تجمع الصف الثاني الثانوي(اسئله واجوبه)

[natsome]

المشاركة الأصلية كتبت بواسطة white jasmine

ثانيا انا كنت طول فترة اعدادى مجتهدة وبطع من الاوائل بس فى اول 1 ثانوى تعبت شوية وكسلت دراسيا وتقريبا مكنتش بروح المدرسة اصلا فمبقاش عندى حتة الشغف والاجتهاد ولما رجعت تانى تقريبا كانت خلايا مخى وقفت بقيت بحفظ بصعوبة جدا وكذلك الفهم بس عادى كله بامر ربنا وانا هستعين بالله وكله خير ان شاء الله وشكرا ع اهتمامك

معلش انا فهمت غلط . انا بحاول احللك بعض المشاكل الى انتى كتباهم على اد ما فهمت منك .ودى مش مشاكلك لوحدك انتى ممكن متتقبليش منى النصايح اكمننا بنفس العمر ونفس الخبرة بس دا عايد عليكى . اول حاجة مفيش مقارنة بين اعدادى والثانوى من حيث التفوق الا اذا كنتى مستمرة على التقوق يبقى كلام تانى
ايه هو سبب الكسل بتاعك مثلا احباط او غرور . ودى صفة فيا اخويا الصغير بيناديلى بمغرورة على طول ومتكبرة معرفش هو شايفنى كدة ليه .
وانا مش عارفة اتخلص من الصفة الوحشة دى . دا هو سبب كسلى الثقة زايدة مبتكنش حلوة . فهو دا بيمنعك من المذاكرة او بمعنى اصح بتكونى عايزة تذاكرى ومكسلة بنفس الوقت . ولو عملنا الامور بالعكس هتلاقى الكسل عكسوه الطموح يعنى خليكى انسانة طموحة ان شاء الله . يعنى ايه خلايا مخك وقفت . وقفت عن ايه بالضبط . معرفش ان كانت خلايا المخ قابلة للتجدد ولا لا قولى انتى انا مختش احياء لسة . اول حاجة الى بتقوليه دا وهم يعنى بنحاول ننقنع نفسنا ان احنا مش هنقدر نحفظ دى مش مشكلتك لوحدك دى مشكلة معظم الطلبة . هما بيقنعو نفسهم انى هما مبيعرفوش يحفظو بمجرد مذاكرة الدرس مرة واحدة فقط وفى ناس تانية بتقرا الدرس بسودا غلط كبير . واما بيقو يسترجعوا الى حفظوا بعد فترة ميقلوش نفسهم فاكرين حاجة والعيب من عندهم هما . فلو قلنا علاج النسيان وهو عكس الانقطاع عن التذكر وهو المراجعة المستمرة والاستذكار . وطبعا احنا مش هنضحك على بعض هنراجع ازاى والدروس الى اد كدة لسة متذاكرتش فا دى مشكلتك ونظمى وقتك كويس. والاستعانة بربنا دى اهم حاجة من الى قلتهم وربنا بيقلك خدى بالاسباب اسباب تفوقك يعنى عملتى ايه عشان تستحقى التفوق . انا رخمة صح؟