التربية والتعليم تقوم بتجريد علاوات المثبتين حديثا أسوة بالأزهر

[عمر المنياوى]

المشاركة الأصلية كتبت بواسطة مصرى من الصميم

ارجع بنفسك لأى محرر مهيات فى أى مدرسة فى التربية والتعليم و اسئله عن الموضوع ده هيقلك أن فعلا جالهم منشور بتجريد العلاوات من مرتب شهر 7 وحرروا شهر 7 على المجرد واسئلو عن الأساسى الجديد بتاع 7 هيقلك 258 ج

ارجو من حضرتك التوضيح هل المنشور الخاص بتخفيض العلاوات صادر من وزارة التربية ام من التنظيم والادارة
وهل هذا المنشور خاص بمحافظة معينة ام انه مرسل لجميع المحافظات التى لم تخفض العلاوات
شكرا لحضرتك وجزاكم الله خيرا

[الأستاذ عصام]

المشاركة الأصلية كتبت بواسطة مظلومين من الازهر

ياجماعة خلينا رجالة مرة واحدة فى حياتنا خلينا كلنا نقف وقفة واحدة لازم نعمل اضراب وماحدش يقولى اخوان لانى زهقت من النغمة الهم ديه
والله الاضراب هو اللى حايجيبلنا حقنا مع البلد الظالمة ديه

إضراب
ههههههههههههههههههههه
الكل بيخاف

[ادم ياسر]

لا اله الا انت سبحانك انى كنت من الظالمين

[math_010]

السلام عليكم ورحمة الله وبركاته
بغض النظر عن الموضوع محل النقاش نرجو تعديل الخطأ فى عنوان الموضوع

[مصرى من الصميم]

المشاركة الأصلية كتبت بواسطة math_010

السلام عليكم ورحمة الله وبركاته
بغض النظر عن الموضوع محل النقاش نرجو تعديل الخطأ فى عنوان الموضوع

آسف على الخطأ فى العنوان فى كلمة (أسوة) أنا حاولت تعديله لكن كلمة تعديل غير موجودة

[مصرى من الصميم]

المشاركة الأصلية كتبت بواسطة عمر المنياوى

ارجو من حضرتك التوضيح هل المنشور الخاص بتخفيض العلاوات صادر من وزارة التربية ام من التنظيم والادارة
وهل هذا المنشور خاص بمحافظة معينة ام انه مرسل لجميع المحافظات التى لم تخفض العلاوات
شكرا لحضرتك وجزاكم الله خيرا

أنا من محافظة قنا وشوفت المنشور ده فى المدارس الموجودة فى قنا
مش عارف باقى المحافظات نظامها إيه
هحاول أصور المنشور و أرفعه للمنتدى

[عبدو عصر]

المشاركة الأصلية كتبت بواسطة الحق ضاع

نفسى نبقى رجالة وندافع عن حقنا زى الرجاله قبل ما ييجى وقت نبكى عله زى الستات
.... اصحو يا معلمين الازهر ويا معلمين التربية والتعليم .. حقنا بيضيع ..يعنى ايه علاوتى تبقى على المجرد وانا كنت موظف فى نفس السنة .... وزميلى اللى على الدرجة الرابعة فى اى مصلحة اخرى يبقى على الثانية ... يعنى اية صاحبى اساسيه 315 وانا نفس التعيين والاساسى 270 وهو العام القادم هيزيد وانا زى ما انا.. اقولكم يعنى اية..... اسمعوا ودى اخر فرصة لينا..............................بتوع الازهر ... بتوع التربية والتعليم ..... اعتقد انكم عندكم علم انه فيه امتحانات جاية اسمها امتحانات الدور الثانى .... ودى فرصتنا اشرح اكتر ولا انتوا فاهمين
..... فاكرين لما الشرطة مطبقش عليها الحد الادنى عملوا ايه ... فاكرين بتوع البريد عملوا
فاكرين بتوع الصحه عملوا ايه ... اقسم بالله هوه يوم واحد اضراب عن الامتحانات كل مطالبكم تتحقق .... ولو عدت فرصة الامتحانات مش عاوز اسمع صوت ولا اشوف كلمة شكوى ..........
............ عاوز اشوف رد الرجال معانا ولا ناموا ..... نقول كمان ولا كفاية كدة اظن كفاية...سلام

أسمعت لو ناديت حياً ولكن لا حياة لمن تنادي
أتفق معاك وبشدة ،،،، تقبل تحياتي

[عمر المنياوى]

المشاركة الأصلية كتبت بواسطة مصرى من الصميم

أنا من محافظة قنا وشوفت المنشور ده فى المدارس الموجودة فى قنا
مش عارف باقى المحافظات نظامها إيه
هحاول أصور المنشور و أرفعه للمنتدى

شكرا لحضرتك على الاهتمام والرد وجزاكم الله خيرا

[احمد السيد التونى]

جزاكم الله خيرا

[adel elshamy]

]قامت وزارة التربية والتعليم بحساب علاوتى 2008 و 2009 على المجرد للمثبتين حديثا بوزارة التربية والتعليم حيث أصبحت علاوة 2008 (14.40) بدلا من( 43 ) جنية وعلاوة 2009 (4.80 )وبذلك يصبح أساسى المعلم تعيين 2008 والذى تم تثبيتة فى 1/3/2011 (258 )جنية فى 1/7/2014 والمرتب الشامل
( 1240 )جنية
و أنا رأيت استمارة المرتب بنفسى من محرر المهيات بالمدرسة [/quote]

