لا للتصحيح ولا للملاحظه هذا العام للحفاظ علي حياتنا

[منار على]

[list][*]كمان حضرتك انا طلعت مراقبه خارجيه 3 مرات وكان اعدادى مش ثانوى مره فيهم كنت هنضرب والمره التانيه خدتلى طوبه فى رجلى وكام شتمه زباله كدا من طالب مترباش اصلا ومره واحد فيهم قالى انه هيجيبلى ميه نار واتهربت اخر يوم من طريق تانى عشان اعرف اخرج بره البلد بسلام ومن غير مشاكل ودول اعدادى مش ثانوى وجوا المدرسه بقى تلاقى رئيس اللجنه ومراقبين الدور وزمايلك كل دا اغلبه ضدك ويابنتى سيبيهم يولعوا ويابنتى حافظى على نفسك ويابنتى كبرى دماغك وكمان اتشد بره اللجنه وعلى ماافتكر ان كان معايا واحده تانيه مش من مدرستى بس منعت طالب انه يتكلم فى الموبايل ولى امر الطالب دا جه قدام المدرسه وشتمها بالعن الشتيمه ومن قله ادبه راح الاداره وكمان اشتكهاها انها بتغشش العيال شفتوا بقى بجاحه كدا وتعتقدوا بعد اللى حصلها دا حد عنده دم وقف معاها او حتى ياخد ليها حق لا خالص كل الناس حاولت تمشى امورها وكله مالوش الا نفسه وبس فيعنى هننتظر ايه غير اللى بيحصلنا دا وتدهور اوضاعنا وتغير نظره المجتمع لينا من الطلبه بتوعنا لحد اللى اعلى مننا ان كنا بنتهاون فى حق بعض ونشوف البعض مننا بيتهان ونقف نتفرج هو انا اه خدتلها حقها ودخلت ولاده الاتنين دور تانى وعن حق لانهم كانوا فاشلين اصلا يعنى مظلمتهمش ولا حاجه لانى ببساطه كنت بقوم بشغلى ومنعت عنهم المعونات الانسانيه اللى دخلت برضه اللجنه بعد مااتشديت منها بره بس الحمد لله ملحقوش ياخدوا حاجه لان فعلا ربنا عادل كمان طبيعى يعنى ان اى حد حصله كل دا واكتر من كدا كمان انه لو طلع تانى يسيبهم يولعوا يعنى النتيجه اننا مش بنكتفى اننا غلط لا وكمان بنخلى غيرنا ينضم لينا ونضغط عليه بكل الطرق والصراحه انا عن نفسى برضه احتمال اسيبهم يولعوا بعد كل اللى حصلى اصلى انا هعمل ايه يعنى قدام نظام اغلبه فاشل اصلا بس انا عموما بحاول على قد مااقدر انى مطلعش مراقبه خارجيه تعرف لو كنا ايد واحده فى الصح كنت هطلع رغم اى شىء لكن للاسف احنا السبب احنا اللى ادينا اولياء الامور والطلبه الحق فى انهم يعتقدوا ان الغش حقهم المكتسب وان المدرس اللى مبيغشش هو الظالم المفترى اللى ضد ولادهم والمؤسف اننا نفسنا اقنعنا نفسنا بكدا يعنى على ماافتكر برضه ان فى مراقبه من المراقبات كان معايا واحد زميلى فى المدرسه واكبر منى سنا كتير واعتقد انى لسه صغيره وهيقدر عليا ولما مقدرش حاول يلبسنى تهمه انى برهب الطلبه وبتعب نفسيتهم ويطلعنى بره اللجان والحمد لله مفيش حد من الطلبه شهد معاه اصلا كمان رئيس اللجنه كان راجل محترم الصراحه وفاهم وطلعه قعده هو على بوابه المدرسه وبعدها برضه حاول يلبسنى تهمه تانيه انى بغشش العيال لما منفعتش الاولانيه لما شافنى نازله دوره الميه وبشيل الكتب اللى هما حاطينها هناك كل دا عشان عاوز يغشش الولاد باصرار والله اعلم ليه بقى الراجل دا حصل معاه موقف حسسنى ان البلد دى لسه فيها ناس كويسه كان رايح يقول لولى امر قدامى انى انا اللى منعته يغشش العيال فى اللجنه اقسم بالله ولى الامر رد عليه وقاله معاها حق انت اصلا كدا بتضيع مجهود ابنى لان ابنى شاطر مش خايب وزميلى دا بقى وشه جاب الوان لانه مع تكرار الغلط بقى عنده هو الصح و كان رايح للراجل ومفكر انه هيشكره طب فى الموقف دا كنت محظوظه لان رئيس اللجنه كان محترم وفاهم وولى الامر كان محترم موقف غيره بقى كان ممكن تتعرض حياتى المهنيه للخطر ودا الغالب للاسف[/list]