كل كلية تجارة عين شمس يدخل بقا هنا مش هلف عليكو هنا رابطة كلية تجارة

[حسااام]

عاوز اتعرف على اصدقاء فى تجاره عين شمس ويا ريت اللى يدخل يكتب السيره الذاتيه بتاعتو

[زبادو]

هاى اسمى نشوى عمرو اول سنة ليا فى تجارة انجليزى عين شمس انشاء الله

[midoxp]

المشاركة الأصلية كتبت بواسطة الرهينه

اولا طبعا مافيش مقارنه بين عين شمس والقاهره عين شمس المناهج تقيله والامتحانات غبيه وكمان الوقت قصير
كويس انك عارفة :D

عكس القاهره خالص يعنى هما مرفهين بالنسبه لعين شمس
بس برده ما تنساش ان عين شمس ليها الاولويه فى التعيين عن اى جامعه حكوميه تانيه
خبر جميل اوووى

اما بالنسبه بقى لجلال صالح :D رغم انه لسانه مسحوب منه والفاظه مقززه الا ان شرحه بجد لا يعلا عليه 15 دقيقة فقط فى الساعتين
بس انا عن نفسى حضرتله مره لقيت نظامه كده ما كررتهاش بس برده ماقدرش اقول ان شرحه وحش هو للاسف شرحه حلو ويمكن ده العيب الوحيد اللى فيه:D

وامتحان اقتاصد التيرم التانى الامتحان الوحيد اللى كنت خارجه معيطه منه بجد كنت منهاره وكنت خايفه جدا من نتيجته وخصوصا ان ابراهيم نصار مقتنع تمام الاقتناع ان اللى ما ينجحش ف مادته من اول مره ما يستحقش انه ينجح فيها تانى راجل مستفز اصلا ... ونجحت فيها على الرفع
لا الحمدالله انا جيد

جيت على الجرح :D بجد انا شوفت التقديرات كلها عشان الاقى حد اكتر من جيد مالقتش غير واحده هى اللى نصفتنى جايبه جيد جدا بصراحه صدمت من التقديرات

بس برده انا ما زلت متفائله بس كل خوفى من ان جلال صالح هيدينا الاربع سنين لا مش هنشوف غير فى الفرقة الرابعة ان شاء الله فى التخصص شعبة المحاسبة

كفايه كده بقى زمانهم اترعبوا وهيحولوا من قبل ما يشوفوها ونضيع عليهم فرصة التعارف بالبروف جلال صالح:D

شكرا ياجيهاد لاعترافك انا عاوز اروح القاهرة اخسن انا حساس انى مظلوم فى تقديرات المواد من المواد الا انا مظلوم فيها الرياضة البحتة المفروض اجيب على الاقل امتياز لانى هى المادة الوحيدة الا كانت بذاكرها كتير جدااااا لدراجة انى خارج من الامتحان وقالت انا خلاص جيب امتباز فى الرياضة البحت والحمدلله التقدير بيقولى رياضة بحتة : م (مقبول)
حرام
وانتى شكلك كدة من الناس المجتهدة :D انا عاوزك فى خدمة نتعرف ونكون اصدقاء وتصورى المحاضرات وتعملى موضوع على المنتدى
ومش بعيد اكون عارف اصدقاء البنات وانا طبعا شخصية معروفة جدا فى الكلية انا على طول بكون امام المدرج :D:D:D:D:D

[الرهينه]

المشاركة الأصلية كتبت بواسطة midoxp

شكرا ياجيهاد لاعترافك انا عاوز اروح القاهرة اخسن انا حساس انى مظلوم فى تقديرات المواد من المواد الا انا مظلوم فيها الرياضة البحتة المفروض اجيب على الاقل امتياز لانى هى المادة الوحيدة الا كانت بذاكرها كتير جدااااا لدراجة انى خارج من الامتحان وقالت انا خلاص جيب امتباز فى الرياضة البحت والحمدلله التقدير بيقولى رياضة بحتة : م (مقبول)
حرام
وانتى شكلك كدة من الناس المجتهدة :D انا عاوزك فى خدمة نتعرف ونكون اصدقاء وتصورى المحاضرات وتعملى موضوع على المنتدى
ومش بعيد اكون عارف اصدقاء البنات وانا طبعا شخصية معروفة جدا فى الكلية انا على طول بكون امام المدرج :D:D:D:D:D

