المعلم والطالب اون لاين (( ضع سؤالك وبإذن الله تجد الإجابة ))

[mamano1]

المشاركة الأصلية كتبت بواسطة أبوبسملة ياسر خليفة الطحاوى

النعت الجملة بسيطة خالص

امش على نفس الطريقة اللى هكتبها هترتاج جداااااااااااااا


1- نكرة + فعل = الفعل : نعت جملة فعلية

مثال

حضر ولد يبتسم

كلمة ولد نكرة

ويبتسم فعل

تصبح كلمة يبتسم نعت جملة فعلية

يا رب تكون دى سهلة


الثانية

نكرة + أداة نفى + فعل = أداة النفى والفعل نعت جملة فعلية

مثال

اقبلت فتاة لا تهمل درسها

فتاه نكرة

لا تهمل ( فعل وقبلها أداة نفى ) هى نعت جملة فعلية

3- الطريقة الثالثة

نكرة + لا نافية للجنــــــس= لا النافية للجنـــــس واسمها وخبرها نعت جملة اسمية

مثال

هذا امتحان لا مثيل له

كلمة امتحان نكرة

لا : نافية للجنــــــس

إذن لا مثيل له هى نعت جملة اسمية

4 - نكرة + كلمة بها ضمير + كلمة تكمل المعنى

يعنى 3 كلمات متتالية بدون ال

واللى فى الوسط بها ضمير

يبقى اللى فيها ضمير وما بعدها نعت جمله اسمية

أشتريت كتابا موضوعه سهل

فين النعت بقى ؟؟

موضوعه سهل

يا رب يكون واضح


طيب لو سألك وقال اين الرابط

سهلة جدا

لو النعت جملة فعلية هيكون الرابط ضمير ممكن بارز لو الفعل من الافعال الخمسة اوممكن مستتر لو الفعل فى حالة الافراد

أما لو النعت جملة اسميه سيكون الرابط الضمير البارز فى الكلمة الأولى

أما الحال الجملة

1- معرفة (( تكون فاعل او مفعول به )) + فعل = الفعل حال جملة فعلية

حضر الطالب يجري
الطالب معرفة وهى فاعل
يجري فعل
إذن يجري : حال جملة فعلية


رأيت الطالب يجرى
الطالب معرفة و هى مفعول به
يجري فعل
إذن يجري حال جملة فعلية

----------------------------


لو الحال جملة اسمية

(( معرفة )) تكون فاعل او مفعول به + كلمتان
الاولى بها ضمير
أو الاولى قبلها واو
أو الاولى ضمير وقبلها واو

تكون الكلمة الاولى مبتدأ والثانية خبر والجملة الاسمية فى محل نصب حال

مثال

حضر الطالب أخلاقه مهذبه

الطالب معرفه وهى فاعل
أخلاقه مهذبه كلمتان
الاولى بها ضمير
اذن الاولى مبتدأ والثانية خبر والجملة الاسمية حال


أقبل الطالب والمطر نازل

الطالب معرفة وهى فاعل
المطر نازل جملة اسمية كاملة سبقت بالواو
هنا الواو تسمى واو الحال وبعدها جملة اسميه فى محل نصب حال

رأيت الطالب وهو مسرور

الطالب معرفة وهى مفعول به

بعدها كلمتان الاولى ضمير وقبلها واو
اذن الواو واو الحال
الجملة بعدها مبتدا وخبر
الجمله كلها فى محل نصب حال

استاذي الغالي الي لحقني بعد ربنا سبحانه و تعالى والله لولا فضل الله تعالي فحضرتك ما كنت حليت والله انا و انا بحل الامتحان النهاردة شايف كلام حضرتك قدامي و الحمد لله عرفت استخرج الاتنين صح بحمد الله