لو بتحب بلدك ... ادخل

[!!!دمعة حزن!!!]

المشاركة الأصلية كتبت بواسطة وفاء البحر

بسم الله الرحمن الرحيم

السلام عليكم ورحمه الله وبركاته
مبدئيا يا جماعه التغيير هيبتدي بثلاث مراحل
1- نغير من نفسنا
2- نغير في مجتمعنا الصغير اللي هو منتدانا الجميل ده
3- هنبتدي نحول التغيير ده للي حوالينا بدايه باسرنا
اولا :- تغيير نفسنا ودي حاجه مش هطول في الكلام فيها علشان احنا شبعنا كلام
كل واحد عارف اللي ليه واللي عليه لربنا وللي حواليه وكل واحد عارف هو ماثر في ايه والمفروض يعمل ايه وميعملش ايه
متفقين يبقي كده اوكي لو تخطينا المرحله دي
ثانيا :-المنتدي بصراحه في حاجه مضايقاني ان في هوجه من المواضيع التافهه وسوري في التعبير بس هي ما تستحقش اكتر من كده وده بقي دور المشرفين لان المواضيع ما بنستفيدش منها اي حاجه غير تضييع الوقت عايز تزود مشاركاتك يبقي بحاجه مفيده لان كلامك هتتسال عليه وتتحاسب علي كل حرف
فطلب من الاخوه المشرفين كل واحد يبحث في القسم الخاص بيه ويحذف المواضيع دي
واحنا لحد ما المشرفين يعملوا كده احنا ما نشاركش في المواضيع دي

ثالثا:- تغيير المجتمع من حوالينا
عايزين بقي نبطل نغمه هو احنا هنغير الكون لو حتي هتغير شخص واحد يبقي اسمك غيرت والحد ده هيغير حد تاني وهكذا
نحاول نطبق ده مبدئيا مع اسرتنا ادخل اسلوب الحوار في بيتنا نمي روح المشاركه وخليك ايجابي متبقاش مجرد حاجه في البيت تاكل وتشرب وتنام وتاخد فلوس وتروح دروس وبعدين ما تفلحش في الثانويه العامه
انا بتكلم بجد والله خليك او خليكي فعاله
اللي انا اتعلمه هنا في المنتدي مثلا من موضوعنا ده انقله للي حواليه وانتوا عارفين الناس بتاثر في بعضهم ازاي
بدل ما ماما مثلا تقعد تكلم طنت ام الخير ع الكنافه والبسبوسه وانا عملت وسويت
تكلمها عن حقوقنا في البلد وازاي تدافع عنها
بابا يقولك بطلي كلام في السياسه يا بنت اقعدي معاه وفهميه ان انتي مش بتتكلمي وخلاص وان انتم عايزين تعملوا حاجه لبلدكوا
انا لسه ما خلصتش كلامي بس نا تعبت دلوقتي
بس نحاول يا جماعه علي قد ما نقدر نكون ايجابين شويه
معلشي طولت عليكم
وسامحوني لو بتاخر شويه

يلا كل سنه وانتم طيبيين

كلامك جميل جدا حبيبتى
وبرفعلك القبعه ياحبيبتى
بس ياترى الكلام ده هيتنفذ امتى
ولو اتنفذ هيستمر اد اييييييييييييييييه؟


سامحينى لو كلام قاصى شويه
كل سنه وانتم طيبين
رمضان كريم