هههههههه انت واخد عنى فكره وحشه اوووووووووى بقولك ما حضرتش غير محاضرة محاسبه واحده ف الترم كله
بس فى الاخر كنت بذاكر بتركيز دى كل الحكايه وطبعا لولا دعا الوالدين كان ربنا ستر :D

ومن رأيى تفكر تانى فى حكاية التحويل دى ... دى عين شمس بالدنيا

[midoxp]

المشاركة الأصلية كتبت بواسطة الرهينه

هههههههه انت واخد عنى فكره وحشه اوووووووووى بقولك ما حضرتش غير محاضرة محاسبه واحده ف الترم كله

بس فى الاخر كنت بذاكر بتركيز دى كل الحكايه وطبعا لولا دعا الوالدين كان ربنا ستر :D

ومن رأيى تفكر تانى فى حكاية التحويل دى ... دى عين شمس بالدنيا

اوك مش هتكلم انا مكنتش بخضر الا بعض المواد بسبب الشغل
لكن انا عاوز اعارف رايك فى كرفان وسندباد او اذكر من abc
ولا انتى كانت بتذاكر من الكتب

[midoxp]

بلاش موضوع عين شمس بالدنيا لانى مخنوق من الجامعة كلها او الكلية بالخصوص انا بحب الكلية لكن عاوز اعمل حاجة وحساسى انى مظلوم
عارف النتيجة بتعتى اية
المحاسبة ترم اول جيد جدا
الاقتصاد1 جيد
الاقتصاد2 جيد
اللغة 1 جيد
اللغة 2 جيد
والباقى بسم الله ما شاء الله
مقبول

[الرهينه]

المشاركة الأصلية كتبت بواسطة travel

بمناسبة جلال صالح بروف المحاسبه ده موقف حصل لاخويا فى الكليه

هو من الاساس ما بيحضرش محاضرات و بالتالى ما يعرفش شكل الدكاترة , بس يوم امتحان محاسبة اولى ترم تانى ( شركات ) عرف شكله

الامتحان عبارة عن 10 درجات البروف , و الباقى مقسم بين ال2 دكاترة التانيين

مدة الامتحان يادوب تحل ال سؤال بتاع البروف , حليته صح يا عالم ال 2 التانين هيعملوا فيك ايه , لو حليته غلط , قول على الوقت و على الامتحان كله يا رحمن يا رحيم

هو ( اخويا ) حله فى ساعه و نص , وباقى نص ساعه , طل عليهم الدوك فى اخر نص ساعه ها يا اولاد ايه اخبار الامتحان , رد واحد من الزمله قاله الامتحان صعب يا دوكتور

شخط الدكتور و قاله , ماتقوليش صعب

رد اخويا و قاله : الامتحان طووووووووووويل

الدوك : اه تقولى طويل اقولك ماشى تقولى صعب لا , امال انا اشتغل ازاى , لازم احط شغلى فى الامتحان , امال انا اعمل ايه

رد واحد قاله : طيب و الحل ايه يا دوكتور

الدوك قال : حل اللى تعرف تحله و سيب الباقى

اخويا بيقسم انه كان داخل المادة ديه ب 18 درجة من 20 , كان نفسه انه يجيب فيها امتياز , و ربنا من عليه و جاب مقبول مرتفع ( اعلى مقبول ) م#

مش علشان ماعرفش يحل لاسمح الله , علشان وقت الامتحان يدوبك حل سؤال البروف , ورسم جدولين للدكتور الفرع التانى بتاع التصفيه , ومالحقش يحط ارقام

و خرج بعدها من الامتحان بيقول ( عرفت ليه الكليه ديه مفيهاش تقدير )

لو المادة تتذاكر امتحانها اكبر من وقتها و كل دوك بيتفذلك فى حطة امتحانه زى ما يكون مافيش غيرة اللى بيحط الامتحان , والساعتين كلهم ليه و بس , الباقى حنينين , فهو لازم يخاف ربنا و اللى يتخرج منها يكون يتقال عليه محاسب (( ))

