ظهرت نتيجة الاعارات هذا العام

[منار على]

المشاركة الأصلية كتبت بواسطة أبو العبد

أستاذعبدالرحمن أنا مش بأنتقد هذه الدول أنا عارف أن الشعب العماني طيب ومحترم ويقدر المعلم المصري ولكن أنا بأنتقد لجنة الإختيار نفسها لما اللي يمتحنك يكون قدامه لاب توب يختار منه أسئلة يسألهالك ولا يتحاور معك ويناقشك . لدرجة إنك تحس أنه مش تبع المادة أصلا وميعرفشي يقيم المعلم اللي قدامه ودا عن تجارب لمعلمين زملاء . تخيلوا أنه واحد زميلي من كام سنة دخل الإمتحان التحريري وبعد كده دخل المقابله الشخصية قالولو أنت جبت صفر في الإمتحان التحريري_ يعني المفروض ما يدخلشي المقابلة أصلا_ بس إحنا هناخدك معانا. منتهي التناقض في الإختيار بعيدا عن مسئلة الأرزاق اللي كلنا مؤمنين بيها

حضرتك مش اى حد يستحمل المعيشه فى عمان شخص بمواصفات معينه من الاخر كده فيه اماكن بيروحها الوافدين سيئه جدا ممكن جبل على حدود اليمن مثلا ممكن تلاقى وانت قاعد كده تعبان داخلك من التكييف او بيدفى تحت البطانيه بتاعه حضرتك ووانت ماشى عقرب يلدغك دا عادى جدا او ديبيا حاجه شبه الدبور الصغير لو قرص حد بيعمله ورم زى الغده حضرتك عندهم البرص زى التمساح الصغير ممكن تكون فى سكن انت وزمايلك والجبل فقط لا غير ممكن تبقى ماشى واى حاجه ماشيه جمبك عنكبوت سام ولا ام 44 وممكن تكون فى مكان مقطوع مش عارف حتى تكلم اهلك عشان مفيش شبكه فى المكان ممكن عشان تجيب طلباتك اللى هى عيش واكل تنزل 4 ساعات فى الجبل عشان كده ممكن يكون بيبقى ليهم وجهه نظر عشان الاستقالات عندهم كتير وبرضه هما بيفنشوا كتير سنويا للعومنه

[أبو العبد]

المشاركة الأصلية كتبت بواسطة منار على

أنا مقولتش الطالب العمانى أذكى من الطالب المصرى بس الطالب العمانى ممكن سنفرته على فكره لأن فيه فيهم بيمتلك المؤهلات فيه اللى احنا ممكن نرتقى بمستواه العقلى ولكن مشكلتهم فى الاستعداد النفسى وانك تزرع هدف بداخل الطالب ودا اللى بيحاول العمانيين حله من خلال المناهج وطرق التدريس وتطوير المعلم نفسه كمان اسمحلى احنا 90 مليون العمانيين كلهم 3 مليون يعنى أكيد لازم يبقى فيه فرق كبير وفعلا احنا عندنا كفاءات ولو توافر لينا المتوافر ليهم كنا هنبقى من افضل دول العالم لكن للاسف بقى
وبالنسبه لقصه الخلل فى اللجنه فمعرفش بصراحه بس ممكن تكون ليهم وجهه نظر لان عندهم الاستقالات بتبقى كتير ممكن يكونوا شافو زميل حضرتك انه مش هيستحمل العيشه هناك مثلا او لاى سبب تانى وزى ماقولتلك هى أرزاق

أستاذة منار المعضلة دي مش هيحلوها لو قعدوا ميت سنة ولو طبقوا كل مناهج التدريس لإن العقول مش مهيأه ومش هتتهيأ وعلي رأي المثل الطبع غالب . أنا مش بأعيب فيهم لا سمح الله لكن أنا بأتكلم عن عقول ولدت في بيئة غير مهيأه . فمعلش ما تتوقعيش إنك تغيري فيهم حاجة

[منار على]

المشاركة الأصلية كتبت بواسطة أبو العبد

أستاذة منار المعضلة دي مش هيحلوها لو قعدوا ميت سنة ولو طبقوا كل مناهج التدريس لإن العقول مش مهيأه ومش هتتهيأ وعلي رأي المثل الطبع غالب . أنا مش بأعيب فيهم لا سمح الله لكن أنا بأتكلم عن عقول ولدت في بيئة غير مهيأه . فمعلش ما تتوقعيش إنك تغيري فيهم حاجة

