مستشارك القانونـى

[منار على]

حضرتك انا تعاقدت العام السابق مع سلطنه عمان وخدت اجازه لمده عام ولما رجعت موجهى العام ودانى 3 ايام مدرستى الاصلية و2 يوم مدرسه بعيده عنى 3 مواصلات فى اداره مختلفة ودا نفس الوضع اللى كان قبل سفرى بس لسه منفذتش والنشره لم تصدر بعد وبصراحه مش ناوية انفذ حتى لو اتحولت للتحقيق ودا لسببين اولهم ان معايا فى المدرسه اتنين احدث منى من حيث تاريخ التعيين والتعاقد باكثر من اربع سنوات وتالته فى مدرسه مجاوره ليه وتاريخ تعاقد التلاته 1-4-2012 واتثبتوا لسه السنه اللى فاتت وانا تعاقد 1-2-2007 وتثبيت 1-3-2010 بضم سنه الخدمه العامه يعنى انا مثبته اصلا قبل تعاقدهم واللى يضايق بقى اكتر ان موجهى ندبهم 3 ايام لبلدهم مع العلم ان بلدى بينهم وبينها مواصله والمدرسه اللى ندبنى ليها موجهى العام هما اقرب منى كتير ليها يعنى انا فضلت اعانى 5 سنين فى اداره بعيده وحاولت كتير اتنقل وكل شويه موجهى العام يقولى لما تيجى تعيينات جديده ولما جت التعيينات عينهم هما فى بلدى كلى وجابنى انا الاقدم منهم 5 سنين بلدى 3 ايام وخلانى افضل يومين فى ادارتى البعيده قبل مااسافر ودلوقتى جاى يريحهم اكتر وياخدهم 3 ايام بلدهم ويرجعنى انا تانى يومين برضه ادارتى البعيده دلوقتى حضرتك لو طلعت النشره ومنفذتش وكتبت وذلك لوجود الاقرب والاحدث من حيث تاريخ التعيين والتعاقد هل هتحول للتحقيق ؟واعمل ايه فى وضع كدا وتانى حاجه لو اجبرت انى انفذ ياترى ممكن اعمل ايه او اشتكى فين واكتب ايه فى شكوتى دى بالاضافه لانى سمعت ان اللى راجع من اجازه للعمل بالخارج يعتبر جديد ممكن يوزعوه فى اى مكان بس معنى دا انهم يحدفوه تانى فى مكان بعيد كمان سمعت ان الكلام دا مينطبقش على اللى واخدين اجازه لمده عام واحد فقط فايهما اصح وهل من حقى احتج على وضع زى دا كان المفروض احتج عليه من سنين ولا لا