دفعة ثانوية عامة 2016

[ران نيتشان]

المشاركة الأصلية كتبت بواسطة mohamed_hamza

انا بقول تكمل مع نفسك، الفترة دي محتاج تكون فيها مع نفسك اكتر،
انت عارف نفسك اكتر من المدرس، عارف ايه اللي ناقصك ومحتاج تركز عليه وتثبته وتديله اهتمام اكبر في المراجعة وايه اللي انت حافظه كويس ومحتاج مراجعة بسيطة، اما المدرس مش بيفرق بين الاتنين دول، ثانيا الدرس هيضيع منك وقت جامد سواء وقت الحصة نفسه اللي بيشرح فيه حاجات انت عارفها اصلا او وقت واجب الدرس آللي بتحل فيه حاجات مش مستاهلة حل او الوقت اللي المدرس بيرغي فيه اثناء الحصة، او.... وانت ممكن تستغل الوقت دا في مراجعة حاجة من اللي انت عايز تثبتهم وتركز عليهم بدل ماتضيعه ع الفاضي.
سادسا ايه دا؟ هيراجع مرة واحدة بس و هيراجع على شهرين ليه يعني وبعدين هيحل امتحانات في الاخر خالص كدا ليه ما يبدأ معاكوا من دلوقتي ويحل مع المراجعة آيه المشكلة فكدا
دا لو قاصد يوتركوا مش هيعمل كدا، الامتحانات دي هيا اللي هتخليك مطمن للمنهج ومش هتحس انك لميته غير بالامتحانات الشاملة دي ، فانتوا بالطريقة دي هتسيبوا الفصل التامن دا شهرين لحد اخر خمسة وعلى ما توصلوا للفصل دا اصلا هتكونوا ناسيين اول المنهج وهوب هتلاقوه بيقولكم حلوا امتحانات وانتوا ناسيين كدا، و امتحان العربي فاضله اسبوعين، وهتتوتروا ولو اتوترتوا في الوقت دا يبقى عليه العوض في السنة كلها...
ثامنا انت خليك مع نفسك، حط جدول وامشي عليه، التزم بيه كويس، قسم فيه المواد ع الوقت اللي عندك في اليوم، ذاكر وليكن 4 مواد في اليوم دا لو انت هتعيش مع نفسك يعني، ادي كل مادة حقها يعني متعملش عدد ساعات مذاكرة العربي زي الفرنش مثلا، أعمل لنفسك نظام للمراجعة بحيث وأنت بتراجع تحل امتحانات بردو، تاخد الاتنين مع بعض، حدد كل حاجة في الجدول دا ماتسبش حاجة للظروف
انت مع نفسك تقدر تنجز أكتر من الدرس بعشرين مرة، احسن من ناس بيروحوا الدروس وسايبين للمدرس دماغهم يشكّلها زي ماهو عايز، فاكرين المدرس دا المنقذ مثلا، وبيصدقوا كلامه حتى لو كان غلط.
بص م الاخر انت تقعد مع نفسك، وماتحسش بالذنب ان الناس بتاخد دروس وأنت لا، سيبك منهم أصلا وخليك في نفسك.
يا اما لو مضطر تاخد دروس، روح لواحد غير دا عشان دا انت عارف كل المعلومات اللي عنده من خلال شرحه طول السنة، هيعيد ويزيد فيها تاني أثناء المراجعة مش هيضيف جديد يعني، فأنت روح لواحد تاني عشان تكتسب خبرة اكتر، واكيد الواحد التاني دا هيكون نظام مراجعته احسن من نظام صاحبنا اللي انت معاه دا، دا لو انت مضطر يعني وتبع الجماعة اللي مبتقدرش تعيش من غير درس
بس انا بفضل طبعا انك تقعد مع نفسك تخطط للشهرين الباقيين دول على هداوة كدا وبدون مؤثرات خارجية، عشان تستغلهم صح.

استفسار لو سمحت : عاوزه اسيب درس الجيو من دلوقتي مع ان كنت بقول من شهر 5 بس الاستاذ كل شوي ياجل الحصه وانا بياخد مني ما لا يقل عن ساعه الا ربع ع اروحله.‏
نظام مراجعته ان يجيب اسئله شامله ع الباب و يناقشها بس لو فيه سؤال ينبهنا ان ممكن تكون له اجابه خاصه. بس مش كتير.‏
احنا خلصنا باب في البيئه و لسه الخامس وبقية الرابع ماتراجعوش.‏
لسه ما حلتش ف دليل التقويم،وشوي ف الملخص.‏
هل عادي مش اروح ولو وقف علي حاجه اسال ف المنتدي واكتفي ؟‎
‎

[Mohamed_Hamza]

المشاركة الأصلية كتبت بواسطة ران نيتشان

استفسار لو سمحت : عاوزه اسيب درس الجيو من دلوقتي مع ان كنت بقول من شهر 5 بس الاستاذ كل شوي ياجل الحصه وانا بياخد مني ما لا يقل عن ساعه الا ربع ع اروحله.‏
نظام مراجعته ان يجيب اسئله شامله ع الباب و يناقشها بس لو فيه سؤال ينبهنا ان ممكن تكون له اجابه خاصه. بس مش كتير.‏
احنا خلصنا باب في البيئه و لسه الخامس وبقية الرابع ماتراجعوش.‏
لسه ما حلتش ف دليل التقويم،وشوي ف الملخص.‏
هل عادي مش اروح ولو وقف علي حاجه اسال ف المنتدي واكتفي ؟‎
‎

عادي جدا، ودا الاحسن كمان
وممكن تجمعي الاسئلة اللي واقفة معاكي وتروحيله تسأليه فيها في حصة واحدة ... دا لو اللي في المنتدى مردوش
بس الجيولوجيا سهلة مفيش حاجة هتقف معاكي ان شاء الله
اهم حاجة تشوفي السؤال عايز ايه بالظبط وتجاوبي على قد السؤال هي ساعات بيكون فيها متشابهات ماتخلطيش بينها
وركزي ع التوافه قصدي ركزي على كل كلمة واحفظيها صم ومتستهونيش بأي حاجة
انا غلطت السنة اللي فاتت في سؤال عبيط جدا :
كان الملح اللي في بحيرة وادي النطرون كربونات الصوديوم انا عملته كبريتات ونقصت درجة في الجيولوجيا بسبب التفاهة دي
حلي كتير جدا في المادة دي عشان تثبتي المعلومات اكتر.

[ران نيتشان]

المشاركة الأصلية كتبت بواسطة mohamed_hamza

عادي جدا، ودا الاحسن كمان
وممكن تجمعي الاسئلة اللي واقفة معاكي وتروحيله تسأليه فيها في حصة واحدة ... دا لو اللي في المنتدى مردوش
بس الجيولوجيا سهلة مفيش حاجة هتقف معاكي ان شاء الله
اهم حاجة تشوفي السؤال عايز ايه بالظبط وتجاوبي على قد السؤال هي ساعات بيكون فيها متشابهات ماتخلطيش بينها
وركزي ع التوافه قصدي ركزي على كل كلمة واحفظيها صم ومتستهونيش بأي حاجة
انا غلطت السنة اللي فاتت في سؤال عبيط جدا :
كان الملح اللي في بحيرة وادي النطرون كربونات الصوديوم انا عملته كبريتات ونقصت درجة في الجيولوجيا بسبب التفاهة دي
حلي كتير جدا في المادة دي عشان تثبتي المعلومات اكتر.

جزاك الرحمن خيرا
الحمد لله استشرت والدي كمان ..وقالي توكلي علي الله،باذن الرحمن مش هروح .‏‎
‎