الملل ده لازم هيحس بيه أي طالب بدأ بحماس زائد عن اللزوم ، و عشان كده أنا بنصحك عن تجربة و الحمد لله ربنا وفقني و دخلت طب ، أهم حاجة التوكل على الله و الاستعانة بيه ،و إخلاص العمل لله ، و بعد كده المذاكرة أول بأول اوعي تراكمي حاجة عليكي لأن ده في الحقيقة هو اللي بيسبب الاحباط و الاكتئاب ، و ابدئي السنة بجد بس غير مجاوز للحد بمعنى مثلا مش صح إنك تجيبي في بداية الدراسة كتب كتير اوي لكل مادة و تحلي فيهم و ما تركزيش على المذاكرة ، الوقت اللي انت فيه دلوقتي اللي هو اول 5 او 6 شهور مثلا وقت مذاكرة مش وقت حل و ما تسمعيش لكلام المدرسين اللي بيقولولك حلي كتير ، انا بقوللك دلوقتي ذاكري كتير و حلي كتاب او اتنين في كل مادة بس و تابعي مع مدرسك عشان لما تيجي تراجعي بعد ما تخلصي المناهج تلاقي المراجعة مفيش منها ادنى صعوبة لانك اديتي المذاكرة حقها ، و بالتالي تقدري في المراجعة تحلي كتير عن وعي لأنك مشيتي صح ، وطبيعي انك هتحسي ببعض الملل بسبب الروتين اليومي المعتاد بس بجد لو بدأتي صح و خدتي بنصيحتي و نظمتي وقتك و خليتي كل حاجة لوقتها هتقدري تتميزي و تحققي اللي انت عاوزاه ، و لو في أي استفسار انا تحت امرك .
22-08-2014, 04:59 PM
العرض المتطور
