اقتباس:
المشاركة الأصلية كتبت بواسطة Precious
اولا و من غير حلفان
انا اصلا مش فتحت التوبيك ولا قريته الا لما اتبعتلى اللينك 3 مرات ع الميل
ثانيا مقررتش ارد الا لما لقيت ردود مستفزة خاصة من بنات..يا خسارة
و كان نفسى اكتب زى هو كيرز بالظبت بس للاسف مش عرفت
لان ضغطى ارتفع فلازم اوطيه بالرد
-------------------------------
-------------------------------
انا مش هرد على كل اللى اتقال عشان حاجة واحدة بس
"اذا لم تستحى فافعل ما شئت"
دلوقتى
حضرتك عندك 17 سنة
و شايف ان من حقك انك تجوز
هنقول اوكى
بس مش من حقك تظلم واحدة معاك
سؤال بسيط
عندك شقة؟
طب عربية؟
طب دخل ثابت مرتفع؟
هتعرف تتحمل مسؤولية نفسك عشان تتحمل معاها زوجة و اطفال؟
اللى هتجوزها دى مش المفروض اصغر منك؟
المفروض اقل حاجة 5 سنين؟
طب ماشى خليهم 3
يعنى هتجوز واحدة عندها 14؟
هتجوز طفلة؟
عشان تعملو اى؟
تعدو تلعبو مع بعض استغماية؟
دى هتشيل مسؤولية بيت؟
غير كدا
جواز طبعا يعنى خلفة
لما تجوز 17
يبأى هتخلف 18
قول 19 او حتى 20
مستعد ابنك يبصلك على انك زيه زيك؟
مراتك دى المفروض هتخلف 16
تخيل واحدة عندهل 21 سنة رايحة توصل ابنها اللى عنده 5 سنين المدرسة
لسة مش متخيل؟
طب تخيل واحدة عندها 36 سنة بتادب ابنها اللى عنده 20 سنة
تفتكر هتعرفو اصلا تربوه و انتو لسة محتاجين تربية
اه احنا لسة محتاجين تربية
عقلنا لسة مش اكتمل
ناس لسة اصلا مش دخلو جامعة
يعرفو اى عن الدنيا
عن عالم الشغل و عن حاجات تانية كتير
فين خبرات الحياة اللى تاهلك لاى موقف يقابلك؟
و يا ريت مش اسمع كلمة زمان
لان احنا مش عايشين زمان
و لو مش ملاحظين يعنى
الدنيا اختلفت و كل حاجة اختلفت
معنى كدا باى اننا نرجع بدائيين زى زمان
و نسافر بجمال ولا اى يعنى
و بعدين زمان الولد اللى عنده 9 سنين عقله بواحد من 20 سنة دلوقتى
لان زمان الناس كانت اد المسؤولية و بتشتغل و مش "تافهة"
-----------------------------------
-----------------------------------
الجواز دا مش هدف
لما تباى تكون نفسك ابأى فكر فيه
لما البنت تذاكر و تشتغل و تنجح و تكون نفسها
تبأى تبتدى تفكر فى حد يرتبط فيه
لو انتو فاكرين الجواز دا متعة
فهو ما هو الا قرف و بهدلة
ع الاقل لما اللى هيجوزو يكونو اطفال
لان الجواز دا مسؤولية و لابخة
لازم تكونو عيشتو حياتكو قبل ما تنهوها بالجواز
---------------------------------
---------------------------------
ربنا يهديكو كلكو
اشغلو نفسكو بحاجة مفيدة
بنات و ولاد
و انتو هتلاقو نفسكو مش بتفكرو فى الموضوع دا
حطو قدامكو اهداف و متتخلوش عنها
...و بس
|
والله انتي محتاجه وسام ع الكلام ده
كلامك واحده بتفكر صح
ربنا يوفقك بجد
ويهدي الجميع
02-09-2008, 02:30 AM
العرض الشجري