يابنتى ده الطبيعى فى عين شمس لازم يتعود
وبعدين اساسا الوقت مش كافى لحل الامتحان كله
هو المفروض بيقسم وقته يعنى ساعه مخصصه لجلال صالح وبمجرد ما تخلص الساعه سواء خلص او ماخلصش يتقل ع الجزء التانى وده كلام الدكاتره
وللعلم لو هو مين لا يمكن يحل الامتحان كله وبرفكت ف الساعتين
قولى لاخوكى بس يركز ف المحاضرات الاخيره اللى بيركزوا فيها ع اللى جاى ف الامتحان
وبكره تقولى جيجو قالت

المشاركة الأصلية كتبت بواسطة travel

بعد كورس التعقيد اللى قلته فى الرد اللى فات دي النصيحه اللى اقدر انصحها لكل اخ او اخت داخله الكليه و والله بدعى من كل قلبى اشوف لناس هناك تقدير

الدكاترة هناك بتنتقم بحيث ان محدش يفلح , واناهعند فيهم و هنصح نصيحه لله ارجو منها ارضاء وجه الله , وانا ادعو الله ان يرينى لكل اخوانى و اخواتى كل خير فى الكليه اللى ما يعلم بيها الا ربنا ديه

ديه خلاصة خبرتى فى الكليه و نصيحه خالصه لوجه الله

المحاسبات كلها و المواد الرياضه كلهاا ( ترم اول و ترم تانى ) مواد تقدير فرصه لا تعوض و حرام اى حد يفرط فيها

الادارة ( ترمين اول و تاى ) دكاترتهم ناس محترمه جداا و بصفه عامه كل دكاترة مواد الادارة ناس فى قمة الاحترام , بيصححوا الورق و كل واحد بياخد حقه , ولو حد قال غير كده يبقى بيظلمهم , بيتجنى عليهم ( والله كنت باخد بالدرجه بحل عدد معين من الدرجات اطلع الاقيه بالظبط , ويمكن اكون باخد اكتر من حقى )

الاقتصاد : ( ربنا يتوالاكم برحمته ) و يسترها على الكل لحد ما يظهر حد فى الجامعه ديه يلغى دراسة الاقتصاد منها رحمة و رأفة بالطلبه فيها

الاقتصاد رسومات ثم رسومات ثم رسومات . لحد سنة رابعه اقتصاد ابراهيم نصار ( ديه كان اول تعارف بينى و بينه ) مالوش ملامح , انا حليت رسومات و شيلته و صاحبى حل نظرى و شاله

الاقتصاد اسألوا عن ابراهيم عناد و اسمعوا كلامه . ( مش دعايا والله نصيحه لوجه الله ) .

باقى النظرى بردوا مواد نجاح و سقوط يا تنجح يا تسقط , مالهمش تقدير

سنه اولى سهل النجاح فيها

سنة تانيه : سنة تقدير تقدير تقدير , اى حد عاوز يحول من انتسال لانتظام قدامه تانيه فرصه رهيبه

سنة تالته : يا تنجح بتقدير , يا تسقط بتقدير

مفيش النص , اصعب سنه فى الكلية , و ليها سكتها , اوعد كل حبيبى مع بداية نزول الورق هعمل مواضيع اقولهم يعملوا ايه فى مل ترم و كل مادة

تالته تقدير , يا سقوط , سنه جد جد , سنه غير السنتين اللى قابلها خالص , اللى هيذاكر فيها زى ما ذاكر فى اولى و تانيه , اعذرونى ربا يسترها عليه .


رابعه : اطول سنه فى الكليه , سنه تقدييييير , يا سقووط , المناهج سهله , ولكنها طويله جدااا .


