|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
|
|
#1
25-01-2017, 07:43 AM
|
|||
|
|||
اقتباس:
طيب تمام انا شرحتلكو في الكومنت اللي قبل ده ازاي تستغلو الفتره دي ركزو في اللي بتاخدوه وامتحنو ع اللي فات عند الاساتذه ثانيا بقى بالنسبه للنو فانت كانك بتحكي عني في الفتره دي انا كنت متبهدله في النوم طيب النوم ده ايه سببه النوم ده هو الحل بالنسبه لمخك انك متذاكريش وفي نفس اوقت ضميرك مرتاح بمعنى انه الهروب المثالي لمخك من كل المذاكره اللي عليكي وفينفس الوقت انتي مش حاسه انك بتضيعي وقت او ممكن برضه عشان منظلمش المخ ان يكون برد الشتا هو السبب طيب اولا لازم تظبطي معاد للنوم ومعاد للصحيان يعني تظبطي الساعه البيولوجيه بتاعه جسمك يعني لو انتي من النوع اللي بينام ويصحى بدري متناميش في النهار حتى لو تعبانه خليكي صابره لغايه معاد نومك ونفس النظام لو انتي من الكائنات الليليه زيي متناميش قبل معاد نومك عشان جسمك يظبط نفسه حددي لنفسك 8 ساعات مش اكتر ولا اقل وانتي بتذاكري لو حسيتي النوم كبس عليكي قومي سيبي المذاكره ولفي حوالين نفسك شويه وابعدي عن اي حاجه فيها حفظ لانها هتزود الطينه بله ومش هتقدري متناميش ممكن تقعدي تحلي التفكير هينشط مخك ممكن تحلي انجلش مش محتاج مجهود كبير فرنساوي حاجه خفيفه كده طيب لو مفيش مفر ولازمتقعدي نحفظي عندك امتحان مثلا امسكي الكتاب وبصوت عالي ولفي حوالين نفسك وانتي بتقري صدقين هتفوقي ومش هتنسي اللي بتذاكريه متكترش من المنبهات هيجيلك مناعه وهتشربيها وتنامي صدقيني انا بشرب القهوه وبنام علطول فكري نفسك علطول بهدفك انا كنت حاطه ورقه ولازقاها ع المكتب قدامي وكاتبه فيهمحوالي عشرين سبب انا ليه بذاكر وممن فوق كاتبه النتيجه اللي كنت عاوزاها 98% وربناا كرمني بيها الحمدلله وكنت كل اما اتعب ابص للورقه واقراها بتحفز بشكل رهيب اني اكمل جددي نيتك علطول وانتي بتذاكري شيلي كل المشتتات عن المذاكره ومنهم الموبايل والتلفزيون وخديهم كجائزه انك خلصتي مذاكره وبرضه حاجه مهمه جدا متقليش ابدا عن 8ساعات يعني اربع ساعات دي بنفس ضرر 13 ساعه على جسمك لان جسمك محتاج راحه عشان يجدد نشاطه وتقدري تركزي لان المذاكره دي بتستهلك من طاقتك ممكن 6 ساعات لو انتي حاسه انك مش منجزه ووراكي حاجات كتير لكن بالله عليكي بلاش اقل من كده بس كده لو اي حدمنكو عاوز مساعده في اي ماده في اي جزئيه مش فاهمها انا موجوده وانا فاضيالكو دلوقتي 
|
|
#2
25-01-2017, 10:05 AM
|
|||
|
|||
|
اقتباس:
طب وبالنسبة لدليل التقويم لسا مفتحتوش ف اي مادة ..ومش عارفه ابدا اشتغل فيه امتي وبالنسبه للانجلش كان فيه ناس بتقولي انها حلت فيه 4كتب و5 كتب ..هو دا فعلا بيحصل
|
|
#3
25-01-2017, 10:58 AM
|
|||
|
|||
|
اقتباس:
هتبداي تشتغلي من دليل التقويم على وقت المراجعه كده يعني على 3 او اخر 2 كده انا كنت بلقط منه عمري ما خلصته كله كان اعتمادي بشكل اساسي على كتب الامتحان في الفيزيا والكيميا والرياضه مراجعات الاستاذ والعربي حل ومراجعه باستمرار من اي حته يعني انا كنت حاله اغلب قطع النحو بتاعه دليل التقويم وكتاب الامتحان واه في ناس بتخلص 4 كتب او 5 وانا كنت منهم بس مكنتش بخلصهم اووي بمعنى انا مثلا مختاره كتاب اساسي بحل منه ورا الاستاذ وعاوزه اراجع يونتات من ورا اقوم اجيب كتاب تاني احل منه او في المره الاساسيه