هتراجع ؟! , طب ازاى ...؟

[Only Forward]

السلام عليكم
دلوقتى معانا المادة اللى اغلبية الطلاب بيعانوا منها
الجيولوجيا و العلوم البيئية
مش هنرغى كتير ف علوم البيئة دى سهل عن الكل
محتاجه حفظ و تترتب ع هيئة اسئلة و حل بقي
كمان صغيرة و تحسها بتخلص بسرعه
ندخل بقي ف المفيد
الكل او المعظم اكيد سمع راى اللى قبليه
دى مادة وحشة و عندك الصخوووور
تحس كده كانها حاجة كبيرة كده ومش هتقدر عليها
خصوصا بقي لو مدّ ف الكلمة
احب اقولكم انهم بيضحكوا عليكم
دى مادة كويسة جدااااا و سهل تجيب فيها ٦٠ من ٦٠
اهم حاجة تذاكرها باتقان و عنايه
اطول فصل فيها الفصل التانى بتاع التعرية لكنه سهل
هتقول ايه اصعب فصل ؟
هقول مفيش ، الصعب بيبقي سهل لو ذاكرته بهدوء كده
نجي بقي لطريقة المراجعه
اكيد شفتوا الامتحان بتاعنا بتاع السنه اللى فاتت
امتحان كان معظمه سهل ، ( كلمة ف سركم العبد لله دخله شاف فيه سؤال اول مرة يشوفه بس حله الحمد لله )
بركة دعاء الوالدين بقي
اول حاجة بتقرأ الدرس و تحاول تلمه ف دماغك
ممكن حد يستغرب و يقول ايه فايدة القراءة دى ؟!!
هقول دى مهمة جدااا و مفيدة لو كانت من كتاب المدرسة
نكمل بقي ، بتذاكر الجزئية ع شكل علل ، و اذكر السبب ،و النتائج
و مقارنات و تكمله الرسم او الرسم نفسه زى ما اتكلمنا عنه
دى نقاط عامه ف كل فصل
نتكلم بقي تفصيلياً ، الباب الاول ركز ع اللى قولته فوق
التانى نفس النظام و اهتم جداااا بالتعريفات و دى ف كل فصل طبعا
و المقارنات بقي
المعادن ده اصغر و اسهل فصل ف المنهج كامل
هتعرف كل الخصائص و الامثله
خلصت تجمع بقي كل عنصر بالخصائص بتاعته
عشان دى هتفيدك ف اسئلة المتاحف و تعرف ع العنصر
عندك الباب الرابع مهم جدااا بالصخور اللى فيه و مقارانتها
لطيف اوى الفصل ده ، اعرف الانسجة و مراحل تكوين الصخور
و الدورة الصخور وكل حاجة بقي
هنا ده بيلعب فيه ف اسئلة المتحف و تعرف و النوعيه دى
الخامس مش اعرف عنه حاجة، مش درسته اصلا
بس ربنا معاكم فيه

اظن كده غطينا معظم اجزاء المنهج و
بكرر برضه لو نسيت حاجة ابقوا قولوا