اقتباس:
المشاركة الأصلية كتبت بواسطة ..ginger..
والله حاجة عادية جدا وبتحصل كتير
الأول انت نفسك تبقي مهندس ولا دكتور؟ (كمثال يعني)
تخيل نفسك بعد 10 سنين وشوف تحب شغلك يبقي ايه
كل حاجة ليها مميزات وعيوب
علمي علوم:
المميزات: مش هتجيلك حاجة غريبة في الامتحان (كله انت شوفته اثناء داستك للمنهج) - الوقت هتعرف تقسمه كويس (صحابي بتوع علمي رياضة كان اغلب وقتهم مذاكرة رياضة) انت بقي ممكن تزود وقت للفيزياء او اي مادة تانية
العيوب: محتاج تجيب مجموع كبير عشان تلحق كلية قمة (كما يطلق عليها يعني) - محتاجة حفظ (الجيولوجيا اكتر من الاحياء)
علمي رياضة:
المميزات: مجموعك مش لازم يبقي ضارب في السما (المرحلة الاولي السنة دي واخدة من 93.5%) - بتعتمد علي الفهم
العيوب: اغلب وقتك هتبقي بتحل رياضة (لأن الرياضة عليها 120 درجة بكل فروعها ) - ممكن (او شبه اكيد) هتجيلك في الامتحان مسئلة اول مرة تشوفها - هتمتحن اكتر من علمي علوم وادبي ( لأن الرياضة 4 امتحانات لكن في علوم الاحياء امتحان والجيولوجيا امتحان)
شوف انت بتحب ايه اكتر
لو انت شاطر في الرياضة .. ادخل علمي رياضة وان شاء الله لما تشوف المسئلة اللي اول مرة تشوفها في الامتحان هتعرف تحلها
لو بتحب الاحياء ودراسة جسم الانسان والارض .. ادخل علمي علوم واجتهد وهتجيب مجموع باذن الله (الاحياء في تالتة جزء الانسان هو الغالب علي عكس تانية ثانوي)
بس انا من رأيي متحطش حوار المجموع بتاع المرحلة الاولي ده في دماغك .. لأنك لو فكرت فيه اما هتقول هتريح او هتوتر نفسك
ربنا مش بيضيع تعب حد واخر السنة هتلاقي درجاتك في اي مادة علي اد تعبك فيها (ده كان كلام دكتورة هنا غلي المنتدي اسمها lally adel وانا بأكد عليه وبقول انه صح مليون في الميه)
|
شكرا جدا لحضرتك محدش يقدر يزود حاجه ع كلامك ده المضمون كله
30-07-2015, 11:57 AM
العرض المتطور
