وحكمت المحكمة... تيران وصنافير مصرية كانت ومازالت وستظل

[aymaan noor]

الحكومة والبرلمان يطعنان على استمرار مصرية «تيران وصنافير»‎




Tuesday, November 29, 2016

تقدمت هيئة قضايا الدولة بطعنين أمام المحكمة الإدارية العليا بمجلس الدولة على الأحكام الصادرة في الإشكالين المقضي فيهم بإلزام الحكومة بالاستمرار في تنفيذ حكم بطلان اتفاقية ترسيم الحدود البحرية بين مصر والسعودية، وتغريم الهيئة مبلغ 800 جنيه.

وأقامت الهيئة الطعنين برقمى 13582 و13583 لسنة 63 قضائية عليا بالوكالة عن الحكومة ومجلس النواب، واختصمت فيها خالد علي وعلي أيوب المحاميين و182 آخرين.

كانت محكمة القضاء الإداري أصدرت حكمًا برفض الاستشكال المقام من هيئة قضايا الدولة، لوقف تنفيذ الحكم الصادر من الدائرة الأولى ببطلان اتفاقية ترسيم الحدود البحرية بين مصر والسعودية والمتضمنة التنازل عن جزيرتى تيران وصنافير للسعودية مع تغريم الحكومة 800 جنيه، كما قضت المحكمة بقبول الاستشكال المقدم من خالد علي المحامى، والذي يطلب فيه بالاستمرار في تنفيذ الحكم باعتبار أن جزيرتى تيران وصنافير مصرية.

[محمد محمود بدر]

المشاركة الأصلية كتبت بواسطة aymaan noor

الحكومة والبرلمان يطعنان على استمرار مصرية «تيران وصنافير»‎

البرلمان هو الممثل العام للشعب المصرى

يعنى الشعب بيطعن على مصرية الجزر

لكن للأسف هذا البرلمان لا يمكن أن يمثل الشعب المصرى

انه برلمان الخزى والعار ذلك الذى يخترق الدستور الذى أقسم على احترامه وحمايته

دا بدل ما كانوا يستجوبوا المتسببين فى هذه الكارثة ويطالبوا الحكومة بالاستقالة ويطالبوا بمحاكمة كل خائن فرط فى تراب الوطن

لك الله يا مصر

شكرا مستر أيمن على أحيائك المستمر للموضوع

[aymaan noor]

مرافعة خالد علي في تيران وصنافير: هما دولتين ولا كشكين سجاير؟

ترافع اليوم المحامي خالد علي في جلسة طعن الدولة على حكم بطلان اتفاقية تيران وصنافير

وقدم علي 13 مستندا بعضها كان من واقع أوراق ممثل الحكومة نفسها لإثبات مصرية الجزيرتين

نص المرافعة

احنا دخلنا جلسات كثيرة وهيئة الدولة تبذل مجهود ضني وهذا هو عهدنا بهذه المنصة العالية

ولكننا في الحقيقة أمام مراوغة من الدولة في الامتناع عن تقديم مستندات

شوية يقولولنا احنا عاملين عقد إدارة

عقد الإدارة ده بين دولتين ولا بين كشكين سجاير؟

لو فيه عقد إدارة اديني الاتفاق، اشوف مين اللي وقع هنا ومين اللي وقع هنا وتاريخه إيه وشروطه ايه؟

النهاردة بيقول ده السعودية تنازلت عن الجزر لمصر لمدة تسعين سنة، طب يا سيدي أنا مصدقك، هاتلي الورق بتاع التسعين سنة

ما هي يا بتاعتنا يا بتاعتهم، يا يبقى فيه يا عقد إدارة، يا تنازل، فين الكلام ده؟

:القضية دي تحسم بـ 13 مستند

الخرايط من 1906 لغاية دلوقتي، وانا متكفل بتقديم الخرايط دي

خريطة تيران اللي قدموا بدالها سفاجا وماقدموش تيران

الخطابات اللي قالوا انهم بعتوها لسفيري بريطانيا وأمريكا عن رفع علمنا فوق الجزيرتين، مجابوش محتوى الخطابين دول، وانا بقول ، طبقا لمحضر مجلس الأمن، إن مصر رفعت علمها على الجزيرتين لحفظ حقوقها

الدولة امتنعت عن تقديم الخطابات دي ، مع إنها موجودة في سجلات وزارة الخارجية ودار الوثائق، وانا حصلت عليها من هيئة المساحة

وكل النزاع ده، المفروض أساسه إن السعودية طلبت مننا نتحرك لحسم مسألة الجزيرتين، إذا، نبوس ايديكم ، ادونا الخطاب اللي أرسله الملك عبد العزيز لمصر بتاريخ 17 يناير 1950

مخبيينه ليه؟ مش ده الأساس اللي من خلاله هنقول ده تنازل ولا إدارة ولا اتفاق؟

ثم، ردود الجوابات بين الخارجية والحربية والمالية

المالية قالت مصرية، والخارجية ردت قالت مصرية، الجوابات دي الدولة مش عايزة تقدمها ليه؟

