|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
28-08-2008, 10:01 PM
|
||||
|
||||
`•.¸¸.•´´¯`••._.• سامحنى يا محمد `•.¸¸.•´´¯`••._.•
فى أحدى ليالى الشتاء شديدة البرودة
تلك اليالى التى نحس فيها أن مصر سوف تتحول الى قطعة من القطب الجنوبى  كنت أسير فى أحدى الطرقات حينما لمحت عيناى (محمد) طفل لا يتجاوز السادسة من عمرة كان يرقد على حجر أحدى السيدات فى حالة من فقدان الوعى تقريبا كان كالملاك النائم..... مغمض العينين لا يحس بزحمة الطريق أو الأصوات الصاخبة التى كانت تملأ الشارع كأنة فى عالم خاص بة هو فقط أضف الى هذا ملابسة الصيفية التى لاتناسب طبيعة الجو المحيط بة وأذا بتلك السيدة تنطق بعبارات معناها أن هذا الطفل مريض وبحاجة الى العلاج وتطلب المساعدة من أهل الخير مع بعض الدعوات أن يحفظ الله أهل الخير وأولادهم...........ألخ هنا قررت أنا أذهب الى هذة السيدة جلست بجوارها وألقيت عليها سلام الله فردتة فى شيئ من الطيبة والريبة أيضا ودار بيننا حديث لا أتذكرة  لأن عيناى كانتا ترفضان النظر ألى أى شيئ آخر دونا عن هذا الملاك النائم وهنا سمحت لنفسى بأن أضع يدى على جبين الطفل فكان كما توقعت بااااااااااارداااااااااا كالثلج وكان وجهة شاحباااااا جدااااااا كأن لادماء فية هنا شككت فى أن يكون هذا الصغير قد فارق الحياة فسمحت لنفسى أيضا أن أمسك بكفة الصغيرة لأرى أذا كان قلبة لازال ينبض أم لا هنا وقبل أن أتأكد من نبض الصغير أذا بهذة السيدة تبعد يدى عن يدة فى شيئ من العنف قائلة لو سمحتى يا آنسة.هو أنتى دكتورة؟؟؟؟!!!! الحقيقة لأ . بس كنت عاوزة أطمن ع الولد.....شوفى منظر وشة وبعدين أنا كمان أعرف دكاترة كويسين ممكن يعالجوة ويساعدوة ببلاش عشان يخف لأ يا بنتى كتر خيرك ,أصل الدكاترة اللى بيعالجوا ببلاش دول شغلهم بيبقى أى كلام لأ يا حاجة.دول ناس أنا أعرفهم كويس وعارفة شغلهم وحنيتهم وفوق دة كلة يقربولى وأنا اللى هطلب الموضوع دة بشكل شخصى فأطمنى......أة صحيح,,,,,,,,هو الولد دة اسمة أية؟؟؟ أسمة محمد يا بنتى طيب ومعندكيش ولاد غيرة؟؟؟؟؟؟؟ لآ يا بنتى..هو أبنى الوحيد وربنا ابتلانى فية والناس مبترحمش ومش عاوزين يساعدونا يعنى أنتى مامتة؟؟؟؟ نظرت الى بدهشة وقالت كمتهمة تدافع عن نفسها طبعااااااااااااا طيب يا حاجة,,,,,,,وهو فى أم تقعد ابنها العيان كدة فى الشارع فى عز البرد بالهدوم الخفيفة دى!!!!!!!!! دة حتى البرد ممكن يخش فى العضم بتاعة ويجيلة روماتيزم لاقدر الله!!!!!! يا بنتى أعمل أية؟؟؟؟؟؟مهو كلة عشان علاجة ودار بعد ذلك حوار طويل بيننا رفضت فية هذة السيدة كل عروض المساعدة العينية وكانت فقط تريد أموالا سائلة بحجة أن هذا أضمن للولد وأفيد لة مع بعض المبررات السخيفة هنا لم أستطع أن أكون لطيفة أكثر من ذلك فقلت لها وبمنتهى الغباء (بصى يا ستى.....الولد دة مش ابنك......دة ولد غلبان أنتى خطفتية من أهلة الحقيقين وأنتى اللى عاملة فية كدة عشان يوصل للحالة دى ويصعب ع الناس......بس لأ..........أنا مش هسكت وأسيب الغلبان دة كدة أنا هطلع ع القسم دلوقتى...واعملك محضر ونرجع الواد المسكين دة لأهلة) وغير هذا من الكلام الذى قلتة نتيجة لأنفعالى على هذا الصغير فما كان من هذة السيدة ألا أن جذبتنى من ذراعى فى عنف......