|
||||||
| أرشيف المنتدي هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#31
14-08-2008, 05:31 PM
|
||||
|
||||
إخوانى المعلمين رأى الأخ منتصر فيه كثير من العقل والمنطق والمواكبة لروح العصر الذى انتشرت فيه الوسائل العلمية والتكنولوجية
الحديثة , نعم نحتاج لدورات رفع مستوى لنواكب التطور المذهل فى وسائل العلم والتعليم ولكن ليس بهذه الصورة الفجة التى تنقل على وسائل الإعلام وبأرقام جلوس ولجان وغيره -يمكن السيد الوزير يخرج لناقانون بامتحانات شهرية وشهادات يُوقع عليها أولياء أمورنا- بكل صراحة نحتاج لتدريبات متنوعة وليس إمتحانات والدليل أن أى مدرس لغة عربية سيُخرِج من أى موضوع فى المنتدى أخطاء لغوية لاتُعدّ أما الأخ الذى جعلنا خدامين للغرب فأعترض على كلامه أقول له بكل أدب لسنا كذلك ولن نكون أما عن عرضنا لأسئلة متنوعة فهذا ليس تسليم بالأمر الواقع ولكنه - كما قال الأخ منتصر - استماع لصوت العقل . وأقول للأخ الحالم : حلمك جميل تهفو إليه النفس وليس بصعب على الله تعالى تحقيقه على يد الرئيس مبارك إن شاء الله فبينَ طرفةِ عينٍ وانتباهتِها يُغيّرُ اللهُ من حالٍ إلى حالِ محمد عفيفى مدرس أول اللغة العربية بالتعليم الثانوى[/size][/size][/color]
__________________
قال تعالى :( رب أوزعنى أن أشكر نعمتك ) صدق الله العظيم  آخر تعديل بواسطة محمدمصطفى مصطفى ، 14-08-2008 الساعة 05:39 PM |
|
#32
14-08-2008, 06:57 PM
|
||||
|
||||
|
اقتباس:
حبيب قلبي أستاذ / منتصر وهذا ما قلته من قبل سواء امتحنونا أم لم يمتحنونا لقد تم فضح المعلم المصري في الكرة الأرضية من أجل زيادة راتبه وليس من أجل تطويره فالتطوير عملية مستمرة ومتواصلة والتقويم الحقيقي والمتابعة المستمرة الأمينة والحقيقية لا تتم بامتحان في ثلاث ساعات وما أدراك ما سيحدث بعد إمتحان الثلاث ساعات هل بعد الامتحان سيتتطور المدرسون وتتطور العملية التعليمية ؟؟!! عموما أنا أول المنادين بتطوير المثلث التعليمي المعلم ، والمنهج ، والتلميذ أيضا وعشان ماتزعلوش بتطوير ولي الأمر أيضا وعشان ماتفكروش في أي حاجة كده ولاّ كده و حيث أنني لا أنتمي لأي حزب أو جماعة أو حركة أو وزارة إلا الوزارة بتاعتنا وحيث أنني مدرس فقط وقد تمرمطت في التربية والتعليم فوالله يا أخي لو كنت عميلا لبلدك فهذا شرف لك خير من أن تكون عميلا لدولة أخري هل إذا دخلت الامتحان من أجل زيادة راتبك تكون عميلا وحيث إنني لست عميلا لأي أحد ولا أرضي لنفسي أن أكون كذلك لذلك أُطالب أيضا بتطوير الوزارة كلها حتى لو جابوا نصها من الصين الشعبية دا بمناسبة الاوليمبياد تشجع يا أخي وادخل الامتحان وزي ما تيجي أنا بس اللي حازز في نفسي الأسلوب غير التربوي إللي وزارة التربية والتعليم تعاملت بيه معانا من أجل زيادة الراتب وليس من أجل التطوير إن مواجهتك واحتمالك وتعليمك ل 50 طالب ثانوي طول العام في كل يوم بل في كل حصة والإعداد لها والرسوُّ بها مع طلبة من جميع المستويات واختلاف البيئات والأفكار والمعتقدات هو أصعب واقسي امتحان حا تيجي علي ثلاث ساعات مين عارف يمكن ربنا يبارك فيهم بثلاثة قرون (يعني 300 سنة عشان ما حدش يفهمني خطأ) لقد اعتدنا علي تحمل المسئولية ومواجهة الصعاب فليكن ما يكون لقد قالها مسئول الأزهر : إن كل مدرس عندي يعتبر كفاءة أما أساتذة التربية والتعليم فمشكوك في أمرهم إلي يوم الامتحان ياجماعة موش احنا برضُه تبع الحكومة ( يعني إدفع وبعدين إتظلِّم ) هل لديكم حل أخر لزيادة الراتب
