|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
07-08-2008, 10:42 PM
|
||||
|
||||
•·.·´¯`·.·•سلام يا بلد الكلام•·.·´¯`·.·• كفايه تفكر ومش لازم ترد
البدايه من سواق ميكروباص متستغربش ايوه سواق ميكروباص الراجل حس باللي احنا عايشينه وكتب الجمله دي علي الميكروباص المهم من ساعة ما شفت الجمله دي وانا دماغي مشغوله مين بيقول سلام؟ وفين بلد الكلام؟ واللي ماشي ده رايح فين ؟ اقوللكو انا شويه من اللي شايفاه في بلدنا واللي كتمته في قلبي كتير 1- عمو حسني يقوللك احنا اهم حاجه عندنا مصلحة محدودي الدخل
وفي الوقت ذات نفسه بيموت واحد من معدومي قصدي محدودي الدخل من الجوع 2- انكل نظيف يقوللك احنا بنسعي لمصلحة البلد وليس لمصلحتنا الشخصيه وهو بيقبص بالدولارات وغيره بيقبض بالملاليم 3-يرد عمو حسني علي انكل نظيف ويقولله احنا هنزود المرتبات عشان نعين محدودي الدخل ع المعيشه سبحان الله تلاقي صدف غريبه المرتبات تزيد وكل حاجه تغلي 3 اضعاف او يمكن اكتر 4- يرجع انكل نظيف يقوللك احنا بنخاف علي مصلحه الشعب وهو لو طال يولع في البلد باللي فيها مش هيتاخر فيمتو ثانيه بس ناولوه الولاعه 5- ماما سوزي بقي مهتمه بالقراءه للجميع شفت اكيد يفت متعلقه مكتوب عليها الكلمه دي مع اني مش عارفه مين اللي بيروح يقرا لما طلبة ابتدائي مبيعرفوش يفكو الخط سبحان الله وغيرهم كتير بس الوقت مش هيسعني متفرحش اوي كده مين قال ان دول بس اللي بيتكلموا طيب مانت بتتكلم وانا بتكلم وانتو عارفين انا قصدي ايه بالكلام استني بس رايح فين طيب هسالك سؤال؟ كام مره في حياتك قلت انا نفسي اعمل حاجه لبلدي بس مش في ايدي حاجه؟ مش عايزه اجابه بس خليها في سرك هنحتاجها بعدين تقدر تقوللي بقي انت حاولت تعمل ايه عشان تقول ان مش في ايدك حاجه طب اقل حاجه يا مسلم بطلت تشرب كولا عشان تددمر اللي هانوا رسولنا الكريم بطلت تصرف فلوس من غير فايده وتتبرع بيها لبناء مسجد لرفعة دينك؟ وفرت مشوار من مشاويرك مع اصحابك ورحت زرت طفل يتيم محتاجلك ومحتاج لحنيتك وايدك تطبطب عليه؟ فكرت في مره تروح تبوس ايد والدتك اللي تعبت معاك وسهرت؟ مش بوجهلك انت وهي الكلام وناسيه نفسي لا والله الكلام ده قلته لنفسي قبل ما اقوله ليكو طب ليه احنا كده؟ ليه مبنحاولش وبنكتفي بس بكلمة مش في ايدي حاجه اعملها ليييييييييه؟ مش لاقيه اجابه طيب سؤال كام شاب في عيلتك او في جيرانك ضاق بحالة البلد وسافر يشتغل بره؟ كتير طب كام واحد في عيلتك وفي جيرانك بعد ما اتخرج رفض يشتغل بره عشان يرد الجميل للبلد اللي خدمته ومهما عملت فيه؟ اظن دول قله قليله سامحوني يمكن قسيت علي نفسي شويه في الكلام وقسيت عليكو بس بجد ان كانت بلدنا حالتها اتجهورت فده بايدي وبايدك ولو بلدنا ممكن ترجع زي زمان هيبقي برده بايدي وبايدك متستغربش ان الكلام ده طلع مني انا بجد الواحد حاسس انه كان في كابوس وصحي انا بايدي اقدر اعمل حاجه لبلدي وقاعده بدخل نت بالساعات وبكلم اصحابي وبتفرج ع افلام ومسلسلات انا بايدي ارفع من شان بلدي ومش بعمل حاجه ارجوكو فكروا في كلامي زي مانا فكرت فيه قبل ما اكتبه ليكو بس بجد لازم نحس شويه لازم نكون احسن لازم نكون اقوي لازم نكون اعلي فكر ومش هتندم مش مستنيه ردك بس كفايه احس اني قدرت اغير شعره في شخص واحد فيكو دي عليا كفايه وسلام يابلد الكلام