وأخرجت زجاجة من حقيبة بجوارها......وبابتسامة صفراء قالت (بصى يا شطورة عارفة الأزازة دى فيها أية؟؟؟؟؟؟.....مية نار أنا مش هرشها عليكى دلوقتى,,لأ......لكن أقسم بالله لو حصل حاجة من الهبل اللى أنتى قولتية دة أو فكرتى تقربى منى ومن الولد دة يبقى أنتى اللى جنيتى على نفسك ومحدش هيرحمك منى ومن اللى ورايا وروحى قولى للشرطة زى ما أنتى عاوزة...أبنى وأنا حرة فية ودلوقتى بقى.......غورى من وشى قبل ما أغير رأيى) طبعا ذهبت من أمامها لا أدرى هل ذهبت خوفا من تهديدها أم صدمة من كلامها أم يأسا من قدرتى على مساعدة هذا المسكين ولكن مهما أختلفت الدوافع ,,,,,,,,,,,,,فالنتيجة واحدة لقد ذهبت وتركت هذا الصغير بين براثن هذة الشيطانة ذهبت.........وتزاحمت فى رأسى العديد من الأفكار والمشاعر هذة السيدة بالتأكيد ليست أم محمد الحقيقية لابد أن أهلة الحقيقين فى مكان ما ينفطر قلبهم حزنا على صغيرهم ربما فقدوا الأمل فى عودتة...وربما لازالوا يتشبثون بخيوط منة ومحمد هل سيقضى أجمل سنوات عمرة راقدا على حجر هذة السيدة فى هذة الحالة؟؟؟؟!!!!!!!! وكم مضى من سنوات عمرة المعدودة وهو بهذة الحالة؟؟؟!!!! طيب...ترى كم شخص فى مصر يعانى معاناة هذا الطفل؟؟؟؟؟؟؟ وكم أسرة تعانى معاناة أسرتة؟؟؟؟؟؟؟ وكم من شخص_ربما كان منهم مسئول_مر على هذة السيدة ولم يعبأ بمعاناة هذا الصغير هل أصابة الغباء وصدق أن هناك أم تفعل هذا بصغيرها؟؟؟؟!!! أم تجاهل الأمر لأنة لا يخصة فى شيئ؟؟؟؟؟!!!!!!! ترى لو كان محمد هذا أبنى أو أخى لا قدر الله كيف سيكون احساسى فى هذا الوقت؟؟؟؟!!!!!! أن التسول فى مصر_كما قال يوسف السباعى فى رواياتة الشهيرة (أرض النفاق) _ هومن أكثر المهن تنظيما وتقدما ورقيا على الأطلاق.... أن لم تكن المهنة الوحيدة!!!!!!!! فالمتسولون يخططون ويدبرون ونادرا ما يخطئون أنا أقبل أن يأخذوا منى مالى ونقودى ولكن ما لا أقبلة على الأطلاق هو أن يأخذوا انسانا مثلى ويفعلوا بة هكذا وما بالك لو كان هذا الأنسان شخص غالٍ عندى كثير من المتسولين يأخذون الأطفال ويحدثون بأجسادهم عاهات مستديمة لكى يستعطفوا الناس....غير عابئين بأبسط معانى الأنسانية والرحمة وحينما يصل الأمر الى هذا الحد......فلابد للمجتمع كلة أن يقف لحماية أبنائة أخوانى ربما كان محمد أو أحد الذين يعانون معاناتة ابنا أو أخا لأحد فينا فماذا نفعل؟؟؟؟؟؟؟؟؟؟!!!!!!!!!!!!!! نحن كأفراد ما هو دورنا تجاة هذة الممارسات اللأنسانية التى يمارسها بعض مريضى النفوس تجاة أطفال أبرياء لا ذنب لهم فى الحياة!!!!!!!! وفى النهاية لقد حدث لى هذا الموقف منذ حوالى ثلاثة أشهر ولكننى منذ أربعة أيام فقط رأيت هذة السيدة مرة آخرى.......ولكنى لم أجد محمد راقدا على حجرها لقد رأيت طفلةٌ آخرى.....أو بمعنى آخر........ضحية آخرى أين أنت يا محمد؟؟؟؟؟ لماذا استغنوا عن خدماتك يا صغيرى؟؟؟؟؟؟!!!!!! هل انتقلت الى مكان آخر؟؟؟؟؟؟؟ أم عدت الى أهلك الحقييقين؟؟؟؟؟ وأذا عدت الى أهلك..فلماذا هذة الشيطانة لازالت طليقة فى الشوارع؟؟؟؟ أم عادت روحك الى بارئها لأن جسدك الضعيف لم يتحمل قسوة هؤلاء الشياطين؟؟؟؟؟؟؟؟ محمد يا صغيرى من كل قلبى أقول لك سامحنى واعذرنى............سامحنى على سلبيتى سامحنى على ضعفى وجبنى سامحنى على أنانيتى.......سامحنى لأننى خذلتك سامحنى أيها الفتى فأنا الفتاة التى لاتمقت فى حياتها شيئا مثل السلبية وفى أول أختبار حقيقى أفشل فية .......فسامحنى يا عزيزىلقد كتبت هذا الموضوع من أجلك ومن أجل الأطفال الذين هم على شاكلتك فمن الجائز أن يراك أحد الأعضاء هنا..أو يرى أطفالا لهم نفس ظروفك فلا يتصرف بسلبيتى........ويتخذ موقفا أيجابيا أيها الأعضاء أى شخص يعرف طريقة نافعة ومجدية للتصرف فى مثل هذة الحالات رجااااااااااااااااااء أن يقوم بأبلاغنا و نريد اقتراحات وحلول واقعية وجدية نستطيع القيام بها لأنقاذ هذة البراعم الصغيرة المسكينة لن ننتظر المساعدة من حكومتنا المبجلة التى تصدر قرارات مع وقف التنفيذ بل سنبدأ بأنفسنا.......ونحاول حماية ابنائنا أنا عن نفسى.......تفكيرى عاجز عن تقديم أى اقتراح وأتمنى أن أجد بعض الحلول عندكم أخوانى ولنتذكر يا اخوانى أن محمد من الممكن أن يكون يمت بصلة قربى لأحدنا فهل يرتضى أحد لة هذا؟؟؟؟؟!!!!!!!!!!! بأنتظار اقتراحاتكم وفى النهاية سامحنى يا محمد........أنا آسفة بجد ماجدولين ******************************** رجاء من المشرفين عدم نقل الموضوع لأجتماعات طالب فهذة ليست مشكلة شخصية......ولكنها مشكلة مجتمع بأكملة ونتمنى من الله أن نسهم فى حل هذة المشكلة ولو بجزء بسيط فى رعاية الله
__________________
أحببتكم فى الله فائق احترامى للجميع،،،،،،،، بالتوفيق
 آخر تعديل بواسطة د/ ماجدولين ، 28-08-2008 الساعة 10:12 PM |
|
#2
28-08-2008, 10:18 PM
|
|||
|
|||
اولا هو اكيد مش اسمه محمد وهى قالت كدة بس
ثانيا انتى ليه مش طلبتى البوليس فى المرة الاولى بعد ما هددتك وانتى لسة الفرصة فى ايدك ممكن تبلغى عنها دلوقتى لان الست دى مش لوحدها فى تنظيمات وناس كبار بينظموا التسول يعنى هتعمل كدة ميت مرة ولو حتى الموضوع انتهى على القبض ع الست بس مش مشكلة بس تكونى عملتى حاجة ايجابية تقبلى مرورى |
|
#3
28-08-2008, 11:28 PM
|
||||
|
||||
|
ايوه بقى عشان الموضوع فعلا يوجع
اولا الموضوع ده بقى بيزنس كامل ناس بتسترزق منه و عصابات كامله من اطفال الشوارع دول هو انتى ممكن كنتى تكونى اكتر ايجابيه و خصوصا فى المره التانيه انها مكنتش حتعرف مين اللى بلغ بس على العموم خلاص اللى حصل حصل بس المهم المره الجايه و الموضوع منتشر فاكيد حتبقى فيه مره تانيه و شوفى الكلام ده : المشهد الأول.. نهار خارجي: الأطفال من مختلف المراحل العمرية ينتشرون في أماكن الزحام محطات القطارات.. الأتوبيسات.. شوارع وسط البلد.. بعضهم يخدعك بأنه بائع مناديل.. والبعض الآخر يمد يديه تسولا بما تجود به من مال.. وفئة ثالثة تترقب المارة والجلوس لتتحين فرصة سرقة أو نشل. المشهد الثاني.. ليل داخلي: يجلس زعيم العصابة منتظرا أطفاله الذين قام بتسريحهم ويتقاسم معهم حصيلة ما جمعوه طوال اليوم. ما بين هذين المشهدين سيناريو بعنوان: بيزنس تسريح الأطفال. فمن نكد الظروف علي أطفال الشوارع أنهم صاروا يستخدمون كسلعة وبيزنس كبير من قبل زعماء العصابات, فلم