وزير التربية والتعليم: الرئيس قال أول موارد ستكون من نصيب المُعلمين

[اروع كلام]

المشاركة الأصلية كتبت بواسطة محمـد الشيخ على

قال الدكتور محمود أبو النصر، وزير التربية والتعليم، إن معظم معلمى مصر من أروع ما يمكن، والوزارة مهتمة بهم وتقوم بتدريبهم على المناهج الجديدة وطرق التدريس الفعالة، مضيفاً: "الرئيس قال لى إن أول موارد ستكون للتربية والتعليم وأول فئة هتاخد هى المُعلم وإن شاء الله هنحقق كل اللى هما بيفكروا فيه بالتدريج بس لازم يراعوا ظروف البلد". وأضاف خلال حواره مع الإعلامى عمرو عبد الحميد مقدم برنامج الحياة اليوم المذاع على قناة الحياة، أن الدروس الخصوصية موجودة فى جميع دول العالم ولكن فى مصر الظاهرة متزايدة، معترفاً بأن سبب انتشار "الدروس الخصوصية" فى البلاد هو "أن الطالب مش بيلاقى اللى هو عايزه فى المدرسة".

الدمعه كانت هتفر من عينى وانا بتخيل نفسى سامع سعادتك وانت بتقول (إن معظم معلمى مصر من أروع ما يمكن )،
لكن بصراحة بقية كلامك ( ان الوزارة مهتمة بهم وتقوم بتدريبهم على المناهج الجديدة وطرق التدريس الفعالة) بيحسسنى ان معاليك رئيس عصابه لانك عارف ان التدريب و الاونطه و المناهج و الهجايص دى كلها باب رزق " سبوبه" لرجالة معاليك لانه فعليا لا فيه تدريب ولا فيه مناهج ولا فيه طالب أساسا خصوصا و باعتراف سعادتك ان سعادتك بتقول الطالب بياخد دروس خصوصيه عشان مش بيلاقى الى هو عاوزه في المدرسه يعنى سعادتك بتقر و تعترف ان مافيش طالب أساسا في المدرسة و لا محتاج للمدرسة في حاجه، يبقى على ايه التدريب والهجايص دى ؟؟؟؟؟؟؟؟؟ طيب بتدرب المدرسن لمين ؟؟؟؟؟ عشان مستواهم يتقدم في الدروس الخصوصية ؟؟؟
طيب سعادتك طالما الطالب مش بيلاقى الى هو عاوزه في المدرسة ممكن نزرع في كل مدرسة شوية شجر حلو كده و مخضر ومرعرع و نجيب لكل طالب 2 ليمون ( عشان يقعد مع نفسه شويه يشرب الليمون تحت الشجرة)
سعادتك نسيت ان انت الوزير يا زير يعنى انت الى المفروض توفر للطالب الحاجه الى مش بيلاقيها دلوقتى في المدرسة و بكده لما يلاقى الحاجه دى في المدرسة حنقضى على الدروس الخصوصية بفضل فكر سعادتك المستنير
امال سعادتك بتقبض و عامل فيها وزير على ايه ؟؟؟؟؟؟ مش ده شغلك برضو ولا ايه؟؟؟؟
شجره هنا بسرعه يابنى واتنين ليمون للطالب وصلحه
حمرا سعادتك ............... كاسات الليمون الى حنجيبها للطالب اكيد حتكون حمرا سعادتك
تشرب حاجه سعادتك ؟؟؟؟؟ اجيب لك اتنبن ليمون في كاسات ..... حمرا سعادتك؟؟؟؟؟