ربنا يوفق كل الطلبه اللى داخلين الكليه , و نصيحه اخيرة ليهم ( ماترموش ودانكم لحد و الكليه ) ما تسمعوش لحد و ما تصدقوش حد

اللى يقولك مفيش حد بينجح , واللى يقولك اللى بيذاكر بيسقط و اللى ما بيذاكرش بينجح
اللى يقولك اللى بيقعد قدام كلهم سقيطه و اللى بره هم اللى بينجحوا

ما تصدقوش اى حد

انت فى كلية تجارة عين شمس يعنى ( كلية الاشاعات ) نادرا تلاقى خبر فيها صدق . حتى يوم النتيجه بيقولوه غلط

ربنا يتوالكم و لو حد عاوز اى حاجه من الكليه انا تحت امرة

و بالاخص سنه اولى : لان اغلبهم بيدخلوا تايهين , ومش عارفين ,
ماهو ده السبب فى ان اول سنه تعتبر من اصعب السنين مش حكاية صعوبة مناهج او غيره بس مافيش تعود

انا اللى عملته ده علمته لانى شفت كتير و ارجو من الله انى ما شفش اللى شفته فى نفسى على حد ابدااا

و ربنا يوفقكم و اسمع عنكم كل خير


تحياتى ,
(اخو ترافل)

اخوكى شكله جايب اخره من الكليه
بس رأيه فى الدكاتره بيتهيألى فى ناس مديهم اكتر من حقهم وفى ناس تانيه ظالمهم
بس فى الاول والاخر دى وجهات نظر وكل واحد وطريقته
بالمناسبه هو سنه كام

[الرهينه]

المشاركة الأصلية كتبت بواسطة midoxp

بلاش موضوع عين شمس بالدنيا لانى مخنوق من الجامعة كلها او الكلية بالخصوص انا بحب الكلية لكن عاوز اعمل حاجة وحساسى انى مظلوم
عارف النتيجة بتعتى اية
المحاسبة ترم اول جيد جدا
الاقتصاد1 جيد
الاقتصاد2 جيد
اللغة 1 جيد
اللغة 2 جيد
والباقى بسم الله ما شاء الله
مقبول

انا عن نفسى شايفه ان نتيجتك كويسه جدا بالنسبه لاولى
وعلى فكره انا نتيجتى جايبه 5 مقبول و4 جيد و3 جيد جدا و1 ممتاز
مش النتيجه اللى هى برده .. بس كويس انها جات كده انا كنت خايفه جدا

وبالمناسبه انا بنت

[ahlymisr]

أنا إسمي محمد محسن أولي تجارة إن شاءenglish ‎

[الرهينه]

ايه يا جماعه تجارة عين شمس انقرضوا ولا ايه

ولا ده تأثير البروف

[رونالدينهوو]

الحمد لله انكوا عرفتونى بيها قبل ما اخشها انا حررررررررررررررررمت
عمرى ما هفكر فيها تانى خالص

[ماهينور 2]

يانهار ابيض ايه ده الحمد لله اني تجاره حلوان والله يكون في عون اللي دخل تجاره عين شمس

بس راي الشاطر شاطر او اللي عاوز يبقي حاجه بيكون ويتحدي نفسه والدكاتره ويجتهد ويطلع الاول علي الدفعه

[gygy_love 2008]

عندك حق والله الشاطر شاطر فى اى مكان

[bondok fady]

انا عن نفسى كنت تجارة عين شمس بس الحمد لله انا حولت الى بنها علشان اعرف احول القاهرة السنة اللى جاية وارحم نفسى من عذاب عين شمس ودكاتراتها واللى عايز يحول بنها انا تحت الخدمة الخدمة سارية لمدة 24 ساعة

[bondok fady]

عين شمس مين تانى انتوا عوزنى اخد السنة بسنتين ولا ايه ارحمونا عايزين نخلص ونخلص من الجامعة بقى على طول انا من راى ان القاهرة احسن كلية وههه سهله شويه احسن من بروفات عين شمس بكتير اوى
انا عن نفسى احول القاهرة بس الاقرب ليه بنها فلازم اقضى فيها سنة على الاقل وبعد كده احول القاهرة
اما عين شمس ف تخدلها جنب فى الركن زتسكت خلى ربنا يعديها على خير
ونفسى نكون اصحاب فى المنتدى دى ياريت انا نفسى اصحاب ناس بتواجه الصعاب
واشكركم اذا قبلتم دعوتى