يكن التوربيني وشركاؤه في الجريمة الأخيرة هم وحدهم أصحاب مشروع استثمار أطفال الشوارع بطرق غير مشروعة.. فسجلات الأحداث ومشاهد الليل تكشف عن أن هناك عصابات قائمة علي استخدام هؤلاء الأطفال وفق منهج إجرامي, وثقافة نشل وعقود مبرمة ضمنيا وربما تتضمن شروطا جزائية يتحملها في النهاية هؤلاء الأطفال. ربما يكون هؤلاء الأطفال ضحية ظروف معينة أو مناخ مجتمع ـ تحالف دون أن يدري ـ ضدهم.. لكن في النهاية تستسلم هذه البراءة إلي أوهام ظنا في الالتحاف بطعم الحياة مهما تكن مرارتها. عمر(12 عاما).. وسيم الملامح.. تفتقد عيناه مواطن الأمان, ويبحث قلبه عن حنان مفقود.. لم يخجل في تحميل والديه مسئولية تسوله إذ يقول: كنت أعيش مثل أي طفل في بيتنا.. ولي أب وأم.. لكن حدث أن انفصل أبواي.. وتزوج كل منهما.. وفجأة وجدت نفسي في الشارع.. لم ألتحق بالمدرسة.. ولم يكن لي أصدقاء محددون.. مثل بقية الأطفال.. دائما أشعر بالوحدة.. وفي إحدي المرات تعرفت علي محمود(14 عاما) يسكن في منطقة امبابة وأغراني بمبلغ من المال بعد أن عرف ظروفي الصعبة.. واعتبرته صديقا لي.. ولازمته في كل تحركاته.. وذات مرة قال لي: تعالي نأكل عيش.. لم أتردد فلم يكن عندي شيء أخاف عليه.. وذهبت معه إلي محطة مصر.. وعرفني علي المعلم الكبير.. ومن هنا بدأت رحلتي مع الإجرام والتسول والسرقة والنصب.. يتوقف الطفل قليلا ثم يواصل: عملت كل حاجة في الدنيا.. كبرت قبل الأوان.. واتفق معي المعلم أن يوفر لي مكانا أنام فيه آخر الليل وأن يعطيني في نهاية اليوم5 جنيهات.. فلم أصدق ذلك.. ووافقت دون تردد.. لم أكن أعرف هل هذا طريق الخطأ أم الصواب؟! ولم أجد من أسأله, واخترت محطة مصر كمكان مزدحم بالمسافرين.. وتخصصت في النشل, وعندما يشعر المعلم بأن هناك حملة مباحث قادمة لجمع الأطفال.. كان يخبرني بمغادرة المحطة والتوجه إلي شارع عماد الدين بوسط البلد, وأقوم بشراء كيس مناديل أتخفي من خلاله في ممارسة النشل, وفي نهاية اليوم أعود إلي المعلم ـ لم يذكر اسم المعلم خوفا من رد فعله ـ وأعطيه حصيلة اليوم.. ويربت علي كتفي ويقول لي: انت خليفتي في شوارع مصر يا عمر.. ومهما تكن الحصيلة فهو كان يخصص لي مبلغ5 جنيهات فقط.. لكنني خوفا من ضربه وتهديداته لم أستطع الكذب عليه أو إخفاء شئ عنه لأنه يقوم بتفتيش ملابسي قبل أن أنام, وقبل أن يختتم هذا الطفل حديثه يهز رأسه قائلا: مش عارف أعمل إيه.. أروح لمين.. دخلت أقسام الشرطة وعاشرت المجرمين.. لكن أنا مش مبسوط. ربما تكون هذه أجواء تسريح أطفال الشوارع.. وربما يسقطون دون دراية منهم بعوالم الإجرام.. لكن هناك قصصا أخري أبطالها اعتزلوا مهنة الإجرام وتسريح الأطفال.. فها هو سمير(52 عاما) يعاني من عاهة مستديمة في ساقه اليمني يروي قصته عندما كان زعيما لعصابة نشل يستخدم فيها أطفال الشوارع إذ يقول: كنت أقوم بتسريح25 طفلا في العقد الأول من عمرهم علمتهم مهنة النشل في الأتوبيسات والمقاهي والمناطق المزدحمة, وكنت أرسم لهم برنامجهم اليومي.. كيف يتحركون.. وكيف يراقبون الناس؟.. وقبل أن أوافق علي ضم أطفال جدد كنت أجلس مع كل طفل علي حدة وأعرف قصته وظروفه الأسرية ثم أهدده في حالة عدم التزامه بأوامري. الحكايه فعلا كبيره قوى و المصيبه اننا لغايه دلوقتى معملناش حاجه بجد ليهم رعايه ربنا ملناش غيرها