__________________
Veterinarian and proud to be so Veteriner ve gurur kadar olmak Vétérinaire et fier de l'être Veterinario e fieri di esserlo
آخر تعديل بواسطة بورسعيدى ، 11-08-2008 الساعة 03:41 AM |
|
#2
07-08-2008, 10:55 PM
|
||||
|
||||
|
اولا الموضوع جامد جدا
ثانيا انا سعيدة لان انا اول واحدة برد علية ثالثا انا بحييكى جدا على قوة ملاحظتك وانك بتفكرى فى كل حاجة بتشوفيها رابعا بخصوص العائلة الكريمة طنط وعمو يعنى دول ناس عندهم حق فى كل حاجة ومنقدرش نقول غير كده بصى ياستى طول ما الشعب جعان عمره ماهيفكر فى سياسة ولا غيره خديها كلمة من ابلة انا كمان بتكلم يعنى انا مليش نفس وسلام يا بلد الكلام فى رعاية الله
__________________
دخل الحرامى وانا نايمة ... |
|
#3
07-08-2008, 11:07 PM
|
||||
|
||||
|
احنا اكتر حاجه بنعملها فى حياتنا اننا بنتكلم
ونقول واحنا مش لازم نسكت واحنا لازم نعمل بس للاسف كله بيسكت وكله مش بيعمل سواء برضاه او غصب عنه بيسكت..... الناس من همها مش عايزه غير انها تلاقى اكل لعيالها من كتر الغلب ماشيين جوه الحيط كله يقول وانا مالى انا خلينى فى حالى همومهم دى الى نظيف واعوانه بيبذلوا كل جهدهم عشان يشيلوهالهم عشان يشغلوهم عن ملياراتهم والناس بتدور على ملاليمها المسروقه مش عارفه اذا كان هيجى اليوم الى الناس الغلابه فيه تتكلم مش بس تتكلم تصرخ وتطالب بحقوقها ولا هنفضل كده تقول عمرنا نعيش ونموت واحنا بنتكلم
__________________
|
|
#4
08-08-2008, 02:32 AM
|
||||
|
||||
|
موضوعك جميل يا سندريلا واسلوبك كويس
بس للاسف انا مش هموت قوى على البلد انا اللى لسه محببنى فى مصر شيرين ابو تريكه رأفت الهجان ونا بعلنها من هنا من الكرسى بتاعى انا مش هقعد فى البلد دى سموها بقى سلبى سموها جبن وانسحاب البلد دى ليها ناسها وانا مش منهم الحاجه الوحيده اللى اتعلمتها هنا هى انى اتكلم عربى وشكرا |
|
#5
08-08-2008, 03:07 AM
|
|||
|
|||
|
يووووووووووووووة يازوزو الكلام كبر اووووووووووووووى
والله يابنتى البلد دية جميلة وفيها خير كتيييييييييييييييييييييير يكفى ويفيض كمان بس نقول اية بقى ..................... بس بجد مصر حظها وحش اوى فى حكمها ربنا يخرجنا منها بالسلامة
__________________
 laugh at the time when people wait ur tears
|
|
#7
08-08-2008, 09:34 AM
|
||||
|
||||
|
موضوع رائع بجد فعلا هى دى مصر هنعمل نصيبنا
__________________
 |
|
#8
08-08-2008, 10:42 AM
|
||||
|
||||
|
الموضوع جميل
والكلام كتير سهل وفعلاً عنوان الموضوع معبر عن اللى جواه •·.·´¯`·.·•سلام يا بلد الكلام•·.·´¯`·.·• كفايه تفكر ومش لازم ترد بدايه الموضوع فكرتنى بالنكته بتاعه الرئيس وهو بيسأل رئيس الوزراء بتوعه أخبار الشعب إيه قاله بياكل زفت يافندم قاله خلاص غلو الزفت إحنا فعلاً شعب عظيم فى موضوع كلام الليل مدهون بزبده يطلع عليه النهار يسيح إنتى كاتبه الموضوع ده تقريباً إمبارح ياترى لسه عندك نفس حماس وقت كتابه الموضوع بعد ما نزلتى الشارع وإتفرجتى على حالنا بيتهيألى لاء عارفه يا سندرلا الواحد بقى بيخاف يحلم |
|
#9
08-08-2008, 02:23 PM