على فكره انا اشتغلت مع الولاد دول وكل كلامى بناءا على راى كونته من واقع شوفتة وعيشتة بس هما عاوزين مدرس حاطط الطالب هدف مش الفلوس هدف قبل الطالب وتخيل بقى حتى دى العمانيين تقريبا عارفينها لانهم بأفعالهم معاك بيحببوك فىهم وفى بلدهم

[أبو العبد]

المشاركة الأصلية كتبت بواسطة منار على

حضرتك مش اى حد يستحمل المعيشه فى عمان شخص بمواصفات معينه من الاخر كده فيه اماكن بيروحها الوافدين سيئه جدا ممكن جبل على حدود اليمن مثلا ممكن تلاقى وانت قاعد كده تعبان داخلك من التكييف او بيدفى تحت البطانيه بتاعه حضرتك ووانت ماشى عقرب يلدغك دا عادى جدا او ديبيا حاجه شبه الدبور الصغير لو قرص حد بيعمله ورم زى الغده حضرتك عندهم البرص زى التمساح الصغير ممكن تكون فى سكن انت وزمايلك والجبل فقط لا غير ممكن تبقى ماشى واى حاجه ماشيه جمبك عنكبوت سام ولا ام 44 وممكن تكون فى مكان مقطوع مش عارف حتى تكلم اهلك عشان مفيش شبكه فى المكان ممكن عشان تجيب طلباتك اللى هى عيش واكل تنزل 4 ساعات فى الجبل عشان كده ممكن يكون بيبقى ليهم وجهه نظر عشان الاستقالات عندهم كتير وبرضه هما بيفنشوا كتير سنويا للعومنه

طب إعتبيرني معاكي في الكلام دا يعني معني كده إن اللجنة تسيب المؤهلات والكوادر اللي جايبه إمتياز في مادتها وتأخذ فقط اللي هيستحمل العيشة اللي أنتي واصفاها ثم هما هيعرفوا أزاي اللي هيستحمل واللا لأ إذا كان فيه زملاء بيستحملوا سنة واحده بالعافية وبيستقيلوا وأنتي هناك وعارفه الكلام دا كويس

[منار على]

[QUOTE=أبو العبد;6466837]طب إعتبيرني معاكي في الكلام دا يعني معني كده إن اللجنة تسيب المؤهلات والكوادر اللي جايبه إمتياز في مادتها وتأخذ فقط اللي هيستحمل العيشة اللي أنتي واصفاها ثم هما هيعرفوا أزاي اللي هيستحمل واللا لأ إذا كان فيه زملاء بيستحملوا سنة واحده بالعافية وبيستقيلوا وأنتي هناك وعارفه الكلام دا كويس[



أنا نفسى قدمت استقالتى بعد 3 شهور وفضلت لاخر السنه بالعافية على الرغم من الفرق الكبير بين هناك وهنا فى الشغل وعلى الرغم من انى فعلا حبيت الشعب العمانى بس للأسف مقدرتش أعيش على الرغم انى كنت فى مدرسه بالنسبالهم كويسه جدا وهى فعلا كويسه جدا المدرسه بس المكان صعب اوى بالنسبالى
الشغل عندهم كان هو اللى بحلم بيه بالظبط
تعرف انا اول ماروحت هناك اتعرفت بمصريين عندهم انتماء لعمان أكتر من انتمائهم لبلدهم كنت مش قادره أستوعبهم وكنت ساعات كتير بقول انهم منافقين لكن لما عشت فتره وشوفت تعامل العمانيين أنا نفسى حبتهم واحترمت سلطانهم جدا وتفهمت ليه المصريين دول بيحبوهم لانهم لقيوا معاهم اللى ملقهوش فى بلدهم لقيوا الاحترام والعطاء الصراحه مفيش أى وجه مقارنه بين مدارسنا ومدارسهم انا هناك كان عندى مكتبى وتكيفى ودولابى الخاص كل شىء بيدوه ليك من اقلام بتكتب بيها لكشكول تحضيرك وورقك كل شىء كل شويه يحفزوك ويرفعوا من روحك المعنويه بهديه على مكتبك بعزومة من مطعم فى المدرسه او بشهاده تقدير لمجهوداتك طلعت اراقب ثانويه عامه مشفتش أى شىء مطلقا من اللى بشوفه هنا تعامل فى منتهى الرقى حتى لما قدمت استقالتى كرمونى بهديه بالاضافه لراتب محترم شهريا وطبعا مش معنى دا ان كلهم وديعين يعنى فيهم شياطين برضه زى مااى بلد فيها الحلو والوحش

[أبو العبد]

