اخباركم بعد الامتحان ( نصائح عامه )

[عبد المقصود مصطفى]

المشاركة الأصلية كتبت بواسطة smsmzeros

المسلسل السنوى او الثانوي
امتحان ناس تقول صعب وناس سهل
تسربت امتحان و غش
فالشاطرين حاسين ان مجهودهم ضاع و انهم اتساوو بغيرهم
ناس شاطرة اتوترت وغلطت ف حاجات هايفة تقريبا ال بيحصل كل سنة مع كل الناس
بس افتكرو "إن الله لا يضيع أجر من أحسن عملا "ده وعد ربنا ..شاكك فيه ؟
و ال بيغشوا و بتاع ..لو غشوا سؤال مش هيغشو التانى و لو غشوا ف امتحان مش هيعرفوا ف ال بعده و ربنا مبيباركش والله ف الغش ده و عن تجارب شفتها والله ال بيغش مبيفلحش و لو فلح ودخل كلية هيشيل مواد او سنين كمان ف الكلية و هيخلصها ف اواخر الخمسينات من عمره و هتبقى الكلية دي عقابه اصلا ..
ال فات مااات متفكروووش حليت كويس الحمدلله ..
حليت وحش الحمدلله ال كسب مكسبش كتير و ال خسر مخسرش كتير ال جاي اكبر واهم
انا رجعت اعيط من امتحان .. ومنقصتش فيه ف الاخر بس نقصت ف ال بعده عشان ضيعت وقت ف الندم ع ال فات انت مطالب بالسعى بسسسس و النتيجة والتوفيق من الله الحكيم ال فاهم اكتر منى ومنك ايه الانفع ليك...متفكرررش كتير ..انسى ال فات .. متفكرش ف النتيجة لانها مش بايدك ولا بايد ال بيحط الامتحان ولا بايد ال بيصحح
بايد ربنا بس"و اعلم أن الأمة لو اجتمعت على أن ينفعوك بشيء لـم ينفعـوك إلا بشيء قـد كتبـه الله لك ، وإن اجتمعوا على أن يضرّوك بشيء لم يضرّوك إلا بشيء قد كتبه الله عليك ، رُفعت الأقلام وجفّت الصحف"ربنا يريح قلوبكم و يرضيكم
متيأسوش ...توكلوا ع الله


heba منقول عن

جزاك الله كل خير على الموضوع الجميل دا فعلا اللى بيحصل
ربنا يسترها