__________________
 In God's care HaPpiLy eVeR aFtEr آخر تعديل بواسطة اوركيديا ، 29-08-2008 الساعة 03:23 AM سبب آخر: هو انا كتبت حاجه الاول |
|
#4
28-08-2008, 11:39 PM
|
||||
|
||||
|
صعب ارد اقول ايه الموضوع فوق الإحتمال بس هحاول
وابسط شئ ممكن نعمله منديش للناس دول حاجة وتبلغى عن الست دى
__________________
{والذين جاهدوا فينا لنهدينهم سبلنا وان الله لمع المحسنين}
باستطاعة الرجل ان يبنى امة لو صحت رجولته |
|
#6
28-08-2008, 11:57 PM
|
||||
|
||||
|
بصراحة مش عارفة ارد على الموضوع
انتى غلطانة كان المفروض تبلغى البوليس او تاخدى الولد ده او حتى كنتى سحبتى الازازة من الست دى هو ده الشعب الموضوع ده مش جديد الموضوع ده من زمااااااااااااااان جدا بس العيب المرة دى على الحكومة اللى مش بتوفر الامن فى الشارع مش حقول غير ان ربنا مش بيسامح اى حد ظالم بس ان الله يمهل ولا يهمل حسبي الله ونعم الوكيل
__________________
عشت دنيا غير دنيتى وصدقتهم وكانت غلطتى مين ده قلبه ابيض فى الزمن ده |
|
#7
29-08-2008, 12:14 AM
|
||||
|
||||
|
بجد الموضوع جمييل جدا و معبر على ماساة من مآسي الاطفال في مصر لا و اكثر من ذلك معبر على ان العيب فينا مش في الحكومة ممكن حدا يقولي الست دي بتعمل كدا لييه؟ الحكومة اللي قالتلها كدا ؟؟؟
على العموم الف شكر على الموضوع
__________________
 If YoU ArE RigHt >> NoNe ReMeMbeRs .. If YoU ArE WrOnG >> NoNe ForGeTs |
|
#8
29-08-2008, 12:53 AM
|
||||
|
||||
|
لا اله الا الله
بجد مش عارفه انا حاسه بايه دلقوتى ومش عارفه لو كنت مكانك هعمل ايه انا حاسه دلوقتى بسذاجه مش عارفه بس بجد حاولى تبلغى ..لان الست الحقيره دى مينفعش تتساب كده والواد ده حصله ايه انا خايفه ليكون مات ..بس لو كانت حياته بعد كده هتكون بالشكل ده فالموت رحمه المفروض الموضوع يكو ن ع العام ممككن حد يقول حل بس انا حاسه انى مشلوله دلوقتى انا شويه وهاجى وهفكر فى حاجه |
|
#9
29-08-2008, 01:25 AM
|
|||
|
|||
|
لا اله الا الله
متتصوريش احساسى اى و انا بقرأ موضوعك بجد حسيت ان احنا ولا حاجة لان المنظر دا بيتكرر قدامنا كل يوم بالالاف و مفيش حد بيعمل حاجة سلبية الى اقصى الحدود فى مرة بردو كنت انا و واحدة صحبتى فى الشارع و كنا بنخلص حاجة و مشغولين المهم جت علينا واحدة و معاها بيبى صغير لسة فى لفة يعنى حتى مش طفل و بتقول اى حاجة اساعده بيها و البيبى دا تبصى عليه تحسى انه ميت اصلا الجو كان حر و هو لونه احمرررر و اعد يكح بجد اتخنقت اوى و مش عرفت اعمل حاجة بس صحبتى تقريبا خانفتها و قالتلها انتى لو خايفة عليه مش هتعملى فيه كدا اصلا و لولا ان انا مشغولة كان زمانى حبستك دلوقتى و مشينا و تانى يوم رجعنا نفس المكان بالصدفة و حاولنا ندور ع الست دى بس للاسف مش لقيناها من يومها و انا بردو متدايقة عشان كدا الحل اللى فى ايدك انك تبلغى عنها او تخلى حد تانى يبلغ عنها "ارحوا من فى الارض يرحمكم من فى السماء"
__________________
استودعكم الله شهرين...تلاتة...اربعة...