احل من كتابين واراجع من تالت بس واحد بس اللي كان بيخلص لاخره وفي المراجعه نفس النظام اصل لازم تقتنعي ان الانجلش ابوه الحل الكتير جدا بس يعني متجوريش على حق باقي المواد اصلا انا ماما مدرسه انجلش وكل اسبوع تقريبا كانت بتجبلي كتاب  وكنت باخد درس لوحدي فكنت بخلي الاستاذ يصححلي زي مانا عاوزه ممكن برضه انك تشوفي الاجابات وتصوريهم وتصححي انتي لنفسك لو في مجموعه كبيره المهم كتاب لازم يخلص وباقي الكتب تحلي منهم بس مش لازم يخلصو
|
|
#4
25-01-2017, 11:48 AM
|
|||
|
|||
|
اقتباس:
انا والله كل دروسي 4 او 3بس ومع ذلك بحس اني مش بعرف استغل المدرس اسوا استغلال هههه بسبب الضحك والهزار بتاع العيال اللي معايا مع المدرس ولما بنطلع من الدرس لازم يضيعوا الوقت ف تفاهات بقا هنشري حاجة لا هنصور ورق لما حسا ان وقتي كلو ضايع حتي جوا الدرس
|
|
#5
25-01-2017, 12:08 PM
|
|||
|
|||
|
اقتباس:
 ولو المجموعه شايفه انها بتضيع وقت غيريها حتى لو صحاابك لانهم مش هينفعووكي لازمالمجموعه تكون بتحل كتير عشان تشجعك مش تحبطك انا كنت باخد مع مجموعه في درس الكيميا المجموعه دي كان مستحيل اني اسيبها كانو دايما بيخلوني احل حتى لو في امتحانات والمجموعه دي كلها 4 في طب وانا وواحده تاني في هندسه اللي اقصد اقوله انك هتبقي على حسب المجموعه لو نايمههتنامي معاهم لو شغاله لازم هتشتغلي معاهم غصب عنك 
|
|
#6
25-01-2017, 12:46 PM
|
|||
|
|||
|
اقتباس:
شكرا جدا يا بشمهندسة منتحرمش منك ولا من زوقك والله بس يارب تفضلي قريبة مننا طول السنه عشان لو احتاجناكي بقا
|
|
#7
25-01-2017, 01:04 PM
|
|||
|
|||
|
اقتباس:
العفو على ايه انا السنه اللي فاتت كنت بحب جدا اسمع للي اكبر مني وكانو بيريحوني ويطمنوني انا بس برد شويه من فضل البوابه عليا  وانا اهو معاكو منين ما تعوزو اي حاجه في اي ماده وفي تنظيم وقت في مراجعه انا تحت امركو ومش هزهق ابدا منكو  
|
|
#8
25-01-2017, 01:08 PM
|
|||
|
|||
|
اقتباس:
بالنسبة للترجمة كنتي بتتعاملي معاها ازاي طول السنة بحيث انك تبقي تمام فيها والنحو هل كنتي بتكتفي بحل قطع كتير ولا كنتي بتراجعي القواعد من حين لاخر
|
|
#9
25-01-2017, 01:21 PM
|
|||
|
|||
|
اقتباس:
الترجمه انا زي ما قولتلك كنت بحل كتير في الانجليزيوفي نفس الوقت مكانش في قطعه ترجمه قدامي الا واحلها احل كتييير جدا جدا جدا هو بجد الحل خليلها وقت في اليوم نص ساعه او ساعه كده الترجمه حلها الحل مش حفظ الكلمات يعني انتي لما تيجي تحلي اكيدهتقابلك كلمات جديده فهتحفظيها لكن لو حفظتي بس سهل جدا تنسي والحل الكتيرهيعلمك مهاره مهمه اوي في الترجمه وهي انك تستنجي معنى الكلمه من سياق الكلام ودي بتيجي من كتر الحل الانجلش عموما ابوه الحل بجد حلي كتيير جدا النحو كنت بكتفي بالحل الكتير برضه لاني لو حسيت ان حاجه مش فاكراها او مش عارفاها بطلع الدرس اراجعه كله الاستاذ هو اللي كان بيقولي كده اينعم كنت ساعات بكسل اراجع الدرس كله وارجع للحاجه اللي انا عاوزاها بس بس في الاغلب كنت براجع بس فانتي لو حليتي 5 قطع في الاسبوع في الاغلب هتكوني راجعتي المنهج كله وبرضه حليتي
|
|
| العلامات المرجعية |
| الكلمات الدلالية (Tags) |
| الصف الثالث الثانوى, ثانوية خمس نجوم, ثانوية عامة.موقع |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 04:33 AM.
