دودو كتبت موضوع جديد الكل ييجى يشوفه

[JusT DreaM]

المشاركة الأصلية كتبت بواسطة dr.saeed

انا صراحة بستعجب لما بسمع الكلام دة

ووتستعجب ليه يادكتور انا بصراحة مقتنعة بكلامي وعارفة انه صح ومش موجه لاي حد هنا فى المنتدى



اعتقد ان الكلام موجه ليا المره دي

[الضوء الشارد]

والله السبب فى موضوع العنوسة الأهل اللى بيغالوا فى المهور والبنت اللى عايز العريس يجبلها كل حاجة ومفكرة نفسها هتجوز مليونير رغم ان الرسول صلى الله عليه وسلم قا ل إذا أتاكم من ترضون دينه وخلقه فزوجوه

[دودو دلوعة اليكس]

والله انا معاك يا الضوء الشارد المشكلة مش فى العروسة وطلباتها المشكلة فى اهل العروسة اللى مفكرين بنتهم بنت مبارك عشان كدة طلباتهم بتبقى جامدة ع العريس ...اينعم انا بنت بس شيفا ان اهل العروسة ما يحملوش العريس فوق طاقته لان البلد بيظا خلقه

[الضوء الشارد]

وللاسف البنت المتأخرة فى الجواز لو جالها عريس متجوز تقولك لا لا يمكن ابقى الزوجة التانية مع انه حلال وحل كويس لمشكلتها

[أحمد2025]

مش عارف اقولك ايه
انا بحس ان الشباب ملهاش نفس تتجوز
معظم الشباب يقولك وأنا هجيب واحدة تنكد علية ليه
الشباب عايز يعيش أيامه يعرف دى ويدوخ دى ويجنن دى
مع انى انا نفسى اتجوز
بس برضه فى مشكلة
صعب قوى ان الشباب يلاقوا الزوجة اللى هتريحهم فى حياتهم بعد كده
بس انا برمى اللوم الأكبر فى الموضوع ده على الجنس الناعم
ولنا بقية كبيرة جدا

[biob]

اولا يا دودو ايه العنوان التحفه ده انتى بتعزمينا على العشا ولا ايه
وبعدين انتى بصه على البنات بس
شوفى الشباب الغلبان
اللى الواحد مينهم بيتخرج ويخلص جيش ويدور على شغل ويشتغل ويحوش وبعدين لما يفرجها ربنا يبقى يتجوز
بيكون ساعتها شعره وقع وسنانه وقعت وحالته بقت بالبلا
وبيبقى عنده حوالى 45 سنه يا عينى
على فكره انا بتكلم عن الشباب المكافح
مش اللى فى بؤه معلقه دهب

[SmSm Basha]

شكرا ليكي يا دودو على الموضوع دا .... هي فعلا ظاهرة خطيره ... و السبب واضح و هو الاعباء الثقيله و المتطلبات الغير منطقية التي يفرضها اهالي العروسين

[nader shetos]

انا عريس كامل من مجاميعوا كل حاجة جاهزة عندى بس ناقص العروسة
مواصفاتى: جايب 77% (طبعن مش هتلاقو عريس زى!!)

[Ra2oF]

اكيد :: السبب هو
كثرة البنات
متطلبات كتيرة موت يعني لازم مش عارف شقة كام متر و مقدم كام و مؤخر و بهدلة ::: ملهاش لزمة:: ففي شباب بيفضل انه يعيش و يسرف علي نفسه و لا وجع دماغ
يا يروح علي شرم او الغردقة و ممكن يتجوز واحدة اجنبية هي التصرف عليه :D :D :D
هو السبب الرئيسي :: حال البلد الاقتصادي المنيل

[KHALOOOD]

السلام عليكم
بصى ياستى اولا الموضوع دا يتلخص فى كلمتين
قالهم عضو فى رده بس كان نفسى يوضح اكتر من كدا
قاللك الشاب دلوقتى بيعمل اللى هو عاوزه وفى اى وقت
يعنى شوفى ايه اللى بيحصل لاى اتنين مخطوبين او متجوزين
وهتلاقيه بيحصل دلوقتى وبدون زواج او خطوبه
وانا ممكن اوضح اكتر لو مش فاهمين
مع ان اعتقد ان الكلام واضح
طبعا هيجى ناس تقول مش كلهم وفى ناس وناس ومش عارف ايه
احنا لما نيجى نتكلم عن مشكله زى دى بنتكلم على الاغلبيه
واغلبهم زى مانتوا عارفين كل شىء مباح قبل الخطوبه او الزواج
نرجع بقى نحط العوامل التانيه مع العامل الاكبر اللى ذكرته دا
وهى البطاله وقله الفلوس وقله الايمان والحاجات دى
دلوقتى الشاب مبسوط ومش ناقصه اى حاجه من البنت
ع الرغم انه مش متجوزها
تقدرى تقوليلى هيتجوزها ليه ويصرف ويشغل باله والكلام دا كله ليه ؟
طبعا مش هنلاقى اجابه
وعلى فكره متحطيش فى دماغك اى تعليقات سخيفه من اى حد
وخدى النصيحه الكويسه واعملى بيها واللى مش عجبك فكك منه

[فيفا]

الى جانب الاسباب اللى قالها
خالد
مفيش تحمل للمسؤليه