الحلسة اللي فاتت لما أشرنا لحافظة مستندات الدولة، الدولة قالت دول دسوها، طيب احنا بنتكلم هنا في نطاق المحكمة، لما يخرج ممثل الدولة إلى وسائل الإعلام ويتهم الدفاع بإنه دس الورقة أمر غير مقبول

عشان كده يا ريس من الشعب المصري إلى السيد نائب رئيس هيئة قضايا دولة نشكرك على حسن تعاونكم

وأستأذن الهيئة الموقرة تطالع معايا حافظة هيئة قضايا الدولة المقدمة بتاريخ 17 نوفمبر 2016، الحافظة رقم 2 وقبل ما نطلع عليها يقول بتاعته ولا مش بتاعته؟

(المنصة تجلب الحافظة وتوضح وجود إمضاءها عليها)

نحن قدمنا ترجمة للحافظة، ووممثل الدولة قدم ترجمة، لنقرأ من ترجمة ممثل الدولة

ولتطالع معي الهيئة الموقرة الصفحات التالية لأنها ذات دلالة، أول صفحة هي صفحة 13 البند 52



ويقرأ خالد علي من حافظة الأوراق التي قدمتها هيئة قضايا الدولة، في البند 52 إن مندوب مصر ووكيل الخارجية”السيد غالب” بدأ كلامه في اجتماعات مجلس الأمن سنة 1954 بصدد شكوى إسرائيلية من تقييد على سفنها في خليج العقبة الذي وصفه مندوب إسرائيل بأنه خليج إيلات، باقول الجزء ده لإنه بيوضح إن الجزيرتين مربط الفرس في التحريف اللي مارسته إسرائيل في تحويل “العقبة ” إلى إيلات، إن مندوب مصر يقول “الوحدات المصرية كانت تستخدم هاتين الجزيرتين كجزء من النظام الدفاعي المصري خلال الحرب العالمية الثانية ، لقد تعاونت الكتائب المصرية على هاتين الجزيرتين مع سلاح الجو المصري وسلاح الجو / المصري والوحدات البحرية المكلفة في ذلك الوقت بمهمة حماية الحلفاء

مندوب مصر بيقول إننا من سنة 1943 موجودين على الجزر من سنة 1943، مش من سنة 1950 بطلب سعودي زي ما هيئة قضايا الدول بتقول

مندوب مصر بيقول إن مصر موجودة على الجزر لحماية أبواب مصر الدفاعية وسوف نستمر في حماية هذه الأبواب

وهنا بيقول مندوب إسرائيل إن مجرد وجودك على الجزيرتين معناه تحكمكم الكامل في خليج العقبة

وفي فقرة 132 يقول، تحدث مندوب إسرائيل زاعما إن مصر احتلت الجزيرتين

ويقول محمود عزمي “مندوب مصر الدائم في مجلس الأمن” آنذاك، إن هذه الجزر لم تحتل فجأة، ففي 1906 كان من الضروري ترسيم الحدود بين مصر والدولة العثمانية، ولهذه الظروف في 1906 قبل تأسيس السعودية، كان على مصر وبعد مراسلات بين الحكومة الخديوية والدولة العثمانية، وبدون أي مفاجأة تم احتلال الجزيريتن وظلتا منذ 1906 تحت الإدارة المصرية، وحين انتهت العلاقة تماما بين مصر والدولة العثمانية، أصبحت الجزر مصرية حصريا

وكان هناك دولة أخرى عليها أن تتحدث بشأن الجزيرتين هي السعودية، وفي هذه الاتفاقية تم الاعتراف بين الدولتين إن الجزيرتين جزء لا يتجزأ من الأراضي المصرية

الفرق بين الترجمة اللي هما مقدمينها واللي احنا مقدمينها هي ترجمة كلمة (occupation ) الي لها أكتر من ترجمة ،ممكن تترجم احتلال وممكن سيطرة، فاسمحلي سيادتكم الجلسة المقبلة احضر بروجوكتر وشاشة عرض لتوضيح معنى هذا اللفظ من واقع وثائق القوات المسلحة المصرية.

وقررت المحكمة التأجيل إلى جلسة 19 ديسمبر للاطلاع.

[aymaan noor]

أوصى تقرير هيئة مفوضي المحكمة الإدارية العليا، برفض الطعن المقام من هيئة قضايا الدولة وكيلا عن الحكومة على حكم أول درجة ببطلان اتفاقية ترسيم الحدود ببن مصر والسعودية، وأيدت الحكم بمصرية الجزيرتين.



