مناقشات مفتوحة لدكتور أحمد خالد...ايه رايكم انتو بقى (انا و شموخ)

[msamido]

كان فى حد بيسأل فى موضوع هنا اسمه " لحظة من فضلك انت لسه بتحب مصر ؟ "

بصراحة مدخلتش الموضوع اصلا لانى مكنتش عارف هجاوب اقول ايه

شكرااا للموضوع وشكرا لانكم هزأتونا بصوت عالى
.
.

[dr.saeed]

المشاركة الأصلية كتبت بواسطة msamido

كان فى حد بيسأل فى موضوع هنا اسمه " لحظة من فضلك انت لسه بتحب مصر ؟ "

بصراحة مدخلتش الموضوع اصلا لانى مكنتش عارف هجاوب اقول ايه

شكرااا للموضوع وشكرا لانكم هزأتونا بصوت عالى.
.

انا صراحة ماعرفشى اصلا الدكتور احمد خالد دة
بس الى عرفته عنه ان اسلوبه ساخر
وصراحة عمرى ما قريت مقالات ساخرة لان الاسلام مش معودنا اننا نحل مشاكلنا بالاسلوب دة
تقبلوا مرورى
فى امان الله

[اوركيديا]

المشاركة الأصلية كتبت بواسطة dr.saeed

انا صراحة ماعرفشى اصلا الدكتور احمد خالد دة
بس الى عرفته عنه ان اسلوبه ساخر
وصراحة عمرى ما قريت مقالات ساخرة لان الاسلام مش معودنا اننا نحل مشاكلنا بالاسلوب دة
تقبلوا مرورى
فى امان الله

اولا موضوع ان حضرتك متعرفش مين هو الدكتور احمد خالد فده غلطتى انا
عشان هو حكايه الاسلوب الساخر او الدخول فى السياسه دى مؤخرا بس هو فى الاساس
و مشهور عشان كتاباته الادبيه المييزه
كان المفروض الواحد يعمل مقدمه بسيطه عنه تعرف الاعضاء عنه
و ان شاء الرحمن الحكايه دى تتنفذ و شكرا على الاقتراح

تانى حاجه بقى و هى دى المهم فى الموضوع
ان الاسلام مفهوش مقالات سياسيه او بمعنى ابسط عشان
النوع الادبى المسمى مقاله مظهرش الا فى العصر الحديث
اما فى العصور القديمه كان المعروف عنها باسم النكته او المزحه

الإنسان العربي لا يتداول النكتة السياسية كي يضحك فقط، إذ كم من النكات أقلقت حكاماً وأطلقت عناصرها من الأمن العام في محاولة للبحث عن مصادرها. فالنكتة العربية تكتسب في بعض صورها دور المؤشر بالغ الحساسية على حالة المزاج الاجتماعي إذ إنها الابنة الشرعية لهذا المزاج، فهي تولد سراً وتروج سراً فيما أجهزة الإعلام الرسمية تفرد صفحاتها الأولى للأخبار الرئاسية والصور الخاصة للقائد المبجل. وبقدر المفارقة تكون سخرية النكتة. ولأنها ذلك كله، فإن الحكام في كثير من الحالات يحرصون على سماعها حتى في الحالات التي يكونون هم أنفسهم موضوعها.

لقد تعرضت السياسة العربية منذ فجر التاريخ العربي حتى اليوم إلى النقد بأساليب مختلفة تتباين من عصر إلى عصر ومن بلد إلى بلد واعتمدت المباشرة أحياناً والتبطين والتلميح أحياناً أخرى، وكانت كلها تصب في خانة كشف سلبيات السياسيين وولاة الأمر بهدف الإصلاح السياسي والاجتماعي كما كان بعضها نكات تنفس عن حالة الكبت فيما كان البعض الآخر يدخل في مجال الفكاهة لقتل الوقت وتسلية الجمهور.

والمؤرخون يوردون نماذج كثيرة من النكات العربية القديمة يروون بعضها عن النبي (ص) نفسه. فالرسول (ص) ربما كان الوحيد بين الأنبياء ممن عرضت في سيرتهم نماذج من النوادر وأرباب الظرف. وهو أمر متوقع من شخص موهوب بحس شعري مرهف - على حد قول المؤلف-.

إن الرجل الفكه لا يملكه الغضب - والكلام لا زال للمؤلف- والنبي (ص) لم يعرف عنه مطلقاً إنه انفعل ففقد أعصابه مع كل ما تحمله من التحديات والإساءات. وقد كان ينعم بكثير من الانفتاح والتسامح والتساهل وسعة الصدر. وكان من شأنه المزاح مع صحابته، يضحك لنوادرهم ويوصي المؤمنين بالمزاح. قال لهم:- روحوا القلوب ساعة بعد ساعة فإن القلوب إذا كلت عميت. وفي حديث آخر جمع بين الظرف والفلسفة، قال:- أنا أمزح ولا أقول غير الحق.

لقد روى ابن قتيبة كيف إن النبي (ص) بقي يضحك سنة كاملة لإحدى نوادر نعمان المزاح عندما باع بدوياً رجلاً من الأحرار كعبد. والمؤرخون يصفون النبي (ص) في مناسبات كثيرة يضحك من كل قلبه وبكل جوارحه حتى تظهر ثناياه.

هو ده اللى كنت عايزه اقوله بس حبيت اجيب كلام علمى ممنطق لايصال الفكره
فاللى عايزه اوصله ان المقالات السياسيه بينطبق عليها نفس الكلام اللى بينطيق على النكته السياسيه
اللى زادت جدا فى العهود المجيده اللى احنا عايشينها
و انا متفقه مع حضرتك انها غالبا مش بتوصل لحل او بمعنى اصح الحكام بطلو يعملولها حساب
بس هى زى ما المصطفى (عليه افضل الصلاه و السلام )قال :روحوا القلوب ساعة بعد ساعة فإن القلوب إذا كلت عميت.
و ده مش بينطبق على النكت العامه برده على النكت السياسيه او المقالات السياسيه

بس يبقالنا حاجه قول المصطفى :أنا أمزح ولا أقول غير الحق.
يعنى ان النكت دى او المقالات دى لازم تكون بتتكلم عن حاجات حقيقيه
وده فعلا اكتر حاجه عجبتنى فى المقالات دى
فهى مش بتعتمد على الكلام المرسل على قد ما بتحكى خبرات شخصيه ليه هو نفسه
و بيسوقها بطريقه مشوقه
يا ريت اكون قدرت اوصل وجهه نظرى فى الموضوع
ولو حضرتك عندك اى اعتراض او تعليق فياريت تشاركنا بيه
فى رعايه الله