اقتباس:
المشاركة الأصلية كتبت بواسطة Hope Vs Despair
كلام حضرتك في كمية طاقة سلبية وكويس انك خرجتيها عالمنتدى وده احدى علامات التفوق الاحساس بالتقصير دائما ما يرى الانسان الناجح نفسه مقصرا مهما فعل ...النسيان امرطبيعي جدا لسنا اول من دخلوا هذه السنة المذمومة-لعنها الله- فتقريبا مش عايزين نطلع منها عندنا ضغط ومنفسنيين انا بردك عندي كمية طاقة سلبية هائلة بس اهو بحاول اتكل على رب ومسخر كل الطاقات :-) فالتزموا التوازن النفسي بالذات لان العامل النفسي سبب في دمار ناس كتير او كان سبب في معاناة وكان فاضل بين النار وهم شعرة بس ربنا سترها معاهم طبعا الشخص ده انا :-) ا لمهم عقلك الباطن طوعيه للشئ الايجابي دايما بيقولم متقولش انا خايف اسقط بس قول انا خايف منجحش المغزى اننا نبعد عن اي كلمة سلبية خارجية كانت او داخلية من نفس الانسان ودي الاخطر من وجهة نظري طبعا وفي الاخر طالما اجتهدي فاثقي انك هتوصلي باذن الله وادعيلنا كلنا متورطين يارب الكل يفرح :-) وعذرا عالاخطاء الاملائية والنحوية :-d
|
بص الاول صل على النبي بس واسف لو ممكن اتطرق بعيدا عن الثانوية والدراسة شوية
انا من 1 ثانوي بيجيلي حالة كده مش بتنفس تماما و اطرافي مش بتتحرك اول ما اتعصب او اتضايق او حاجة تزعلني و مكانش فيه اي سبب عضوي واي حد كنت بروحله كان بيقول السبب نفسي + ان طبعا كان اقل اقل حاجة بتعصبني جدا فجيت كده على شهر 1 بدأ الضغط يزيد شوية وحصلي حاجات ضايقتني جدا جدا صدمتني فالموضوع بدأ يرجع تاني فمن ساعتها مبقتش شايل هم اي حاجة طول مانا بتعب وبعمل اللي عليا ومن كتر الحاجات اللي كنت بدعي ربنا بيها وطلعت في الاخر شر كبير ليا وربنا بعدها عني بقيت واثق من ان ربنا كاتبلي الخير من غير ما ادعي فمش لازم يكون عندي طاقة سلبية وكده طول ما انا بتعب وبجتهد وده ميمنعش اني في اوقات كتير بكون مقصر
بس بعيدا عن الثانوية يعني هي تعتبر من ضمن يعني غيرت بصراحة نظرتي للحياة مبقتش ازعل من حاجة او حد وحسيت ان الدنيا افنى بكتير من ان اضيع لحظة فيها مكشر او خايف او قلقان ومفيش حد او حاجة تستحق اني ازعل وبقيت معظم الوقت بحاول اضحك واهزر واكبر دماغي والتمس العذر للناس
الفكرة مش بجد اني بحاول اخليكم تتفائلوا وخلاص بس بجد امبارح كان فيه بوست نازل بيتكلموا فيه عن الثانوية و ناس كانت كاتبة انها بدأت تفتح الكتب اول 5 و مجموعهم كسر ال99 فالفكرة ان كلنا بنجتهد ومن اول السنة فالحاجة الوحيدة اللي حتمنعنا من الوصول لده انه ميكونش خير لينا مش اكتر طول ما الواحد بيتعب ربنا كاتبله الخير ايا كان وحاولوا تفكوا وتهزروا الموضوع مش مستحق كل ده و عذرا على الاخطاء الاملائية والنحوية ايه حرام عليك يا محمود هو ده موضوع تعبير
الثانوية مش سنة مذمومة ولا حاجة معظم الناس قالت ان الثانوية كانت امتع سنة في حياتهم كفاية لمة الدروس وصحابك والمدرسين وكفاية لمتنا هنا على البوابة و اما حد بيحتاج حاجة بيلاقي جيش بيساعده فايه يستدعي يكون جوانا اي طاقة سلبية اصلا طول ما انت شخص بتتعب وبتتقي ربنا و جواك نضيف وبتتمنى الخير لغيرك زي ما بتتمناه لنفسك ايه يستدعي تقلق او تزعل ؟ اسألوني انا وصلت للمرحلة دي بعد انابيب اكسجين كتير ياخوانا
و اسف على الوقت اللي حد حيضيعه في انه يقرى الكلام الفاضي ده
27-04-2017, 02:49 PM
العرض الشجري