لانرضى للطالب أن يُخطئ إملائيا ونلومه على ذلك فكيف بمعلمه أن يُخطئ إملائيا ( المهيات) والصواب(الماهيات) فكيف نستطيع أن نصحح للطالب ونحن لانهتم بما نكتب
فكما نطالب بحقوقنا يجب أن نهتم بعملنا
ملحوظة : ليس في هذا إهانة لأحد ولكنه رغبة في الوصول للأفضل إن لم يكن الكمال للمعلمين (هذا ما أردته من هذه الملاحظة)

[adel elshamy]

المشاركة الأصلية كتبت بواسطة عبدو عصر

أسمعت لو ناديت حياً ولكن لا حياة لمن تنادي
أتفق معاك وبشدة ،،،، تقبل تحياتي

لايمكن أن يكون هذا أسلوب معلم وطريقة حديث يتحدث بها معلم أبدا لو كان كذلك فعلى التعليم السلام ألفاظ عامية دارجة تصل إلى لغة العامة في الشوارع
لايمكن أن نزل بلغتنا العربية إلى هذه الدرجة
فاللغة العربية هي أساس التحضر والتقدم وإهمالها بهذه الدرجة مصيبة عظمى تفوق مايقوم به اليهود في غزة

[عمر المنياوى]

المشاركة الأصلية كتبت بواسطة adel elshamy

]قامت وزارة التربية والتعليم بحساب علاوتى 2008 و 2009 على المجرد للمثبتين حديثا بوزارة التربية والتعليم حيث أصبحت علاوة 2008 (14.40) بدلا من( 43 ) جنية وعلاوة 2009 (4.80 )وبذلك يصبح أساسى المعلم تعيين 2008 والذى تم تثبيتة فى 1/3/2011 (258 )جنية فى 1/7/2014 والمرتب الشامل
( 1240 )جنية
و أنا رأيت استمارة المرتب بنفسى من محرر المهيات بالمدرسة

لانرضى للطالب أن يُخطئ إملائيا ونلومه على ذلك فكيف بمعلمه أن يُخطئ إملائيا ( المهيات) والصواب(الماهيات) فكيف نستطيع أن نصحح للطالب ونحن لانهتم بما نكتب
فكما نطالب بحقوقنا يجب أن نهتم بعملنا
ملحوظة : ليس في هذا إهانة لأحد ولكنه رغبة في الوصول للأفضل إن لم يكن الكمال للمعلمين (هذا ما أردته من هذه الملاحظة)[/quote]
الاخ الفاضل ..يجب ان تلتمس لاخيك العذر فربما مع السرعة فى الكتابة قد حدث الخطا وجل من لا يسهو
وشكرا لحضرتك

[خالد عطي]

سبحان الله حتي بتجريد العلاوات مرتبهم أعلي من مرتبنا فأنا تعاقد 2006 وتثبيت 29/9/2011 واساسي المرتب في
1/7/2013 كان 260.20 وكان المرتب الشامل 1224 فأين المنطق بالله عليكم يعني الاساسي اكبر منهم والشامل خاصتهم أكبر غير الضم المزيف الذين تعرفونه طبعا والذي يعد حبر علي ورق اللهم عليك بالظالمين وحسبنا الله ونعم الوكيل

[عبدو عصر]

المشاركة الأصلية كتبت بواسطة adel elshamy

لايمكن أن يكون هذا أسلوب معلم وطريقة حديث يتحدث بها معلم أبدا لو كان كذلك فعلى التعليم السلام ألفاظ عامية دارجة تصل إلى لغة العامة في الشوارع
لايمكن أن نزل بلغتنا العربية إلى هذه الدرجة
فاللغة العربية هي أساس التحضر والتقدم وإهمالها بهذه الدرجة مصيبة عظمى تفوق مايقوم به اليهود في غزة

إنت تقصدني أنا يا أخ إنت بالكلام دا ،،،، هي اللغة اللي أنا تحدثت بها فيها أي غلط ؟؟؟
مطلوب منك رد علي وجه السرعة علشان أنا ليا رد بعدين

[قطر الندى]

المشاركة الأصلية كتبت بواسطة مصرى من الصميم

ارجع بنفسك لأى محرر مهيات فى أى مدرسة فى التربية والتعليم و اسئله عن الموضوع ده هيقلك أن فعلا جالهم منشور بتجريد العلاوات من مرتب شهر 7 وحرروا شهر 7 على المجرد واسئلو عن الأساسى الجديد بتاع 7 هيقلك 258 ج

رجعت أول ما قرات كلامك لأختى وهى كانت تعاقد 2006 و اتثبتت 2011 واتصلت عليها وقلتلها هو مرتبك زاد فى قبض 7 ولا لأ ؟ ردت وقالت لأ زاد حوالى 53 جنيه يعنى مرتبها أصبح 1700 بزياده عن مرتبى أنا المعينه 2005 أى قبلها بسنه و اتثبت زيها فى 2011 وانضملى المده بحوالى 500 جنيه فين بقى تجريد العلاوات اللى انت بتقول عليه؟