__________________
 |
|
#33
15-08-2008, 02:12 AM
|
|||
|
|||
|
يا استاذ يا محترم @ff@
نحن لسنا ضد الاختبار ولكننا ضد ربطه بالكادر ممكن يكون الاختبار بعد كده مرتبط بالترقية او اى آلية اخرى على كده بقى كل موظف فى الدولة المفروض يمتحن فى الاداريات اللى هو مسؤول عنها ؟ولا ايه راى سيادتك باحلم لو عاد الاسلام يحكم من تانى ويخلى صحارى الاوطان خضرة وامانى باحلم ان العدل يسود عدل عمر وجنوده اسود تحمى الحق وعنده اسود ما تخاف الجانى باحلم ان جيوشنا كتير وسيف الدين عاد للتحري والاقصى ينادى يا امير طهر اركانى حلم لو اتجمعنا صفوف كفى فى كفك نبقى ألوف ونموت جوانا الخوف ونعود من تانى الحلم اللى القلب ناداه شعب بيهتف باسم الله ويخلى امامه وهداه نهج القران وفى الاخر اقول لك يحيا الملك واولاده |
|
#34
15-08-2008, 02:49 AM
|
||||
|
||||
من العميل 113
اقتباس:
بما إنى عميل لأنى حاولت مساعدة بعض المعلمين الغلابة اللى زى حلاتى
وبما إنى لست محترم فى نظر سياتك احب أن اقول لسياتك أما تصحى ابقى قلى وأحب اعرف سياتك إنى من آوائل الناس اللى رافضه موضوع الامتحان بهذا الشكل المهين ولكن مثلى مثل باقى المعلمين هو ده الشرط لزيادة مرتبك اللى وضعته الحكومة وأنا ومثلى الكثير فى حاجة فعليه لهذه الزيادة وبالأخص إذا كان لديك اولاد فما العمل فى رأى جنابك ثم نحن لا نخشى الامتحان المعلم الجيد الذى يستطيع أن يعلم طلابه كيف ينجحون فى اى امتحان يستطيع بسهولة ان ينجح فى اى امتحان وهى ليلة فقط قبل الامتحان عن نفسى ( مجرد قراءة ) أى ملخص فى الامتحانات الثلاثة وبعون الله سوف نجتازه وأكرر إنى من الرافضين للامتحان ولكنى وبما إنى عميل ( فى نظر سيادتك ) لن أبخل على زملائى فى تقديم المزيد مما يساعدهم على النجاح ولو إن ده ضد نظرية سيادتك فينا
__________________
|
|
#37
15-08-2008, 04:19 PM
|
||||
|
||||
|
مين قال لك ان الغاء الامتحانات مفاجأة سارة
هو بس مفاجأة سارة ليك ولأمثالك واسمحلي اخاطبك بلغتك اللي اتهمنا فيها باننا عملاء للوزارة الحقيقة بقى اللي غايبة عن الكل انه من خلال المشاركات الموجودة في المنتدى كل المدرسين بلا استثناء محتاجين مش بس للامتحان لا دول عاوزين يرجعوا يتعلموا الاملاء من جديد لما واحد يكتب لفظ الجلالة بالتاء المربوطة يعني كدة ( اللة ) وتكتب حضرتك الامتحانات بهمزة من فوق كده ( الأمتحانات ) وهي مافيهاش همزة أصلا لا فوق ولا تحت وكمان كلمة إلغاء كده ( ألغاء ) بهمزة من فوق ولما نكتب جملة ( إن شاء الله ) كده ( إنشاء الله ) بمعنى تأسيس أو إقامة يبقى بعد ده كله لسه بنقول ان لغتنا الأصلية هي العربية للأسف اذا كن ده الحال يبقى لازم نرجع ابتدائي من جديد مش نقف في الفصول ونعلم الأولاد يا سيدي العزيز ( فاقد الشيء لا يعطيه ) |
|
#40
15-08-2008, 05:24 PM
|
||||
|
||||
|
اقتباس:
ههههههههههههههههههههههه والله حضرتك مدرس جميل جدا حضرتك فعلا المدرس الحقيقى مش فاهم فيه مدرسين خايفين من الكادر اوى كدا ليه هما برضه مش هيمتحنوا فى تخصصهم ولا هيمتحنوا فى مواد من المريخ
__________________
 تعبان بجد لو فيه حد لسه بيحبنى ياريت يدعيلى ان ربنا يهدينى |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 02:49 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