آخر تعديل بواسطة C A N D Y ، 29-08-2008 الساعة 05:45 AM |
|
#10
29-08-2008, 01:30 AM
|
||||
|
||||
|
بجد مش عارفه اقول ايه
قصتك دى مؤثره اوى انا عمرىفكرت اعمل حاجه كده بس المفروض نبلغ عن الناس دى وهى اكيد معهاش ما يثبت انه ابنها ده غير ان التسول جريمه وممكن يعملولها قضيه بس المشكله ان الولد هيروح الاحداث الا لو حظه حلو واهله كانوا عاملين بلاغ بس كده مستقبله مجهول وده الى احنا عايزين نأمنه
__________________
|
|
#11
29-08-2008, 01:47 AM
|
||||
|
||||
|
مش لاقيه كلام اقوله بجد
اقول ايه اقول ايه ذنبهم ولا ايه ذننب اهليهم واكتر شعور مؤلم شعور الضمير التانيب لما تحسي انك كان بايدك تعملي حاجه ومقدرتيش او ان في حاجز منعك ولما تحسي انك ضعيفه قدام الشر حسبي الله ونعم الوكيل حسبي الله ونعم الوكيل يمهل ولا يهمل وعذاب الله اشد واقوي
__________________
اجامل وابتسم واضحك وانا في داخلي مقهور
احاول اكتم همومي واخبيها وانا مجبور واذا زاد الحزن فيي كاني بعالم مجهور كأني بديني وحدي وكل الناس جافيها |
|
#12
29-08-2008, 07:31 AM
|
||||
|
||||
|
لا اله الا الله
بصى انا لو كنت مكانك كنت فى ساعتها لميت الناس عليها وفى الزحمه مش كانت هتقدر تاذينى وكان الى معاها مش هيعرفو يحددوا مين الا لم الناس مالناس هتكون كتير (على الاقل اموت وانا راضيه عن نفسى وشهيده موقف انسانى بحت تنهار له القلوب) بس الى حصل حصل وده قضاء ربنا ......وربنا جعلك سبب فى تذكره اناس اخرى يمكن ان يحدث لهم نفس الموقف وبعدين فى التليفزيون كانوا جايبين جمعيات لرعايه الاطفال دى (يعنى بعد متبلغوا البوليس وعقبال البوليس ميدور على اهلهم الحقيقين) بجد جمعيات جميله ان نكفله فى بيتنا بصى فى حلول يامه بس لازم الارداه تكون قويه ......ممكن نوديه جمعيه لرعايه الايتام بجد الجمعيات دى كويسه جدا .....بس المهم نلاقى البديل والحجه الى نقولها للحكومه بورق رسمى عشان الولاد دى متروحش الاصلاحيه  آخر تعديل بواسطة Hamset_Etab ، 29-08-2008 الساعة 07:33 AM |
|
#13
29-08-2008, 09:44 AM
|
||||
|
||||
|
مش عارفة اقول ايه بجد انا قلبى بيتقطع وانا بقرا القصة
فعلا المشكلة كبيرة جدا مش صغيرة زى ما الناس فاكرة انا من رايى ان من دلوقتى كل واحد يبدا بنفسه لو شفت حادثة زى كده يبقى ابلغ البوليس على طول ولازم كمان ما سيبش الطفل زى ما قالت بوسى ممكن نتصل بجمعية خيرية او دار ايتام لو هو يتيم او مشس لايقين اهله بس قبل كده نحاول نساله عن اهله ونشوف مكانهم ونعمل خبر فى الجورنال ومعاه صورة الطفل لعل اهله يشوفه وكمان نعمل اعلان عن المفقود فى التليفزيون الحلول كتيرة ومش صعبة والله بس المهم اننا منضعفش لازم نبقى اقزياء وشجعان ونواجه الموقف بشجاعة كبيرة ونحاول نعمل اللى علينا ولو شىء بسيط لان ربنا هيسالنا عن كده