النص الكامل لتقرير مفوضى المحكمة الإدارية العليا الذى أوصى اليوم برفض طعن رئيس الجمهورية وآخرين

وتأييد حكم القضاء الإدارى ببطلان اتفاقية التنازل عن تيران

الملف فى المرفقات

[محمد محمود بدر]

المشاركة الأصلية كتبت بواسطة aymaan noor

أوصى تقرير هيئة مفوضي المحكمة الإدارية العليا، برفض الطعن المقام من هيئة قضايا الدولة وكيلا عن الحكومة على حكم أول درجة ببطلان اتفاقية ترسيم الحدود ببن مصر والسعودية، وأيدت الحكم بمصرية الجزيرتين.



النص الكامل لتقرير مفوضى المحكمة الإدارية العليا الذى أوصى اليوم برفض طعن رئيس الجمهورية وآخرين

وتأييد حكم القضاء الإدارى ببطلان اتفاقية التنازل عن تيران

الملف فى المرفقات

نتشرف بنشر التقرير صفحة تلو أخرى

فى هذا الموضوع

[محمد محمود بدر]

خالد علي يروي قصة رفض رئيسة قطاع دار الوثائق تسليمه مستندات مصرية «تيران وصنافير»: حررت محضرًا ضدها







الاثنين ١٩ ديسمبر ٢٠١٦ - ١٢:٢٤:٤٧ ص


روي المحامي الحقوقي خالد علي، قصة رفض رئيسة دار الوثائق تسليمه مستندات مصرية جزيرتي تيران وصنافير قبل ساعات من آخر المرافعات بالقضية، وقال علي في حسابه على "فيس بوك"، اليوم الأحد، إنه حرر محضر ضد رئيسة قطاع الوثائق.

وإلى نص ما كتبه خالد علي:

النهاردة بعد ما خلصنا مرافعة فى قضية أحمد ناجى وصدر حكم وقف التنفيذ، على الساعة ١١ صباحاً ذهبت لدار الكتب والوثائق القومية عشان استلم المستندات اللى المحكمة صرحت بيها مرتين: الأولى: بجلسة ٧ نوفمبر، والثانية: بجلسة ٥ ديسمبر ٢٠١٦، وبالرغم إنى رحت ليهم أكثر من مرة، لكنهم ممتنعين عن التنفيذ بزعم إن المحكمة لم تخاطبهم، وكان الحوار التالى بينى وبين رئيسة قطاع دار الوثائق، وتدعى د/ نفين:
د/ نفين: أنا مش هقدر أديك مستندات إلا لو المحكمة خاطبتنى

أنا: محضر الجلسة هو خطاب المحكمة يتضمن تصريح لى باستلام المستندات من حضرتك

د/ نفين: لا دا مليش علاقة بيه

أنا: طيب الأستاذ اللى قاعد دا محامى الهيئة ممكن حضرتك تسأليه هل هذا المحضر هو الخطاب أم لا دى مسألة قانونية

د/ نفين: تنظر لمحامى الهيئة

محامى الهيئة: أيوه دا خطاب المحكمة ويتضمن تصريح بتسليم المستندات

د /نفين: لا مش هسلم مستندات انا هبعتها لهيئة قضايا الدولة

أنا: إزاى تبعتى المستندات لخصمى وانا صاحب التصريح ، ممكن يتلاعب بها أو يمتنع عن تقديمها

د/ نفين: طيب لحظة ( وتقوم تعمل اتصال تليفونى فى غرفة أخرى) بعدها لاء مش هسلم المستندات دا مش تصريح

أنا: طيب لو حضرتك قلقانه ممكن أقترح ان حضرتك تسلموا المستندات لمحامى الهيئة وهو يسلمها للمحكمة

د /نفين: من وجهة نظرى دا مش خطاب من المحكمة ومش هقدر أسلم لك مستندات.

أنا: كدا مفيش يا د محمود (رئيس الهيئة) غير انى أعمل محضر.

د /محمود: سنتناقش مع د نفين فهى رئيسة القطاع والمسئولة عنه وعن مستنداته ولكن أمهلنا وقت

أنا: وقت إيه الجلسة بكرة وانا من يوم ٢٧ نوفمبر بتردد عليكم لاستلام المستندات وسلمت ليكم تصريحَين من المحكمة، ودا امتناع.

د/ محمود: طيب أنا عندى اجتماع هنزل أخلص وآجى ليك ، خليك بمكتبى

وبعد ساعة

أنا: خير يا دكتور محمود

د/ محمود: للأسف مش هينفع

أنا: للاسف هنزل أعمل فيكم محضر، بس لما تروحوا بصوا لنفسكم فى المرايا، المستندات دى بتتحفظ عندكم عشان تحفظ حقوق الناس والبلد، ومش من حقكم امتنعوها ولا تحجبوها عن العدالة.

وفى الساعة الرابعة ذهبت لقسم بولاق وحررت المحضر

قصة حزينة من قصص بلدنا، فى كل مكان بالعالم يتم اتاحة الوثائق للكافة ، وحتى الوثائق السرية بعد مرور عدد من السنين تسقط عنها السرية وتتاح للكافة.