محتاجه اسمع آرائكم فى الموضوع ده...

[bosy .. mostafa]

بسم الله الرحمن الرحيم
فيه مقوله مشهوره اوي بتقول (الشيء ان زاد عن حده انقلب ضده)
يعني لو احنا زودنا الكبت و الحبسه على البنت ... راح ييجي بنتايج عكسيه
و برضو لو زودناها في الدلع و تلبية الطلبات .. برضو راح ييجي بنتايج عكسيه
و خير الأمور الوسط .. يعني المفروض مره شده .. و مره لين
بس بصراحه الحكايه دي مش عامه او في كل الناس
انا اعرف بنات بجد اهاليهم مش بيخلوهم يخرجوا لوحديهم او يعملوا حاجه من غير اذنهم و مش بيدلهم كل حاجه هما عايزينها .. و مع ذلك تلاقيهم بنات ماشاء الله اخلاق و كويسين و زي الفل
و برضو فيه بنات اهاليهم مدلعينهم و برضو ما شاء الله اخلاقهم كويسه و مش بيمشوا مشي وحش

انما السبب الرئيسي بيبقى من البنت نفسها .. يا إما هي مش عندها وازع ديني .. و انخدعت في الكلام بتاع الأفلام ده .. و قالت لما اقلد بقى .. و للأسف ده بيكون نتايجه وحشه كتير
و السبب اللي بعد كده غياب الرقابه بتاعة الأهل و انشغالهم .. و انهم مش بيسمعوا للبنت
فبتضطر البنت تلجأ للي يسمع لها و تلاقي عنده الحنان و مش تعرف انه بيكون ذئب بشري اساساً
و السبب التالت بقى من المجتمع نفسه .. دايماً يجيبوا الغلط على البنت .. و الولد ملاك بريء طاهر
بس ده بيرجع لإن سمعة البنت زي الفازه لو اتكسرت مش تتصلح أو زي عود الكبريت بيولع مره واحده بس .. لما يولع خلاص بيبقى اسود و وحش و مش ليه لازمه كمان
اما الولد فتلاقي اهله مبسوطين بيه و يقولوا الواد كبر بقى و بيكلم بنات و واد مطأطأ و البنات بتحبه
و لو عندهم بنت بقى بتشوف اخوها الولد كده و بتحاول تقلده اهلها يقولوا لها احنا مش عرفنا نربيكي ويا خسارة تعبنا ..
يعني البنات اللي ابنهم بيكلمهم دول .. مش برضو زي بنتهم ولا ايه
والله المجتمع مريض اساساً و عايز يتعالج
اعتذر عن الرغي ده
و شكراً للموضوع