|
||||
|
||||
|
موضوعك جميل جدا ورائع وعلى فكره مش عيب او غلط اننا نتكلم عن سلبيات هنا فى بلدنا لان دا هيبين على الاقل اننا عارفين سلبياتنا لكن لو سكتنا عليها وكل ما حد يتكلم نقول كله تمام هو دا الغلط وبكده عمرنا ما هنتقدم خطوه لقدام... سانكس على الموضوع
__________________
|
|
#10
08-08-2008, 04:17 PM
|
||||
|
||||
|
اقتباس:
عندك حق في كل اللي قلتيه طول ماحنا جعانين مش هنفكر في السياسه يبقي ازاي يشبعونا 
__________________
Veterinarian and proud to be so Veteriner ve gurur kadar olmak Vétérinaire et fier de l'être Veterinario e fieri di esserlo
|
|
#11
08-08-2008, 04:19 PM
|
||||
|
||||
|
اقتباس:
ومش لاقيه كلام اقوله بعد اللي قلته واللي انتي ضفتيه
__________________
Veterinarian and proud to be so Veteriner ve gurur kadar olmak Vétérinaire et fier de l'être Veterinario e fieri di esserlo
|
|
#12
08-08-2008, 04:30 PM
|
||||
|
||||
|
اديكى قولتيها بلد الكلام
انا لو تسمحلى الفرصة ربنا يرزقنى بوحد يعيشنى بره البلد الخربانة دى:D
__________________
الحمد لله على كل شئ |
|
#13
08-08-2008, 04:32 PM
|
|||
|
|||
|
موضوع جميل
بس هرجع واقول تانى العيب مش فى الريس ولا الحكومة العيب فى الشعب انا كنت هكتب كلمة بهايم ما علينا هو اللى ساكت وفضل ساكت وهيفضل ساكت وعمره ما هياخد خطوة حتى لو اتسحل فى الشوارع شعب غبى قال تعالى وإذا أردنا أن نهلك قرية أمرنا مترفيها ففسقوا فيها فحق عليها القول فدمرناها تدميرا صدق الله العظيم ولا يغير الله ما بقوم حتى يغيره ما بأنفسهم يعنى عمر الكلام ده ما هيجيب نتيجة لزم الفعل وبما ان احنا فى حالة بيات شتوى من سنين طويلة يبئا انتظرى معجزة من ربنا شكرا على الموضوع |
|
#14
08-08-2008, 05:39 PM
|
||||
|
||||
|
موضوع جميل جدا
بس انا حقول حاجة صح العيب مش الحكومة بس برضه العيب مش فى الشعب عارفين العيب فين مننا احنا الجيل اللى طالع اللى فى الكليات اللى دخل الكليات ومش همه غير انتيمه وصداقات وحبايب وتلفزيون وبعد ما يتخرج يشوف شغلانة برة ويكون قرش عشان نفسه وعياله بعد كدة وبكدة يبقى هو عمل اللى عليه وهكذا..ويقولك انا مالى ومالحكومة والبلد المهم عندى بيتى وعيالى يبقى ايه اللى ناقص ادى الثانوية العامة اللى الحكومة خلت كل واحد فى البلد والبيت اللى فيه ثانوية عامة يجيله رعب مع العلم انها فى الاخر مش تستاهل كل ده بصى انا حقولك حاجة لو كل واحد عنده ضمير ويفكر فى غيره قبل مايفكر فى نفسه البلد حتقوم تانى
__________________
عشت دنيا غير دنيتى وصدقتهم وكانت غلطتى مين ده قلبه ابيض فى الزمن ده  |
|
#15
08-08-2008, 08:42 PM
|
||||
|
||||
|
اقتباس:
مش هسميه خوف مش هسميه انسحاب هسميك ضحيه للي بيحصل طيب ليه مفكرتش تصلح من حواليك بس عن جد حاسه انك وصلت لمرحله صعب فيها الوصول لحل بس لازم تبدا بنفسك صدقني مش هتندم شكرا لمرورك نورت الموضوع
__________________
Veterinarian and proud to be so Veteriner ve gurur kadar olmak Vétérinaire et fier de l'être Veterinario e fieri di esserlo
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 11:00 AM.
