30
استبدل [dot] بـ .

نصايح جميلة و الفيديو اجمل
جزاك الله كل خير

[Physician future]

المشاركة الأصلية كتبت بواسطة linuxer9

ياجماعة بلاش الأفكار السلبية دي أنتم حتى لسه مادخلتوش في السنة
وباختم بمقطع حلو على اليوتيوب

www[dot]youtube[dot]com/watch?v=ls03sdk7m30
استبدل [dot] بـ .

انا مش عارفة ادخل على الفيديو ممكن تحط اللنك تانى

[أمــلــي فــ ربنـــا كبيــــر]

المشاركة الأصلية كتبت بواسطة $طالبة علم$

انا مش عارفة ادخل على الفيديو ممكن تحط اللنك تانى

اللينك اهو يا سو
https://www.youtube.com/watch?v=LS03SDk7M30

[..Ginger..]

لو سمحتوا انا عندي استفسار
هو انا لازم يبقي عندي ايام فاضية في الاسبوع مفيهاش دروس؟؟
اصل انا معنديش ولا يوم فاضي بس كل الايام درس واحد ما عدا يومين عندي فيهم درسين
والمسافة بين البيت والسنتر لا تتعدي ربع ساعة
وانا كنت بقول لو صحيت بدري هذاكر و بعدين اروح الدرس عادي
ايه رأيكم؟؟