تقييم أعضاء المنتدى

[د.روح]

المشاركة الأصلية كتبت بواسطة SENDRILLA

اولا شكرا يا اسلام ع التقييم الرائع
ثانيا وحشتيني جدا جدا جدا يا ملاك
ثالثا مبروك رجوع اسمك الاول
رابعا واخيرا بقي هبتدي اسئله



1- كتير بعرف انك متضايقه ومخنوقه ودي بحسها مش بعرفها منك
ياتري ده يبقي ايه
مش عايزه تتعبي حد مع انك عارفه اني عمري مااتعب من اختي
شايفه حد غيري ممكن تحكيله مشاكلك او يمكن انا مش قد المسؤليه دي
بتحبي تكتمي في نفسك
عايزه اختيار من دول او لو تحبي تضيفي حاجه

لا و الله يازوزو بالعكس انا بحس انى مشيلة الكل همى
بس يمكن ساعات ببقى مش قادرة اتكلم فبتبقى حاجة من اتنين
لاما عايزة حد يفهمنى مجرد مايبص فى عينى فبكلم اختى
او انى عايزة اعيط فلاما هعيط لوحدى لاما بقى لو واحدة قدرت تطلع اللى جوايا و تكلمنى وده بيريحنى طبعا
2-عرفت من كلامك انك والحمد لله مستواكي الاجتماعي مرتفع
هل ده بيفرق معاكي في اختيار صاحباتك ؟
ولا بيبقي في المقام الاخير
والسؤال ليه غرض هبقي اقوله ليكي بعدين

اه كده بقى زوزو بدات الحالة المعروفة بالتخريف العالمى:D
ايه يابنتى اللى انتى بتقوليه ده هيا الثانوية بتعمل كده
ع فكرة يازوزو نصيحة اخوية يا حبيبتى تبقى استخبى منى ع الميل عشان كده ممكن اجبرك تكشفى ع عقلك ياقلبى و خايفة عليكى تتصدمى:D

3-كتير اتناقشتي في امور السياسه والدين
مفكرتيش في لحظه ان الموضوع ده ممكن يضرك
سواء كنتي بتعملي كده ع النت او في الحقيقه

يابنتى انا مش بتكلم فى السياسة انا بس بقول رايى و بتعلم من غيرى زى موضوع تعالو نتناقش بجد استفدت منه جدااااااااااااااااااا وكنت بجد فرحانة اوى و احنا بنتناقش فيه و باذن الله ننشطه تانى
و الدين انا مسلمة و لازم زيى زيكم قلبى يتقطع ع حالنا اللى مايعلم بيه الا ربنا
وطبعا مادام قلبى وجعنى لازم اتكلم برده هقول اللى جواياCOLOR مجرد انى بقول اللى حاسة بيه مش من حق اى حد انه يمنعنى سواء سياسة او دين
بس انا مش بتكلم فىدى و لا دى انا زى ماقلت بقول رايى او اللى انا حاسة بيه ]
4-ياتري عدم دخولك كلية طب مسبببش ليكي مشاكل زي مابتحاولي تقنعيني؟
ولا سبب ومش حابه تقولي
سواء منك لنفسك او من اهلك والناس ليكي

بصى ياستى انى ماادخلش الطب مااثرش فيا نهائيا لانى اصلا كنت هبقى دكتورة فاشلة
يابنتى مش انا اللى ادخل مشرحة لو دخلتها مش هطلع منها
و بعدين الحاجات اللى هشوفها مش هتطلع بره دماغى
ده سبب
السبب التانى انا مش بستمتع بالطب اصلا يمكن كنت عايزة طب لماما مش اكتر
بس اللى فعلا ماثر فيا و طبعا يمكن لحد دلوقتى مش مصدقاه هو المجموع
و يمكن لحد التنسيق انا كنت بحس انى فى كابوس ومش مصدقة نهائى
بس الحمد لله اناكده ربنا حققلى حلمى ودخلت علوم و هقولك حاجة يمكن تستغربيها
انا من ساعة ماالنتيجة طلعت و بمنتهى الامانة حاسة ان جوايا حاجة بتقولى ماتخافيش ربنا مش هيضيعك
و برده انا مش عارفة ليه حاسة انى هقدر انفذ اللى فى دماغى ......ادعولى انتو بس
5-كان ايه احساسك لما اخترتي للتقييم في لموضوع ده؟
ياتري حسيتي بالفخر انك ليكي شعبيه تكفي لاختيار الناس ليكي
ولا بالخوف من تقييم اسلام اللي معروف عنه انه مش بيجامل

بصى انا يمكن الخوف عندى غلب بس مش لان اسلام مش بيجامل
بصراحة يعنى انا كنت خايفة موووووووووت من طريقة النقد.....اصلى صراحة مش اد كلمة من كلام اسلام
6-ياتري ايه السبب اللي انتي شايفاه لاختيارك تبقي موجوده في المكان ده اللي شبيه بكرسي الاعتراف ؟
ومش عايزه الاجابه اني اسال اسلام او اسال الناس اللي اختاروكي
عايزه سبب ليكي انتي

مش عارفة و الله
7- حسيتي اني بعدت عنك الفتره الاخيره او انتي اللي بعدتي عني؟
ولو اه يبقي الاسباب

لا مش بعدنا يابنتى بس يمكن عشان انا بقيت غالبا بدخل نت بعد 12 و انتى طبعا بتنامى بدرىفكلامنا قل مش اكتر

8-شكيتي في لحظه ان حب بعض الناس ليكي وراه مصلحه ؟
ولو اه يبقي ليه

اه كتير
ليه مش عارفة
9-اصحابك الحقيقيين بتحسبيهم بعددهم ولا بقيمتهم عندك؟
وبالمناسبه تقوليلنا تعرفي كام بنت من المنتدي:D

بقيمتهم طبعا
بس انى اعد البنات اللى اعرفهم من المنتدىصعب شوية عديهم انتى و قوليلى:D












انا عارفه اني رخمه جدا
بس لسه راجعه من سفر ومش مصدقه اني رجعت بالسلامه
ومش لقيت عشان اسلم عليكي فقلت ارحب بيكي في الموضوع:D
اسئلتي كتيره؟
رخمه؟
غلسه؟
مليش دعوه لازم تجاوبي
ومش ليكي حق عدم الاجابه
هدخل بالليل مخصوص عشان اشوف ردك اوكي
عن جد وحشتيني جدااااااااااا

يابنتى وحشتينى جدااااااااااااااااااااااااااااااااااااااااا ع فكرة انا ع النت من 12 انتى بالليل بتاعك امتى :D
و تبقى افتحى موبايلك