قواعد التعامل مع كلية التجارة

[vampire1188]

ميه ميه يا استاذ محمد .. كلام موزون ومنطقي

بس برده ياريت تعرف الناس اللي لسه داخلين الكلية

ان بيئة العمل .. غير بيئة الدراسة نهااااائيا

زي ماسيادتك عارف .. ان كلية التجارة يمكن من الكليات اللي بيبقالها تدريب

وانا فعلا رحت اتدربت في الاجازة دي ..

كل اللي استفدته من التدريب فعلا .. هوا انك لازم يبقي عندك مهارات التعامل والتواصل معا الناس

سواء الناس اللي معاك في العمل .. او الناس اللي انتا بتقابلهم من الجمهور

وانا الحمدلله .. شبه عرفت طريقي من دلوقتي .. وهوا اني اتجاهي قسم ادارة

فيه ناس ميولها محاسبية .. بس انا اتجاهاتي ادارية..

ويمكن عشان كدا .. بحاول بقدر الامكان والكلام دا انشاء الله هايبقي من اول السنةالجايه

هوا اني اعمل دعم للمجال دا .. بالدبلومات والكورسات .. واللي اهمها كورس ال HR

بس البروبليم انه غالي شوية .. بس كورس زي دا يأهلك انك تتعامل معا اي شخص .. مهما كانت ميوله

وزي مالناس بدأت تقتنع دلوقتي .. ان مجال ال free economy هوا اللي بدأ فعلا يغزو مصر

وهوا اللي شغال دلوقتي ..

الشركات مابقتش تاخد بالوسايط .. بقت عايزة الرجالة الصح .. الرجالة اللي قادرين على الشغل

الناس اللي عندهم الريكاويرمنتس اللي بيها يقدروا يدوا اللي عندهم ..

صاحب الشغل او الشركة او المؤسسة مش عايز من موظفة الا ان يديله اقصي ما عنده ..

عايزه يطلع مواهبة .. عايزه يبدع .. وفي مقابل دا هايديك اجرك ..

الناس فاكرة ان اللي بياخد 1500 و 2000 دا مابيطلعش عينه .. لا بالعكس دا بينحر في الصخر !!

بس شئ طبيعي .. زي مانتا بتاخد اجرك .. زي مانتا لازم تدي عشان تاخد اجرك ..

مافيش مانع ان يكون فيه عوامل تحفيزية .. بس بتبقي بحساب ..

وهنا بقي بيقوم دور المدير او ال boss زي مابيطلقوا عليه في المؤسسات الكبيرة ..

كدا بقي هانخش في نظريات ومواضيع مالهاش صلة ..

عموما اهم حاجة في اي كلية تجارة في اي جامعة في مصر

سواء حكومية او خاصة او انترناشيونال ..

انك تحدد هدفك .. انتا عايز ايه ؟ .. ادارة ولا محاسبة ولا تسويق ولا تأمين ولا نظم معلومات ..

خليك ليمتد يحتار عدوك فيك