موضوع مهم لكل طالب وطالبة دخلوا حاسبات.. كله يجمع

[اوركيديا]

آآآه .مغترب ...اعتقد برضه مش هتحتاجه لان مفيش دراسه عليه ولا علي الكمبيوتر العادي لنهاية سنه اولي تقريبا ...من الاخر

انت هتنسي شكل الكمبيوتر لحد ما سنه اولي تعدي ..كلو نظري وبس وواحد قالها قبل كدا ..المجال دا محتاج قراااااءه كتييير

وبعد كدا تشتغل عملي ...في الاول بقي بنشتغل نظري عشان بعد كدا تقدر تنفذ ...وربنا يعمل اللي فيه الخير

مين قال الكلام ده
لا طبعا من البدايه فيه عملى
و الكليه صعبه مش هينه و لا حاجه
و من سته اولى حتاخد ماده اسمها مقدمه فى علم الحاسب
و برمجه سى فى سنه اولى
يعنى الحكايه ان الحمد لله نص الدفعه بيسقط و النص التانى بيعدى بالعافيه
و تلاقى اتنين تلاته بس اللى امتياز
و شويه جيد جدا على جيد

الكليه عايزه شغل جامد منك انت بره الكليه
و دورات تدريبيه و الكلام ده

عشان متبقاش فى الاخر داتا انترى (يعنى تشتغل فى مكتبه تدخل من عليها معلومات)
و نص خريجين حاسبات اللى معرفوش يشتغلو بقو كده

الكليه دى الصعوبه اللى فيها انها محتاجه قوى انك تكون حاببها مش داخلها عشان المجموع
و انك كمان مستعد تشتغل فيها فى الاجازه

يعنى هيا من االاخر بتتداخل فيها الهوايه مع الدراسه

رغيت انا كتير
حتقولولى انتى جبتى الكلام ده كله منين
هو انا اخويا حاسبات رايح تالته
و بابا دوكتور برده فى حاسبات
يعنى العيله متاصله هناك
و انا برده كنت بفكر جديا ادخل رياضه و ادخلها
بس صراحه مش بحب قوى الفجول بيزك و السى شارب و البى اتش بى
و كلام البرمجه ده كله
فرحت دخلت طب
شوفتو التحويله

يلا المهم لو فى معلومه عن حاجه معينه انا ممكن افيدكو و عادى فاضيه

فى رعايه الله