Your Guide

[Dr.Mohamed Sabry]

تاني شهر أجازة

هقول نفس البداية ، اتخلص من كل حاجة سلبية في حياتك وصدقني لو معملتش كدا هيجيلك وقت في السنة نفسها تندم جدا إنك متوقفتش كل حاجة غلط بتعملها ، ممكن عموما في الأجازة تقعد مع نفسك ساعة يوميا - بدون موبايل ولا نت ولا غيره .. صفي حساباتك مع نفسك ، صدقني لو عملتها أكتر من مرة هيبقي عندك صفاء ذهني عالي وقوة تركيز وذكاء ممتاز ..

بخصوص الدراسة ؛ انت مش مجبر إنك تذاكر ، لكن لو مُصِّر قدامك الآتي :
- راجع النحو اللي انت أخدته كل اللي فات ولو كل يوم 3 دروس ( مش هيستغرقوا ساعة ) .
- اقرأ في قصة الإنجليزي كل يوم فصل ( مش هيستغرق ساعة ) .
- احفظ كلمات انجليزي كل يوم 60 كلمة ( مش هيستغرقوا ساعة ، في خلال الشهر هتكون خلصت 1800 كلمة ) .
- اسمع أفلام وثائقية عن الفيزياء وقوانين فاراداي .
- اقرأ كل يوم فصلين قصة عربي ، قراءة عابرة هدفها الفهم بس ( مش هيستغرق نص ساعة ) .

إن شاء الله إن عملت الحاجات دي هتدخل السنة مطمئن جدا ، وحالتك النفسية كويسة وإن شاء الله معنوياتك مرتفعة ..



يُستكمل إن شاء الله