المشاركة الأصلية كتبت بواسطة منار على

على فكره انا اشتغلت مع الولاد دول وكل كلامى بناءا على راى كونته من واقع شوفتة وعيشتة بس هما عاوزين مدرس حاطط الطالب هدف مش الفلوس هدف قبل الطالب وتخيل بقى حتى دى العمانيين تقريبا عارفينها لانهم بأفعالهم معاك بيحببوك فىهم وفى بلدهم

كلام جميل وشعب محترم وطيب ويحترم المعلم فعلا . لكن ما تتوقعيش إنك تغيري عقول غير مهيأه أصلا . ودا بشهادة زملاء قعدوا هناك أكتر من 6سنين

[منار على]

المشاركة الأصلية كتبت بواسطة أبو العبد

كلام جميل وشعب محترم وطيب ويحترم المعلم فعلا . لكن ما تتوقعيش إنك تغيري عقول غير مهيأه أصلا . ودا بشهادة زملاء قعدوا هناك أكتر من 6سنين

لكل واحد وجهه نظرة

[أبو العبد]

‎‏[



أنا نفسى قدمت استقالتى بعد 3 شهور وفضلت لاخر السنه بالعافية على الرغم من الفرق الكبير بين هناك وهنا فى الشغل وعلى الرغم من انى فعلا حبيت الشعب العمانى بس للأسف مقدرتش أعيش على الرغم انى كنت فى مدرسه بالنسبالهم كويسه جدا وهى فعلا كويسه جدا المدرسه بس المكان صعب اوى بالنسبالى
الشغل عندهم كان هو اللى بحلم بيه بالظبط
تعرف انا اول ماروحت هناك اتعرفت بمصريين عندهم انتماء لعمان أكتر من انتمائهم لبلدهم كنت مش قادره أستوعبهم وكنت ساعات كتير بقول انهم منافقين لكن لما عشت فتره وشوفت تعامل العمانيين أنا نفسى حبتهم واحترمت سلطانهم جدا وتفهمت ليه المصريين دول بيحبوهم لانهم لقيوا معاهم اللى ملقهوش فى بلدهم لقيوا الاحترام والعطاء الصراحه مفيش أى وجه مقارنه بين مدارسنا ومدارسهم انا هناك كان عندى مكتبى وتكيفى ودولابى الخاص كل شىء بيدوه ليك من اقلام بتكتب بيها لكشكول تحضيرك وورقك كل شىء كل شويه يحفزوك ويرفعوا من روحك المعنويه بهديه على مكتبك بعزومة من مطعم فى المدرسه او بشهاده تقدير لمجهوداتك طلعت اراقب ثانويه عامه مشفتش أى شىء مطلقا من اللى بشوفه هنا تعامل فى منتهى الرقى حتى لما قدمت استقالتى كرمونى بهديه وطبعا مش معنى دا ان كلهم وديعين يعنى فيهم شياطين برضه زى مااى بلد فيها الحلو والوحش [/SIZE][/QUOTE]‎‏
عارفه لو فيه اهتمام في مصر بالتعليم ووفرولك الجو المناسب للتعليم زي عمان بنشاطك ده هتشوفي الكوادر اللي هتتخرجك علي إيدك . المشكلة مش إنهم 3مليون وإحنا 90 المشكلة في منظومة دولة أخر إهتماماتها التعليم والمعلم . وشوفي الصين مليار و200 مليون متقدمين علينا إزاي. ربنا يديكي علي كد تعبك ويصلح حالنا في مصر

[همسه مصريه]

مين تم الاتصال بيه وسيؤدي الاختبار اليوم

[أحمد التمساح]

ياجماعة مفيش دول تانى محتاجة اعارات
افيدونااااا وخاصة اننا فى العد التنازلى

[عبدالرحمن سيد اللورد]

البحرين.....

[همسه مصريه]

فيه من الزملاء من ادي الاختبار امبارح

[منار على]

المشاركة الأصلية كتبت بواسطة أحمد التمساح

ياجماعة مفيش دول تانى محتاجة اعارات
افيدونااااا وخاصة اننا فى العد التنازلى

عادى ان فاتت اعاره عمان اسبوع او عشر ايام وينزلوا اعلان التعاقدات ومفيش اى فرق بين الاعاره والتعاقد فى عمان

[amr hashem5]

هما اخدوا لغة عربية ابتدائي إناث

[منار على]

المشاركة الأصلية كتبت بواسطة amr hashem5

هما اخدوا لغة عربية ابتدائي إناث

على فكره تخصص مجال أول اناث اللى هو عربى ابتدائى هنا وبيدرس عربى ودراسات فى السلطنة صفوف من 1-4 من التخصصات المطلوبة وبشده فى السلطنة وفرصتها كبيره ان مكانش اعارات فتعاقدات