__________________
 |
|
#14
29-08-2008, 12:37 PM
|
||||
|
||||
أخطاء قاتلة
السلام عليكم
بجد أنا مش عارفة أقولكوا أية؟؟؟؟ الحمد لله ع التفاعل دة........اللى بيدل أن احنا فعلا فينا أمل نتعدل بس يا جماعة أنا عاوزة أوضح حاجة الموقف اللى حكيتة دة.......بدون قسم هو موقف حقيقى وليس من تأليفى ودة لأنى بعد ما نزلت التوبيك لاقيت البنات اللى معايا ع الميل من المنتدى وكانوا أون لاين بيسألونى سؤال واحد هو الكلام دة حصل بجد؟؟؟؟؟؟؟!!!!!!!!!! وحتى اللى جم بعد كدة بعتوا أوفلاينات لنفس السؤال وأنتوا يمكن فكرتوا زيهم بس بأمانة الموضوع فعلا حقيقى ثانيا الموقف اللى حصل دة أنا غلطت فية تلات مرات وأتمنى أن أى حد بعد كدة يتحط فى الموقف دة مش يعمل الغلطات دى الغلطة الأولى اقتباس:
أنا والله مش عارفة أنا قولت كدة لية؟؟؟؟؟؟؟!!!!! لية مرحتش القسم كدة بمنتهى الهدوء؟!!!!!! كنت بحذرها مثلا ولا أية؟؟؟؟؟؟؟؟؟ بجد دى غلطة غبييييييييية جدااااااااااااا وان شاء الله بعد كدة......الحكاية دى متتكررش نروح القسم فى هدوء ومن غير شوشرة الغلطة الثانية اقتباس:
هنلاقى أنها مش مقبولة من الناحية العقلية بمعنى يمكن الزجاجة يكون فيها ماء عاااادى ودة مجرد كلام للتهديد وهى أكيييييييد مش هتقدر تأذينى.........لأن الشارع كان فية ناس وأكييييييد مش كانوا هيسيبوها بردوة دة غباء منى وسوء تقدير بس نعمل أية ؟؟؟؟؟؟؟؟.......ساعتها الواحد مكانش قادر يفكر بعقلة اقتباس:
ربنا يرزقنا..........كلمة رااااااااائعة تدل على مشاعر رقيقة أحيكى عليها الغلطة التالتة اقتباس:
ياااااااااارب تسامحنى أنا ياجماعة قولت الكلام دة عشان محدش يكرر الكلام دة.........ويكون خد الصدمة من أولها ويعرف يتصرف بعقل فى رعاية الله
__________________
أحببتكم فى الله فائق احترامى للجميع،،،،،،،، بالتوفيق
|
|
#15
29-08-2008, 12:51 PM
|
||||
|
||||
|
اقتباس:
اقتباس:
اقتباس:
عنكم حق كلكم المفروض فعلا أنى أبلغ بس الصراحة أنا مش عارفة مكانها دلوقتى وفى المرتين اللى فاتوا شوفتها فى مكانين مختلفين وأنا عملت التوبيك عشان الكل يعرف يتصرف أزاى وأكييييييييد أن شاء الله لو شفتها تانى أو شفت أى حد بيعمل زيها مش هتورع عن التبليغ عنة ونفسى كلنا نعمل كدة بأذن الله
__________________
أحببتكم فى الله فائق احترامى للجميع،،،،،،،، بالتوفيق
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 01:25 AM.
