إيمان بالله....أم هى إكذوبة الشباب؟!!!!

[bosy .. mostafa]

بسم الله الرحمن الرحيم
انا جيت .. بس بعد المكان اللي حجزته بتلات شوارع :D
المهم
بص يا أحمد مش كل المحجبات كده ..
فيه بنات بتتخذ الحجاب او النقاب كوسيله او كستر على افعالهم
و للأسف البنات هنا اتأثروا بالغرب كتير و بيقلدوا الممثلات و المطربات تقليد اعمى اوي
انا اعرف واحده .. كل لما بتخرج مع اصحابها بتقلع الحجاب و بعدين انا رحت قلت لمامتها
فمامتها زعقت لها فجت تعاتنبي فقولت لها (لما انتِ بتقلعيه مش كنتِ تلبسيه)
قالت لي (يصي يا بوسي .. انتِ تقولي الكلام ده لو انا لابسه الحجاب بمزاجي إنما مش لابساه عشان خايفه من بابا !!) فرديت و قلت لها (خايفه من بابا و مش خايفه من ربنا .. انا كان ممكن اوي مش اقول لمامتك و اطنش .. بس من رأي منكم منكراً ) قالت لي( انت هتعملي عليا داعيه بقى !)
فبقولك فيه بنات يعني بيلبسوا الحجاب عشان اهاليهم .. مش ابتغاء مرضاة الله او حاجه دينيه من اصله
او عشان الناس يقولوا عليها (ياختشي .. دي لابسه الحجاب و متدينه) و اتاريها ميه من تحت تبن

نفس الكلام مع الشباب برضو بياخد من القرآن و المسجد و مظاهر التدين ستر
و الكلام ده اسمه (رياء) عشان الناس تقول عليه (يااااه .. الواد ده متدين اوي ربنا يحميه)
فيه مثل بيقول (يخلق من ضهر الفاسد عالم .. و ضهر العالم فاسد)
اهو الموضوع ده يتلخص في المثل ده

بس برضو زي يا احمد زي ما فيه الكويس فيه الوحش
و الحكايه دي بتتوقف على نسبة تدين الشاب او البنت و اخلاقه و تربيته
كل ده بسبب التأثر بالغرب و التخلف اللي اصابنا في ثقافتنا
و بقى كل هم معظم الشباب :البنات و الأفلام و المواضيع الفاشله دي
و نفس الكلام مع البنات كل همهم: الشباب .. تامر حسني و اخباره .. و الهبل ده
قليل اوي لما تلاقي شاب او بنت كل همه ازاي يرضي ربنا و اهله و قلبه على امته و على مستقبله
و انا اعرف ناس كتير اوي من اللي قلبهم على امتهم ..
ليه دايماً بنبص لنص الكبايه الفاضي
ليه دايماً بنبص للجانب الوحش و نسيب الكويس
ايوا ممكن تقولوا لي لو فضلنا نبص للكويس الوحش راح نزيد
لأ احنا نبص لده و لده
و نشوف انهي الصح .. و انهي الأحسن
شكراً يا احمد للموضوع
و اعتذر عن الرغي